Состојки:
Тесто:
500 гр. брашно
200 мл. млако млеко
7 гр. сув квасец
300 гр. варени компири
2 жолчки
1 лажичка сол
3 лажици масло
Подготовка:

Компирите се лупат и се варат. Кога ќе се сварат се цедат и се пасираат. Во друг сад се става брашното, се додава солта, квасецот и се промешува. Се додаваат жолчките, маслото, пасираните компири и заедно со млакото млеко се замесува хомогено тестото и се обликува во топка. Се покрива со крпа и се остава на топло место 45 мин.да стасува.

На набрашнета работна маса се става тестото и се премесува. Се расукува кора со големина од 8 мм. и се сечат правоаголници 12 х 8 см. Се филува секој правоаголник и се витка во ролат по должина. Страните од пирошката треба добро да се затворат за филот да не излезе за време на пржењето. Во подлабок сад се става масло и се пржат пирошките рамномерно со постојано превртување. Се служат топли со јогурт или кисело млеко. 

-500 г.кори
-3 јајца
-250 г. рендана шунка
-една грутка сирење рендано
-шампињони
-1/2 л. минерална вода

Јајцата се мешаат со сирењето,шунката и шампињоните.
Се редат по три кори една врз друга.Првите две се попрскуваат со зејтин,а третата не.На третата кора најдоле се става зајрето и се мотаат како за баклава.Така замотано се реди во тавче за печење.Постапката се повторува додека не се потрошат и корите и зајрето.Потоа замотаните ролни од кори се сечат на четвртинки и се попрскуваат со минералната вода ,убаво да се надојат и да отстојат половина час.
Потоа,во мало подлабоко тавче за пржење (може и во фритеза или тенџерче), во поголема количина зејтин се пуштаат една по една.Готови се штом ќе се вцрват.Се вадат и се цедат на книжна салфета.
BON APETIT

Сакам да готвам ептен ама сеуште не можам да готвам комплицирани јадења (кога велам комплицирани баш за пирошкиве - не можам да чекам да киснат, или недокиснати ќе бидат или прекиснати) па затоа ќе споделам рецепт за сите оние кои живеат сами/со цимери (а не цимерки) или не им е мама до нив.

ПИРОШКИ ЗА ПОЧЕТНИЦИ

- 3 јајца
- 450 гр брашно (за тие што немаат вага како мене 3 чаши неполни до горе/ една                                                  чаша стаклена = 160 гр)
- 600 гр изварка (гледајте да биде солена оти ако не е солена нема да има никаков вкус)
- 1 прашак за пециво
- 3 лажички сол
- масло за пржење

Брашното се сее (јас немам сеилка и не го сеам) во сад, се додава пецивото и солта и се меша. Се прави една дупка на средина и се додаваат јајцата и изварката. Почнувате да мешате со рака (со лажица лепи) се додека се добие една хомогена смеса и сето тоа се префрла на маса работна, набрашнета и се меси тестото се додека престане да се лепи за рацете.  Тоа сето се сучи (ако немате сукало како мене, јас користам стаклено шише од вода, се разбира измиено предходно убаво) и се сучи кора дебела околку пола сантиметар. Е сега имате две варијанти:

1.  Сечете правоаголници и на средина ставате полнеж
2. Сечете кокци или други форми

Се пржат во загреано масло додека не станат светло кафени (внимание брзо се пржат ако е добро загреано маслото 40 сек максимум).

Ете тоа е мојот рецепт, ни киснење ни многу продукти.

Сервирајте со јогурт, сирење или мајонез со кисели краставички !!


П.С. За полнежот: изварка или меко сирење измешано со копар, еден мој предлог