Повеќе од една година не бев присутен на форумов,

Сега дојдов, видов и ... што ќе видам ... таа-па-таа!

Па добро Бе Спиросе, до кога со овие твои демагошки „мудрувања“?

Од една страна ни’ зборуваш за љубов, за мудрост, за толеранција, за почитување меѓу луѓето (демек, тоа твојот бог така ти рекол), а од друга страна ти не само што не го почитуваш другиот, туку правиш уште полошо - го навредуваш, го понижуваш, го омаловажуваш секој кој не е како тебе, секој кој не мисли како тебе, кој не го прифаќа твојот или било кој друг бог? Сите тие имаат проблеми, сите тие се кривоверни, сите тие не се свесни!

До кога Бе со ова твоја демагогија?

Зарем следниве твои зборови приличат на еден вистински верник?

spiros напиша: ... Тука и лежи проблемот на кривоверниот и неверниот свет, кој што се’уште е заробен во индивидуалниот и колективниот егоизам и не е свестен ...

Воден од твоите „индивидуални егоистички“ побуди, ти, кој веруваш само во твојот бог, мислиш дека само ти (твоето его) си во право и не сакаш да признаеш и да прифатиш постоење на друг/и бог/ови.

А што е уште пострашно, сето ова може да се сведе на еден збор – деструктивизам, бидејќи ти, длабоко во себе,  посакуваш т.е. се стремиш да уништиш секакво друго верување што не е твое, се што не припаѓа на твојот „колективен егоизам“!

Уште и се занесуваш дека си некој „учител“, па им зборуваш на луѓето, ама тие не те слушаат и жалиш поради тоа:

spiros напиша: ... од мене мораат да слушаат нешто што на нивните уши воопшто не им годи. ... Жалам што е тоа така!

Спиросе, мило ми е што моето појавување кај тебе предизвика чувство на радост. Ти благодарам за убавите зборови и желби. Добрите луѓе се познаваат и по оваа особина – иако се критикуваат, сепак се почитуваат. Впрочем, ако не е критиката, ако не се спротивставувањата, ќе нема напредок во светов. Ако сме истомисленици, едноставно ќе се согласиме дека едно нешто е такво и, толку! Нема за што да се дискутира понатаму.

Што се однесува до твоите ставови, до твоите размислувања, воопшто не се сомневам дека имаат нешто лошо, дека свесно на некого му мислиш лошо. Далеку од тоа.

Но, со самото твое верување во верата за која си се определил, ти (но не само ти, туку и другите верници од сите вероисповеди) несвесно ги понижуваш останатите кои не се припадници на твојот колективитет.

Зошто велам ги понижуваш?

Ги понижуваш со тоа што велиш дека другите се кривоверни, што само по себе имплицира дека тие не знаат, дека не се способни да оценат што е добро, што е вистинско па, како такви, скршнале по друг пат – во кривоверство. Или во неверство (како мене )

Значи, поентата е во тоа што секој припадник на одредена религиозна заедница, тргнувајќи од своите лични побуди (определби), изградувајќи го своето „индивидуално его“ се приклонува кон принципите на „колективното его“, негирајќи го притоа колективното его (а со тоа и индивидуалното) на другите колективитети (религиозни заедници) .

Еве, и последниов твој цитат го говори токму тоа за што сега (како и претходно) пишувам:

spiros напиша: ... Но, ако не го правам тоа за личен или колективен егоистичен профит туку за се’општо спасение, тогаш твоите (вашите) обвинувања...

Во мојот прв пост ја спомнав демагогијата во контекст на манипулирањето со луѓето т.е. како сретство кое вернициите кои освен што практикуваат одредена религија, со своите постапки (проповеди, предавања, дискусии ...) сакаат истата да ја прошират врз што е можно поголем број луѓе.

Следниве твои цитати претставуваат уште една потврда за мојот претходно искажан став дека демагогијата е еден од методите на ширење на една религија, начин кој со замајување на народот со одредени реторички заврзлами, вртења во круг, сепак на крајот завршуваат со основната поента – моето е најдобро и затоа најдобро е да се приклониш кон мојата вера. Сето друго е невистина, лага, лажно верување, лажни, непостоечки богови. (Зарем и во библијата не пишува дека ќе се појават лажни пророци?!)

Повторно велам, ти и овојпат користиш демагошки методи бидејќи од една страна негираш дека си рекол за твојата религија дека е единствената вистинска религија:

spiros напиша: „ ... потполно би ти дал право кога јас би велел дека јас и мојата религија е единствената вистинска религија, но не го велам тоа ... “

За веднаш потоа, во истата реченица, да дојде до израз сјајот и величенственоста на методот за кој зборувам:

spiros напиша: „ ... туку велам: не јас, не ти, не ние, не вие, туку вечната Милост (Мудрост) БОЖЈА - Христос - Тоа е  единственото совршено точно и вечно Евангелие! Таа вечна Милост (Мудрост) БОЖЈА е пред небото и земјата, пред секое битие и е воедно темелот - и целта - на секое постоење! ... „

И самиот твој пост скриптум говори за ова што досега го велам.

spiros напиша: п.с. Чедата БОЖЈИ во однос на секој друг “бог“ - освен на Единствениот Вистински и Совршен БОГ (и Отец) во Исуса Христа - се “атеисти“!

Ти и верниците од твојата деноминација (како впрочем сите други верници од нивните деноминации), не ги признавате правата на другите да си живеат во нивната заблуда т.е. да си веруваат во тоа во што тие сакаат да веруваат.

И кој после ова може да рече дека светото писмо не се злоупотребува?

spiros напиша: Сфаќаш?

Да, сфаќам дека јас како атеист, за разлика од припадниците на разните верски деноминации кои се обвинуваат и не се признаваат меѓусебно (освен се разбира декларативното), имам поголем праг на толеранција и ги почитувам сите кои си веруваат во тоа што мислат дека е исправно.  Јас никому не сум му го оспорил неговото убедување, на никого не сум му рекол дека е на погрешен пат во откривањето на вистината.
Токму оваа моја животна филозофија е преточена во максимата искажана во мојот потпис.

Р.Ѕ. А ти го сфаќаш ова што го реков? 

Ante scriptum. За да дојдам до саканата цел која се однесува на темава, сакам на почетокот да дадам едно мало објаснување за подобро да бидам разбран.

________

Којзнае колку пати досега сме гледале анкети на американци во кои доаѓа до израз  нивната наобразуваност, познавања од разни области ... и, да не редам понатаму, за да не бидам погрешно сфатен.

Отсекогаш сум се прашувал на кого му е поубаво? Дали на тие кои ама буквално абер немаат за светот околу нив (а не пак за пошироко) но имаат пари и живеат безгрижен живот или на тие кои имаат сестрани познавања, но поради сплет на субјективни и објективни околности, немаат пари и живеат мизерен живот?

Нашиот народ измислил убава поговорка: „Прост народ–силна држава“.

Иако звучи парадоксално, во горенаведениов пример за американците, тоа ептен доаѓа до израз. Токму поради тој факт тие се најразвиена земја во светот.

Зошто го велам ова?

Едноставно, за разлика од огромната маса „обични“ смртници, постои и една многу, ама ептен многу паметна и образувана група луѓе кои се на власт и управуваат со државата (а богами и со светот). И тие паметни, образувани но и бескорпулозни и немилосрдни луѓе во намерата да стекнат енормни богатства и моќ, се стремат да ги задоволат основните животни потреби на „остатокот“, овозможувајќи им доволно пари за убав и лагоден живот, се со цел да „седат“ мирно,  да не се занимаваат со други работи, да не се интересираат што се случува околу нив.

Во оваа нивна намера сесрдно им помага и црквата, која пак од своја страна врши додатен притисок врз населението, со тоа што цврсто гo држи во претходно воспоставената и добро разработена догма – вербата во бог! Да не бараме докази за оваа соработка меѓу световната и духовната власт. Доволно е само да го спомнам доларот и познатото:„IN GOD WE TRUST“! Токму во овој факт се гледа злоупотребата на светото писмо.  Ова е суштината на верата во бог – држење на народот под контрола и во покорност.  

А тој, народот, со сите негови претходно наведени карактеристики, без притоа подлабоко да размисли, ја прифаќа соодветната вера во бог и ќе се нафрли на секого кој во очи ќе им го каже ова, притоа сметајќи дека со тоа ќе се одбранат себеси (сопственото, индивидуалното его).

Ах, само да се свесни кого навистина бранат!

Како што се шири влијанието од материјално развиениот запад (Америка) на овие простори, се почесто се јавуваат луѓе кои во своето незнаење не ја согледуваат гл ... смешноста на своите изјави.

Pica pica напиша: Messenger напиша: Секогаш сум велел дека атеистите во суштина се најрелигиозни. Тие не се венчаат за ниту една догма и постојано се во потрага по изворот. Postojano se vo potraga..!??? Po shto bre Mesi,po izvorot? Sigurno shtom tolku tragaat po izvorot, veruvaat deka postoi. Navistina bile najreligiozni,ovie ateisti.

Ееее pica pica! Поставуваш вакви прашања?! Му се потсмеваш на Меси, а очигледно имаш некои нејасни работи. Да, да, знам. Нема ова да го прифатиш и ќе најдеш соодветни зборови да ме негираш (или недај боже да ме нападнеш).

Религија сама по себе не значи исклучиво верување во бог. Тоа е многу поширок поим кој неправедно е присвоен и наметнат од страна на теолозите.

Јас можам да речам дека сум религиозен, бидејќи:

-          Верувам во материјални работи: пари, машини,  ...

-          Верувам во идеолошки работи: пријателство, љубов ...

-          Верувам дека ќе ме разбереш што се обидувам да ти кажам...

Има луѓе кои веруваат во бог и тие се нарекуваат теисти. Но, исто така има луѓе кои не веруваат во бог, тоа се атеисти.

Се чудиш и се смееш на Меси кога вели дека атеистите веруваат дека постои  изворот и го бараат.

Па зарем не е така? Или можеби ти под поимот барање на „изворот“ подразбираш исклучиво барање на бог?!

Точно, атеистите се тие кои бараат, кои сакаат да дознаат се што е, што било и, врз основа на откриените појави, добиените резултати, да претпостават што би можело да биде. Спознанието не доаѓа веднаш и тие тоа го знаат, но и покрај тоа упорно продолжуваат понатаму. Затоа денес сме на ова технолошко ниво.

За разлика од нас атеистите, теистите ја немаат таа мака да го бараат изворот. Тие нема што да бараат. Ним веќе им кажале и тие веќе си знаат кој е изворот. И што уште ќе бараат?

Ете, ова се последиците од злоупотребата на светото писмо – стремење кон „американизирање“ на целата популација.