Студентски Марш

Почна концертот на босанскиот рок бенд Дубиоза Колектив на платото пред УКИМ, во Автономната зона. Додека бендот „рока“ пред влезот на Филозофски/Филолошки факултет, на платото се собрани стотици студенти кои играат и скокаат во ритам на музиката.

На овој начин Дубиоза изразува поддршка и солидаризација со студентите. Пред почетокот на концертот од бендот порачаа дека „требало да дојде и министерот Адеми со членови од кабинетот но дека откажал во последен момент“.

Архитектонски факултет прогласи автономија

Со прес конференција за слободата на универзитетите, студентите од Архитектонскиот факултет при УКИМ од Скопје попладнево прогласија автономија, отворајќи Автономна зона и на својот факултет. 

- Пред една недела започна прогласувањето на автономија на Филозофскиот и Филолошкиот факултетот, никој не беше херој, туку сите заедно бевме херои - велат пленумците од Архитектонск. 

Студентите од пленумот на своите колеги и пред новинарите кажаа дека се приклучуваат на Автономната зона бидејќи се скептични на „омекнувањето“ од страна на Владата.

- Се сеќавате ли на изјавата на премиерот „Не знам зошто протестираат, нивна работа нека протестираат“ - велат од Пленумот и нагласуваат дека на Македонската телевизија се уште се вртат рекламите за тоа колку е добар државниот испит.

Тие потсетуваат на почетоците, на студентските маршови кога провладините медиуми го занемаруваа нивното постоење, а Владата беше глува на нивните барања и истакнуваат дека гласот на студентите е нивната храброст.

- Автономната зона трае за да докажеме дека студентите можат да имаат квалитетно образование без мешање на државата - велат пленумци. 

Студентите на Архитектонскиот факултет ги поканија своите колеги од другите факултети да влезат и заедно да прогласат автономија.

- Сакаме слободен факултет без апсурдни закони и без политика. Не им веруваме на добрите намери на Владата, која донесе закон иако имаше илјадници кои протестираат надвор на улиците. Сега, откако почнавме да прогласуваме автономија на факултетите се сетија дека треба да не послушаат и почнаа да го менуваат законот - вели за Плусинфо студент од Архитектонскиот факултет. 

Пленумци додаваат дека гласот на студентите е најмоќен, бидејќи тие се иднината на државата и дека нивните барања мора да бидат исполнети, во спротивно ќе постапуваат заедно и ќе преземат други мерки.

Имавме тука некој во живо да извести мислам?