ВАЛЕНСИЈА ЈА ДОНЕСЕ БАРСА НА -4

Во дербито на Примера, вечерва, Валенсија успеа да остане непоразена на Сантијаго Бернабе, со што предноста на Реал во однос на Барселона се “стопи“ на -4.

Убав и динамичен натпревар одиграа прво и третопласираната екипа во Примера вечерва. Иако не беа постигнати погодоци возбудувањата не изостанаа.

Реал ја имаше иницијативата во текот на целиот натпревар, ја контролираше играта, но Валенсија на чело со голманот Гуаита одлично се бранеше. Веднаш на почетокот на натпреварот Роналдо имаше можност да го доведе Реал во водство но стативата беше сојузник на голманот на гостите.

И Валенсија имаше свои моменти и беше многу опасна од брзи контранапади. Два пати ја погодуваа рамката од голот на “кралевите“, еднаш во првото и еднаш во второто полувреме, а во три случаи Касиљас одбрани одлично и спречи комплетен шок на “Сантијаго Бернабе“. Последната шанса во 94-тата минута ја имаше Ди Марија за да ги донесе трите бода за Реал, но по акцијата со Кака шутираше очајно од 12-13 метри, па така резултатот остана оној почетниот 0:0. 

КОПА ДЕЛ РЕЈ: РЕМИ НА МЕСТАЉА

Иако не победија, повеќе причини за радост имаат Каталонците.

Валенсија и Барселона одиграа интересен прв натпревар во полуфиналето од Купот на Кралот. Барселона имаше повеќе шанси за гол, но може да биде задоволна што голманот Пинто не доби црвен картон во првото полувреме, откако играше со рака надвор од шеснаесетникот.

Како и да е први во водство дојдоа домаќините откако по центаршутот на Матје од левата страна, Жонас од околу 10-ина метри го совлада голманот на Барселона.

Водството на домаќините траеше само осум минути, кога Пујол, слично како и на натпреварот со Реал Мадрид, по еден корнер со глава го совлада голманот на Валенсија, Диего Алвеш.

До крајот Барселона имаше уште неколу убави можности за гол, а Меси ја пропушти најубавата кога промаши удар од белата точка. И Дани Алвес имаше убава шанса после асистенцијата од Меси, но неговиот удар заврши во стативата.

Џинот Барса му се поклони на малиот Хетафе