Грција економски руинирана

Солзавец, шок гранати, проектили, тепачки, каменувања, претепани полицајци и граѓани. Насилства во Атина по усвојувањето на планот за штедење кој треба да и ги намали долговите на Грција и да ја ублажи кризата.

Маскирани вандали го нападнаа лидерот на најголемите грчки синдикати Панагопулос, а се обидоа да се пресметаат и со специјалната единица што го обезбедува парламентот.

Полицијата апси, граѓаните каменуваат. Илјадници демонстранти се собраа во центарот на метрополата додека пратениците јавно гласаа за новиот закон за кратење на трошењата на државата за цели 4,8 милијарди евра. Граѓаните се револтирани оти врз нивни грб ќе падне операцијата намалување на трошоците бидејќи ќе се зголемат даноците, ќе се намали платата на административците за 8 проценти.

Паралелно со протестите новите економски мерки денеска ги затворија болниците и училиштата, го парализираа јавниот превоз во Атина.

„Се чувствувам предаден и изманипулиран, се чувствувам како да ми ја одземаат гордоста“, изјави жител на Атина.

„Денеска треба народот да се крене, пратениците преземаат мерки кои не осудуваат на сиромаштија и мизерија“, вели жител на Атина.

Во меѓувреме премиерот на грција папандреу во луксембург лансираше дипломатско барање за конкретна помош од Унијата во битката на неговата земја со должничката криза.

„Ова е проблем на европа и ние треба да го решиме проблемот како Европска Унија“, рече Жан Клод Јункер, премиер на Луксембург.

Папандреу вечерва треба да се сретне и со германската канцеларка Меркел во Берлин. Ова воопшто не им е важно на граѓаните на Атина кои доцна синоќа го запалија знамето на европската унија. кризата во Грција ќе ја погоди и Македонија. Најмногу ќе страда трговската размена со јужниот сосед.