Кој јаде сендвичи и што...

Сендвичи со топено сирење

Вкусен леб, шунка и квалитетно сирење или кашкавал е сѐ што ви е потребно за да направите вкусен сендвич. Секако, оставаме на вашата фантазија да додаде и други состојки. Нашата гурманска фантазија на оваа комбинација би додала и парчиња домати и круши за да постигнеме перфекција.

СОСТОЈКИ (1-2 лица)
• 2 долги парчиња црн леб
• 2 мали лажици растопен путер
• 1-2 парчиња шунка, тенко исечени
• 2-3 парчиња домат или круша
• 1-2 паршиња гриер или ементалер

ПОДГОТОВКА
Загрејте ја рерната на 230℃. Прелијте ги лепчињата со растопен путер. Наредете парчиња шунка на секое од лепчињата. Врз шунката ставете домати и круши. На крајот, покријте со убав слој гриер или ементалер.

Ставете ги сендвичите врз хартија за печење и потоа во тава. Печете ги сѐ додека сирењето не се растопи, односно додека не добие златна боја на краевите (6-8 минути).

Крцкави сендвичи

Потребно:

* 2 лажици крем-сирење
* 2 лажички суви зачини (рузмарин, босилек, мајчина душица)
* сол
* 2 парчиња интегрален леб
* 6 тркалца од свежа краставица
* 2 ротквици

Приготвување: измешајте го сирењето со сувите зачини и посолете го по вкус. Премачкајте ги парчињата леб со подготвеното крем-сирење, па врз него распоредете ги тркалцата од краставица. Измијте ги ротквиците, исчистете ги, исечете ги на тркалца, па распоредете ги врз краставицата.

Сендвичите имаат почесноместо во мојата исхрана, ги обожавам и правам најразлични сендвичи со најразлични состојки, салати, зеленчуци, сирења и сувомеснато и риба.