За злоупотребата на Светото Писмо

Во мојот прв пост ја спомнав демагогијата во контекст на манипулирањето со луѓето т.е. како сретство кое вернициите кои освен што практикуваат одредена религија, со своите постапки (проповеди, предавања, дискусии ...) сакаат истата да ја прошират врз што е можно поголем број луѓе.

Следниве твои цитати претставуваат уште една потврда за мојот претходно искажан став дека демагогијата е еден од методите на ширење на една религија, начин кој со замајување на народот со одредени реторички заврзлами, вртења во круг, сепак на крајот завршуваат со основната поента – моето е најдобро и затоа најдобро е да се приклониш кон мојата вера. Сето друго е невистина, лага, лажно верување, лажни, непостоечки богови. (Зарем и во библијата не пишува дека ќе се појават лажни пророци?!)

Повторно велам, ти и овојпат користиш демагошки методи бидејќи од една страна негираш дека си рекол за твојата религија дека е единствената вистинска религија:

spiros напиша: „ ... потполно би ти дал право кога јас би велел дека јас и мојата религија е единствената вистинска религија, но не го велам тоа ... “

За веднаш потоа, во истата реченица, да дојде до израз сјајот и величенственоста на методот за кој зборувам:

spiros напиша: „ ... туку велам: не јас, не ти, не ние, не вие, туку вечната Милост (Мудрост) БОЖЈА - Христос - Тоа е  единственото совршено точно и вечно Евангелие! Таа вечна Милост (Мудрост) БОЖЈА е пред небото и земјата, пред секое битие и е воедно темелот - и целта - на секое постоење! ... „

Со други зборови, не ти, туку „вечното Евангелие“ е тоа кое ова го вели. Ти само го пренесуваш тоа што ти си го прифатил од него, па сакаш да кажеш дека религијата чија „мудрост“ и „милост“ е произлезена од таткото бог, а олицетворена во господ Исус Христос, е онаа вистинската, „единствената“, „точната“, „совршената“! Дали сега јас (или некој друг кој има прифатено некоја друга, погрешна религија), треба да ги прифатам овие зборови на божјото евангелие искажани преку тебе со кои се негираат, потценуваат другите религии т.е. дека сите други религии се „невистински“, „лажни“, „несовршени“ ... и да се „мавнам“ од нив?

И самиот твој пост скриптум говори за ова што досега го велам.

spiros напиша: п.с. Чедата БОЖЈИ во однос на секој друг “бог“ - освен на Единствениот Вистински и Совршен БОГ (и Отец) во Исуса Христа - се “атеисти“!

Според ова твое кажување, за тебе (вас) секој кој не верува во вашиот бог е „атеист“. Бидејќи атеист буквално значи човек кој не верува во бог, тоа подразбира дека тие кои веруваат во „секој друг бог“ за вас се празноверци.

Ти и верниците од твојата деноминација (како впрочем сите други верници од нивните деноминации), не ги признавате правата на другите да си живеат во нивната заблуда т.е. да си веруваат во тоа во што тие сакаат да веруваат.

И кој после ова може да рече дека светото писмо не се злоупотребува?

spiros напиша: Сфаќаш?

Да, сфаќам дека јас како атеист, за разлика од припадниците на разните верски деноминации кои се обвинуваат и не се признаваат меѓусебно (освен се разбира декларативното), имам поголем праг на толеранција и ги почитувам сите кои си веруваат во тоа што мислат дека е исправно.  Јас никому не сум му го оспорил неговото убедување, на никого не сум му рекол дека е на погрешен пат во откривањето на вистината.
Токму оваа моја животна филозофија е преточена во максимата искажана во мојот потпис.

Р.Ѕ. А ти го сфаќаш ова што го реков? 

Спиросе, мило ми е што моето појавување кај тебе предизвика чувство на радост. Ти благодарам за убавите зборови и желби. Добрите луѓе се познаваат и по оваа особина – иако се критикуваат, сепак се почитуваат. Впрочем, ако не е критиката, ако не се спротивставувањата, ќе нема напредок во светов. Ако сме истомисленици, едноставно ќе се согласиме дека едно нешто е такво и, толку! Нема за што да се дискутира понатаму.

Што се однесува до твоите ставови, до твоите размислувања, воопшто не се сомневам дека имаат нешто лошо, дека свесно на некого му мислиш лошо. Далеку од тоа.

Но, со самото твое верување во верата за која си се определил, ти (но не само ти, туку и другите верници од сите вероисповеди) несвесно ги понижуваш останатите кои не се припадници на твојот колективитет.

Зошто велам ги понижуваш?

Ги понижуваш со тоа што велиш дека другите се кривоверни, што само по себе имплицира дека тие не знаат, дека не се способни да оценат што е добро, што е вистинско па, како такви, скршнале по друг пат – во кривоверство. Или во неверство (како мене )

Значи, поентата е во тоа што секој припадник на одредена религиозна заедница, тргнувајќи од своите лични побуди (определби), изградувајќи го своето „индивидуално его“ се приклонува кон принципите на „колективното его“, негирајќи го притоа колективното его (а со тоа и индивидуалното) на другите колективитети (религиозни заедници) .

Еве, и последниов твој цитат го говори токму тоа за што сега (како и претходно) пишувам:

spiros напиша: ... Но, ако не го правам тоа за личен или колективен егоистичен профит туку за се’општо спасение, тогаш твоите (вашите) обвинувања...

Ете, гледаш, во сета твоја добра намера ти несвесно, или подобро речено потсвесно т.е. твоето его те прави да си убеден дека ти си во право, па затоа велиш дека само преку твојата правоверна (исправна) религија доаѓа сеопшто спасение, што подразбира дека преку другите религии тоа спасение е невозможно да се постигне!

Иако секоја религија декларативно се определува за мир, љубов, разбирање ... сепак, на овој индиректен начин, со „отворање на очите“ за кривоверната и приклонување кон вистинската религија, која единствено  нуди спасение, се сака да се наметне својата и да се уништи другата! Е затоа во претходниот пост велам „деструктивизам“!

Мислам дека сега разбираш „Шта је писац хтео да каже“!

Повеќе од една година не бев присутен на форумов,

Сега дојдов, видов и ... што ќе видам ... таа-па-таа!

Па добро Бе Спиросе, до кога со овие твои демагошки „мудрувања“?

Од една страна ни’ зборуваш за љубов, за мудрост, за толеранција, за почитување меѓу луѓето (демек, тоа твојот бог така ти рекол), а од друга страна ти не само што не го почитуваш другиот, туку правиш уште полошо - го навредуваш, го понижуваш, го омаловажуваш секој кој не е како тебе, секој кој не мисли како тебе, кој не го прифаќа твојот или било кој друг бог? Сите тие имаат проблеми, сите тие се кривоверни, сите тие не се свесни!

До кога Бе со ова твоја демагогија?

Зарем следниве твои зборови приличат на еден вистински верник?

spiros напиша: ... Тука и лежи проблемот на кривоверниот и неверниот свет, кој што се’уште е заробен во индивидуалниот и колективниот егоизам и не е свестен ...

Па зарем има поголем егоизам од твојов?

Воден од твоите „индивидуални егоистички“ побуди, ти, кој веруваш само во твојот бог, мислиш дека само ти (твоето его) си во право и не сакаш да признаеш и да прифатиш постоење на друг/и бог/ови.

А што е уште пострашно, сето ова може да се сведе на еден збор – деструктивизам, бидејќи ти, длабоко во себе,  посакуваш т.е. се стремиш да уништиш секакво друго верување што не е твое, се што не припаѓа на твојот „колективен егоизам“!

Уште и се занесуваш дека си некој „учител“, па им зборуваш на луѓето, ама тие не те слушаат и жалиш поради тоа:

 

spiros напиша: ... од мене мораат да слушаат нешто што на нивните уши воопшто не им годи. ... Жалам што е тоа така!

Да, овде навистина нешто е за жалење!

spiros напиша: Messenger напиша: Ајде, ќе прашам уште еднаш надевајќи се, доколку си сериозен соговорник,  дека ќе удостоиш со одговор член кој се одзива на твојот повик да коментира на тема отворена од тебе...     Крајно е несериозно - или во подобриот случај само страмота -, кога еден човек кој себеси се наречува xристијанин и чедо БОЖЈЕ, да не ги знае од ГОСПОДА лично избраните Апостоли! Но, тоа воопшто нетреба да не зачуди, бидејќи се’поголем е бројот на луѓето (самонаречени христијани) кои го одфрлаат сведоштвото на вистинските Христови Апостоли, Евангелисти и следбеници, а се гордеат со сопственото знаење и умеење. Оттогаш Исус почна да проповеда и да говори: „Покајте се, зашто се приближи царството небесно!” И одејќи покрај Галилејското Море, ги виде двајцата браќа, Симон, наречен Петар, и брат му Андреј, како фрлаат мрежа во морето бидејќи беа рибари. И им рече: „Појдете по Мене и Јас ќе ве направам ловци на луѓе.” И ете, тие веднаш ги оставија мрежите и тргнаа по Него. Потоа, одејќи понатаму виде други двајца браќа: Јаков Заведеев и брат му Јован, во кораб со Заведеј, таткото нивни, кои си ги крпеа мрежите свои, и нив ги повика. И тие веднаш го оставија коработ и татка си и тргнаа по Него. Ев. Матеј 4:17-22

dejstvuvajneto so zloupotreba e isto sto i dejstvuvajne poradi sudbina.samo sto ednite legalno go pravat toa.

Ајде, ќе прашам уште еднаш надевајќи се, доколку си сериозен соговорник,  дека ќе удостоиш со одговор член кој се одзива на твојот повик да коментира на тема отворена од тебе...

spiros напиша: Messenger напиша: Кои се тие Неговите вистински Апостоли ?    ... барајте и ќе најдете ...! Ев.Матеј 7:7