Состојки
пола часа зејтин
2 чаши гриз
3 чаши шекер
4 чаши вода
1 пакетче ванилин шекер
кора од лимон

Во пошироко тенџере го ставаме зејтинот и гризот. Малку се попржува и потоа се додава една чаша шекер и добро се пропржува се додека не се растопи шекерот и се испржи гризот. Преостанатиот шеќер ( 2 чаши) се растопува во ладната вода и тоа постепено се додава во испржениот шеќер и гриз се додека се потроши. Се намалува температурата и се меша постојано се додека се згусти и почне да се одвојува од тенџерето. Ванилката и кората од лимон или портокал се става кога ќе се тргне тенџерето од оган. Алвата е готова и се става во намокрен сад ( куглов ) за подобро да се вади. По желба во алвата може да се додаде и сецкани ореви и суво грозје

Водата се сипа во тенџере и во неа се додаваат, шеќерот, ванилиниот шеќер и циметот и се вари додека не проврие.

Во исто време на огин се става тавче со шољата зејтин. Кога зејтинот ќе се загрее се додава гризот да се пржи. Зејтинот треба да е врел, бидејки ако во ладен зејтин се стави гризот, нема да се пропржи, туку ќе впие зејтин и нема да биде вкусно. За да проверите дали е доволно топол зејтинот, ќе *посолите* малку гриз во тавчето со зејтин. Ако крчка, доволно е топол, ако нема реакција ќе треба уште да се загрева.
Гризот се пропржува со мешање додека не добие убава златеста боја. Внимавајте да не го прегорите бидејки ќе горчи алвата.

Штом гризот ја добие златестата боја се сипа во тенџерето со веќе зовриена вода. Ќе внимавате да не ве испрска кога сипате и продолжувате да мешате на тивко додека не згусне, скоро да се стврдне.
Се сипа во калап или ако немате калап, ја оставате во тенџере да се олади. Кога се лади, се стврдува дополнително, па после со лажица за сладолед може да вадите топчиња или со голема лажица да вадите овални формички.

Ја многу често додавам мелени и/или дробени ореви во смесата пред крај на варењето. За декорација често користам кокос, убав шмек има. Ако сакате да го смените малку вкусот можете да додадете ред-два чоколадо, можете чиста алва да ја прелеете со чоколадо и посипете кокос.....се што сакате можете да направите

Пријатно јадење

1-2-3-4 е се што треба да запомните во овој рецепт. Масло-гриз-шеќер-вода. Земете една чаша и почнете да го подготвувате овој вкусен десерт.

Потребно е:

• 1 чаша (200 мл) масло
  
• 2 чаши гриз
  
• 3 чаши шеќер
  
• 4 чаши вода
  
• 100 гр ситно сецкани бадеми
• бадеми/ораси/лешници
• малку цимет, по желба

Подготовка:

- Во подлабоко тенџере загрејте го маслото за јадење и во тоа додадете го гризот со постојано мешање со дрвена лажица. Пржете го гризот додека не добие убава златно-жолта боја.

- Додадете ги бадемите и промешајте ги, за да се тостираат малку.

- Шеќерот измешајте го со водата и мешајте додека да се растопи.

- Полека додавајте од сирупот во смесата со гриз. Мешајте и продолжете да готвите се додека целиот сируп не биде апсорбиран од гризот и алвата не почне да клокоти.

- Оставете малку да се олади и потоа со лажица вадете од алвата и ставете на чинија за послужување.

- По желба одозгора можете да посипете со сецкани бадеми, ораси, лешници и цимет.