Се родија 30 ГМО бебиња: Почна производството на генетски модифицирани луѓе

Денеска беше соопштено дека во САД успешно се развиваат бебињата од првата генерација генетски модифицирани луѓе. Станува збор за 30 здрави бебиња кои се резултат на низа експерименти на генетски инжинеринг, што предизвика големи дебати во САД, пишува Дејли меил.

За сега се извршени испитувања врз две денеска веќе едногодишни бебиња и кај нив се најдени гените на тројца „родители“, односно луѓе чиј генетски материјал е земен за создавање на овие бебиња. Во двата случаја станува збор за генетски материјал на две жени и еден маж. Бебињата се експеримент на Институтот за репродуктивна медицина и наука Сент Барнабас во Њу Џерси.

Генетичарите кои се противат на генетското модифицирање на луѓето велат дека вака се создава практично нова, вештачка раса. На ова, се разбира, се противат и верниците од сите религии кои сметаат дека Бог ги создал луѓето.