Оваа алва ја правеа мајка ми и баба ми кога бевме мали. Нема некој што ја јадел, а да не се воодушевил. Толку едноставно, толку лесно за подготовка, а толку вкусно.

Подготовката е лесна. Шољата што ќе ја одберете за мерка, нека биде истата што ќе ја користите за сите состојки. Не е важно колкава е шољата која сте ја одбрале, ако го следите рецептот. Јас најчесто користам шоља од 250мл, се добива количина на алава за која што е потребно тенџере од окулу 4 литри. Тенџерето нема да биде полно до горе, но ви треба простор за убаво да мешате.

Во теџерето сипете го маслото нека се загрее убаво. Дали е убаво загреано можете да проверите ако ставите прстофат гриз во маслото. Ако чрчори, спремно е.
Гризот убаво пржете го. Мешајте постојано. На почетокот нема да има големи промени, но до колку не мешате, многу лесно може да загори.
Кога ќе добие потемна боја, тргнете го на страна и по 2-3 мин внимателно почнете да ја додавате водата, шоља по шоља. Внимавајте прска!
Затоа велам, малку да се олади и внимателно додавање.
Убаво мешајте го гризот со водата, вратете на оган и додадете го шеќерот.
Мешајте додека не се згусне, да остава пат, во тенџерето (кога ќе мешате да останува разделен гризот)

Топлата смеса сипете ја во калапи по желба и оставете да се олади.
Може да стои во фрижидер без никаков проблеми и по 3-4 недеи, нема шанси да се расипе. Ќе внимавате да е убаво затворена, за да не се исуши.

Во врска со калапите, без оглед на тоа кој калап сте го одбрале, не се секирајте за вадење од калапот. Алвата е масна, не се лепи за ниедна површина. Сум го правела во силиконски калапи, во пластични големи, мали, а баба ми и мајка ми ја правеа во тавче.
Доколку немате калапи, можете слободно да ја натапкате во тавче, да ја оставите да се олади и да сечете коцки или баклави.
Мајка ми многу често правеше топчиња со алатката за сладолед и врз секое топче ставаше оревче.

Јас ви го дадов основниот рецепт. Може да се додава се што сакате по вкус. Сме ја правеле со мелени ореви - лудница, сме ја правеле со 3-4 реда чоколадо - супер, со кокос - исто супер, сме ја прелевале со чоколадо, сме додавале сок од еден лимон и 3-4 лажици мед....значи што ви сака душата можете да правите со алвата.

Пријатно јадење и уживање!

Манастирска гриз алва

Црна алва со ореви

Во тенџере се ставаат 3 лажици зејтин и 1 коцка маргарин и на нив се пржи 500 гр. гриз додека не порумени (на тивок оган).
Потоа се додаваат:

• 3 лажици какао
• 2 црни чоколади за готвење
• 3 лажици брашно
• 200 гр. мелени ореви
• 350 гр. шеќер
• 700 мл. вода
• 1 кесичка ванилин шеќер

Се вари додека не се згусне, со постојано мешање. Потоа смесата се става во подмачкано тавче
и одозгора се посипува со 100 гр. кокос. Кога ќе се излади може да се сече на парчиња.

Добар апетит!

ГРЧКА АЛВА

Вкусна и домашна чоколадна алва

Постојано дома се туфкаме и размислуваме што да си направиме нешто вкусно и благо, но сепак да биде брзо и лесно. Ние ви нудиме интересен и брз рецепт за домашна чоколадна алва, која секогаш може да ја задоволи вашата желба за благо.

Потребни состојки: 

1 шолја (за кафе) вода

2 шолји масло

6 шолји брашно

6 шолји шеќер

1 шолја чоколадо во прав или какао

По желба можете да додадете лешници, ореви и бадеми

Подготовка:

Во подлабок сад ставете го маслото, водата и шеќерот и потоа оставете ги да се варат. Брашното измешајте го со чоколадото во прав, или какаото. Кога шеќерот ќе се стопи и смесата ќе зоврие, додадете го брашното со какаото и полека мешајте. 

Мешајте неколку минути додека смесата не се изедначи. Додадете ги лешниците или пак останатото јаткасто овошје и тргнете ја смесата од оган.

Кога малку ќе се излади, алвата исечете ја на коцки. Декорирањето го оставаме на вашата фантазија.

Пријатен апетит.

https://moirecepti.mk/post/%D0%B4%D0%BE%D0%BC%D0%B0%D1%88%D0%BD%D0%B0-%D0%B0%D0%BB%D0%B2%D0%B0" rel="nofollow - - Домашна алва

Состојки
1 шоља масло
1 шоља брашно
1 шоља гриз
1 шоља шеќер
1 шоља вода
1 кесичка ванилин шеќер
по желба ореви и суво грозје

1. Се загрева на оган маслото и се додава брасшното и гризот.Се прат на тивко додека добијат темна боја.
2.Додека се пржи, во друг сад се загрева водата со шеќерот и ванилата додека се растопи шеќерот.
3.Кога ке се испржи брашното и гризот се додава шербетот и се меша непрекинато, потоа се трга од огнот и се турива во плех да остини,
4. по желба пред да се тргне од оганот се додава суво грозје и јатки ореви

Одкако ке се стави во плехчето се расмешува за да не останат грутки, туку да биде ситна и рофита

https://moirecepti.mk/post/%D1%81%D0%B2%D0%B0%D0%B4%D0%B1%D0%B0%D1%80%D1%81%D0%BA%D0%B0-%D0%B0%D0%BB%D0%B2%D0%B0" rel="nofollow - Состојки пола часа зејтин 2 чаши гриз 3 чаши шекер 4 чаши вода 1 пакетче ванилин шекер кора од лимон

Во пошироко тенџере го ставаме зејтинот и гризот. Малку се попржува и потоа се додава една чаша шекер и добро се пропржува се додека не се растопи шекерот и се испржи гризот. Преостанатиот шеќер ( 2 чаши) се растопува во ладната вода и тоа постепено се додава во испржениот шеќер и гриз се додека се потроши. Се намалува температурата и се меша постојано се додека се згусти и почне да се одвојува од тенџерето. Ванилката и кората од лимон или портокал се става кога ќе се тргне тенџерето од оган. Алвата е готова и се става во намокрен сад ( куглов ) за подобро да се вади. По желба во алвата може да се додаде и сецкани ореви и суво грозје

https://moirecepti.mk/post/%D0%B0%D0%BB%D0%B2%D0%B0-%D1%81%D0%BE-%D0%B3%D1%80%D0%B8%D0%B7-%D0%BC%D0%B0%D1%80%D0%B3%D0%B0%D1%80%D0%B8%D0%BD-%D0%B8-%D0%B1%D1%80%D0%B0%D1%88%D0%BD%D0%BE" rel="nofollow - - Алва со гриз, маргарин и брашно

Маргаринот се става да се стопи и во него се истура брашното и гризот да се подпржат. Шеќерот се става со водата да се растопи да зоврие и така врел се истура во пржените брашно и гриз и се меша да се соедини. Смесата се истура во калап или во тепсија, а потоа се ваѓаат калапи по желба.
Многу е брза, вкусна и едноставна по состав. Маргаринот може да се замени со зејтин, а брашното со гриз, ама мене оваа комбинација ми е најдобра

Состојки
За алвата
1 чаша гриз
1/2 чаша маслиново масло
1/3 чаша сончогледово масло
1/2 чаша мелени бадеми
1/2 чаша микс од суво грозје и брусница
1/2 чаша сусам
Шербет
3 чаши вода
1+1/2 чаша шеќер
1 лажица мед
1 портокал - кората и сокот
1 стапче цимет
5-6 црна каранфилче
1 лажичка мелен ѓумбир
малку кардамон

Насловот на рецептот е оправдан. 
Чашата е од 250 мл., а и не мора. со каква чаша ќе почнете да мерите, со таква ќе ги одмерите и останатите состојки.
 
- Најпрво спремете го шербетот
- Во касерола ставете ја водата, шеќерот, наренданата кора од портокал и сокот, медот, додадете ги сите останати зачинки, ставете нека се вари околу 5-6 мин. Тргнете од огнот.
Гризот
Во касерола загрејте ги двата вида на маслото, ставете гризот и пржете го стално бркајки го се додека почнете да добивата златеста боја. Додадете го бадемот и сусамот, продолжете да пржите до се до конечно добивање на златестата боја, тргнете од огнот и во овој момент да додадете сувото овошје. Измешајте. Додадете во вака спржениот гриз во шербетот и вратете на огнот. Нека се вари до згуснување, тргнете и ставете во модли кои ќе ги изберете и претходно навлажнете со вода. Чекајте да олади и густирањето може да почне.
НАПОМЕНА
- Доколку имате кандиран ѓумбир, без проблем ставете во шербетот да се вари. Јас бидејки немав ставив во прав. Можете да ставите и кандирани кори од портокал.
- Шербетот кога го спремате немојте да го преварите, тој ќе се довари заедно со гризот.
- Сувото овошје заменете со кое имате во моментот или кое го вие сакате, не е условно да биде баш суво грозје и брусница, најчесто ја спремам со суво грозје.
- Можете да го пржите гризот и на масло кое вие го користите. Не е проблем воопшто.

Состојки
1 шолја масло
1,5 шолја гриз
3 шолји шеќер
4 шолји вода
1 ванилин шеќер
1 лажица ѓумбир во прав
уште, по желба и вкус можи
цимет, каранфилче, суво грозје, сува брусница...

Во подлабоко тенџере ставете го маслото да се загрее. Потоа, турете го гризот и мешајте додека не се испржи до светло кафеава боја. Тргнете го садот од оган и додадете го шеќерот. Промашајте, а потоа внимателно по 2-3 минути додадете постепено вода. Внимавајте на овој момент, бидејќи ќе прска.
Вратете го садот на оган и варете со често мешање додека не почни да згуснува. Сега, додадете ги и останатите состојки-ванилиниот шеќер и ѓумбирот во мојот случај, а по желба и вкус можи да додадете наместо ѓумбир цимет, каранфилче или да ги измиксирате овие зачини и секако, кој сака можи да додаде и сецкани ореви, сува брусница или грозје.
Варете со постојано мешање на умерен оган се додека не сетите отпор на лажицата, односно не се познава пат.

Врелата смеса истурете ја во плехче предходно исплакнато со ладна вода или пак во силиконски калапчиња за да добиете алва со форми.
Јас дел истурив во ќерамичка четвртаста тава и дел во силиконски калапчиња. Она во тавата одозгора уште додека беше врело го посипав со ситно сецкано чоколадо и ореви.

Состојки
1 филџан таан
2/3 филџан мед
2 големи лажици путер од кикирики
115 гр путер
50 гр фстаци

Невидена вкусотија, значи децава по дома ги исполижаа сите лажици, па мачкаа како крем по лепчиња ама остана нешто и за во замрзнувач. Се спрема за помалку од 15 мин а се ужива ден-два (кај кого - како)...

Фстаците исчистете ги од лушпите и ставете ги во вода барем половина час. Во блендер (или ако немате може и со миксер) ставете ги сите состојки и омекнатиот путер. Убаво изблендирајте ја смесата додека не стане мазна и хомогена. Јас имав метален калап кој го користам за ситни колачи , во него ставив најлонска фолија и во него ја истурив добиената смеса измешана со фстаци. Ако немате ништо такво слично може да користите и обична чинија или пластичен сад но претходно ставете најлонска фолија. Оставете ја алвата во замрзнувач да стегне.

Најубаво да сечете парчиња пред послужување, зошто во неа нема некој посебен зацврстувач и брзо се растопува.

Брзо, здраво и вкусно. На здравје нека е!

Состојки
8 лажици шеќер
250 мл зејтин
250 мл топла вода
1 кг шеќер
3 лажици какао
30 лажици брашно
2-3 раце сецкани ореви

За разлика од останатите алви кои ги спремаме со гриз и се меки, измирската алва е тврда и потешка на вкус.
Одличен рецепт за да се заблажите во овие денови на Петровденскиот пост, но и за понатака.

Во подлабок сад, на тивок оган, ставаме 8 лажици шеќер да се карамелизираат постепено, без мешање или со благо наклонување на садот.
Ако мешате со лажица можно е да се формираат цврсти кристали кои потоа не можат да се растопат.

Откако се растопил шеќерот, го ставаме зејтинот, па промешуваме за да се загрее. Ќе забележите дека состојките не се измешуваат помеѓу себе, но тоа не е ни потребно.

Потоа садот ЗАДОЛЖИТЕЛНО покријте го со капак и со помош на ѓезве, полека низ мало отворче, додавајте ја топлата вода. Смесата ќе почне да прска, па затоа веднаш покријте го садот и оставете да се смири.

Следно е додавањето на шеќерот и на какаото. Ставете ги и мешајте постојано за да се стопат и сосема и смесата да биде добро хомогенизирана.

Ставете ги исецканите ореви, промешајте повторно и продолжете со додавање на брашното, во неколку серии. Можно е да не ви се потребни сите 30 лажици или пак ако ги ставите сите и сте добиле прецврста смеса, додадете малку масло.

На крај смесата што ќе ја добиете треба да биде поцврста, тешко да се меша и со груба текстура. Едноставно се распаѓа на помали делчиња и ќе треба дури е се уште топла да ја натапкате во намастено тавче и веднаш да ја исечете како што сакате.

На сликите може да забележите дека кај мене е во не правилни форми. Ја сечев на надолжни ленти, па откако се олади ги кршев парчињата.

Нека ви е на здравје!

Состојки
1 кг шеќер
250 мл вода
250 гр брашно
100 гр сецкани ореви или суво грозје

Во тенџере се ставаат 6 лажици од килото шеќер, се става на оган да се карамелизира. Потоа се додава водата (внимателно да не испрска) и останатиот шеќер. Убаво се меша додека не се стопат шеќерот и карамелот, се остава да зоврие повремено мешајќи. Откако ќе зоврие да вари 3-4 минути.
Се трга од оганот и се додава брашното, се меша убаво да се изедначи смесата. Потоа се додаваат сецканите ореви или суво грозје.
Смесата се истура во калап (30х11) обложен со алуминиумска фолија намачкана со малку масло.
Оставете ја да се олади и да се стврдне неколку саати. Потоа се сече на правоаголници или коцки и се сервира.

Состојки
1 кг шеќер
200 гр вода
200 гр масло
2 ванила
4-5 лажици какао
600 гр брашно
200 гр маргарин

Се ставаат шеќерот, водата и маслото да зовријат. На исклучена рингла потоа се остава да врие околу 5 мин. во кое време ја додаваме ванилата.
Се додава маргаринот исецкан на ситни парчиња и се меша додека се стопи.
Брашното и какаото се машаат заедно и со брзо, непрекинато мешање постепено се додава на подготвената течна смеса.
По желба се додаваат крупно исецкани бадеми, ореви, лешници и суво грозје.
Се истура во плех, тепсија или калап во висина од 2 см и кога ќе олади и добро се здрви се сечи на штангли.
Мојата денешна алва е приготвена со предходно карамелизирање на шеќерот, наместо како што е наведен рецептот, а во неа не додадов јаткасти плодови. Сето тоа заради испробувањето на делимано калапчињата.
Пријатно!

Состојки
1 чаша зејтин
1 чаша брашно
1 чаша гриз
1 чаша мусли од лешник и суви сливи(по желба може и други)
3 чаши шеќер
4 чаши вода
2 лажици сусам
100гр бела чоколада за готвење

Зејтинот се става во тава и се загрева. Се става брашното и на тивко се пржи со постојано мешање додека се зацрвени. Пред крај на пржењето се додава и сусамот и се заедно се пржи уште 2-3 минути.
Во друг сад се мешаат шеќерот и водата додека се спојат-да се растопи шеќерот.
Во испрженото брашно се додава гризот, муслите и сето тоа се налева со шербетот. Се меша постојано додека смесата се згусне и малку проврие
На крај се додава и чоколадото за готвење за поубав вкус, се промешува и алвата се истура во соодветен сад или калап. Се остава да се олади и се сече по желба.
Овој рецепт е правен по принципот 1,2,3,4 само со дополнување и навистина вкусот е одличен.

Состојки
1 финџал(100мл) вода
2 финџали зејтин
6 финџали шеќер
6 финџали брашно
1 финџал какао
1 финџал мелени ореви
1/2 лажичка цимет

Зејтинот, водата и шеќерот се ставаат во подлабок сад да зовријат.
Брашното убаво се меша со какаото и мелените ореви.
Одкако ќе зоврие се остава 3-5 минути да врие на тивко, а потоа полека се додаваат измешаната смеса од какао, брашно и ореви. Алвата се вари со постојано мешање околу 3-4 минути, а на крај може да се додаде и половина лажичка цимет. Алвата се истура во плех, се рамни со влажен нож и се остава да се олади.
Одкако ќе се олади се сече по желба, а овој пат јас ја направив со калапче и со розе прелив.

За преливот во подлабок сад се меша шеќер во прав со сок од еден лимон и се добива густа смеса во која се додава боја по желба и се премачкува алвата.

Вистински деликатес од неколку состојки: Домашна алва која никој нема да ја заборави

Состојки
4 чаши вода
3 чаши шеќер
2 чаши гриз
1 чаша зејтин
1 ванила

Загрејте го зејтинот, додадете го гризот и нека се пржи до добивање на браонкаста боја, додадете го шеќерот и ванилата, уште кратко време пржете заедно,
За кратко тргнете од огнот, додајте доколку сакате сецкани ореви (јас додавам и цимет) додадете ја водата
Вратете на огнот и варете кратко време – таа ќе се згусти.
Тргнете од огнот, наполнете навлажнети калапи, почекајте да се олади.
На чинија свртете ги калапите и извадете ја алвата. Само со лесно ударање таа веднаш ќе излезе.. или пак сервирајте ја онака како што сакате вие.

Пријатно јадење и уживање!

Состојки
250мл. вода
1 маргарин
1кг. шеќер
100гр квалитетно какао
650гр. брашно
250мл. масло за јадење
100гр. кокос
50гр. сецкани ореви
50гр. суво грозје
5 крем бананки

Многу вкусна домашна црна алва. Крем бананките и даваат специфичен мирис и вкус.
Најпрво во тенџере се налева водата, па во неа се додаваат маргаринот и шеќерот да се растопат и да зовријат. Откако ќе започе да врие, смесата треба да изгледа како бела пена и се остава да врие 5минути. Потоа (по 5мин), се трга од оган и во неа се додава прво маслото за јадење, па какаото. Откако ќе се измешаат постепено се додава брашното и се меша убаво со лажица за да не се направат грутчиња. На крај се додаваат кокосот, сецканите ореви, па сувото грозје и крем бананките. Убаво се меша уште еднаш. Потоа се истура во плехче, обложено со најлонска фолија, па се остава да се стегне.

Забелешка
Многу е важно за алвата да се користи високо квалитетно какао. Исто така, важно е и времето на тргање од оган, значи треба да се мери вриењето да биде едно пет минути, ни помалку, ни повеќе.
Смесата за алва е готова, кога сама ќе се одделува од садот. Тоа значи дека можеби ќе ви бидат потребни плус уште две до три лажици брашно, за да се постигне посакуваната цврстина.
Доколку не сте сигурни, веднаш по истурањето на сите состојки, извадете малку од алвата, ставете во фрижидер, па за тоа време додека мешате, алвата ќе се стегне, па по тој пример ќе се ориентирате дали е потребно плус брашно да се додава во самата смеса. Излегува голема количина, и тоа значи дека може и да си правите и половична доза.

Едноставниот метод на варење на овошје со шеќер се употребува во Индија од најстарите времиња. Алвата може да ја направите во поголема количина, добро затворена може долго да стои во фрижидер, а децата особено ја сакаат.

http://www.makmoda.com/wp-content/uploads/2016/12/al2.jpg" rel="nofollow">

За да ја подготвите потребни намирници се – 2 килограми јаболка, 2-3 лажици путер, 300 грама шеќер, 150 гр суво грозје, 3 лажици ситно исечкани бадеми и ореви.

Оваа алва може да се направи и без шеќер. Наместо  шеќер на 1 кг јаболка додадете 8-10 урми кои претходно ситно ќе ги исечкате или измелете.

Доколку алвата ја правите од јаболка, круши или боровинки може да додадете цимет, а ако алвата ја правите со кајсии или праски, додадете ванила.

Подготовка

Јаболките измијте ги, излуете ги, преполовите ги и од нив извадете ги семките и „коската“. Според оригиналниот рецепт преполовените јаболки се ставаат на загреано масло (подобро путер) и кога малку ќе омекнат се гмечат во каша. Некои пак веднаш ги рендаат, без да омекнат на оган. Кога јаболкото ќе омекне и добие смеѓа боја, по потреба додадете малку вода (лажица до две). Мешајте ги постојано јаболките на умерена температура за да не загорат. Потоа додадете го шеќерот (односно ситно сечканите урми) и продолжите да мешате. Кога смесата ќе стане проѕирна по рабовите (доколку ја правите со урми нема да биде многу проѕирна) и толку густа што не може да се меша, тргенте ја од оганот, додадете го сувото грозје и бадемчињата и гответе потоа уште 3 минути.

Готовата алва префрлете ја во намрсена тава и обликувајте во квадрат со дебелина 2,5 сантиметри. Кога ќе се олади исечете ја на коцки или ромбови, а може и да ја обликувате во топчиња.

https://moirecepti.mk/post/%D0%B0%D0%BB%D0%B2%D0%B0-%D0%BE%D0%B4-%D0%B3%D1%80%D0%B8%D0%B7-%D0%BF%D0%BE%D1%81%D0%BD%D0%BE" rel="nofollow - - Алва од гриз (посно)