Грција и Португалија пред „бавна смрт“

18.01.2010 12:54

Нервозата на пазарите, пред се на европските, предизвикува загриженост поради тешката финансиска ситуација во која се најде Грција, а ситуацијата сигурно нема да ја олесни ни прогнозата на агенцијата за рејтинг „Мудис“ (Moody's).

Агенцијата навистина не смета дека ќе дојде до колапс на таа држава, но предупредува дека може „полека да искрвари“, објави Танјуг.

Слично сценарио на „бавна смрт“ прогнозира „Мудис“ и за Португалија, објави викендов германскиот весник „Фајненшл Тајмс Дојчланд“ (ФТД).

„Мудис“ предупреди на тоа дека Грција и Португалија мораат поголем дел од своите финансиски средства да издвојат за отплата на долговите, при што инвеститорите бараат високи доплати за ризик, како би биле подготвени да купат долгорочни хартии од вредност на тие земји.

„Мудис“ тврди дека двете држави се уште можат да ја избегнат катастрофата, но дека мораат многу брзо да делуваат, а пред се, Грција на која и „истекува времето“.

Стравот од платежната неспособност на таа земја веќе неколку недели создава нервоза на финансиските пазари, укажува агенцијата, наведувајќи дека Грција минатата година забележала буџетски дефицит на ниво од 12,7 проценти, а вкупниот јавен долг на таа земја претставува дури 125 отсто од бруто домашниот производ (БДП).

„Мудис“ кратко пред новогодишните празници го намали рејтингот на долгорочни обврски на Грција на ниво А2.

Обврските на Португалија, за сега, таа агенција проценува нешто подобро и тоа на ниво од Аа2.

Вреднувањето на Грција која ја соопшти агенцијата „Мудис“ меѓутоа, е за два степени поголемо од прогнозите на другите две најпознати светски агенции за рејтинг „Стандард енд Пурс“ (Standard &Poor's) и „Фич“ (Fitch), кои за таа земја воспоставија рејтинг на ниво БББ+.

Доплатата за ризик на грчките долгорочни хартии од вредност во однос на референтните германски хартии достигнаа дури на 250 базични бодови.

Владите на двете држави можеби ќе бидат принудени да ги зголемат даноците што ќе ја закочи инвестицијата и ќе го поддржи одењето на многу граѓани во странство.

„Тајмс“: Грчката криза може да ја турне Германија

Најмоќната и најголемата земја членка на еврозоната Германија може да се случи да биде погодена од тешката економска криза во Грција, затоа што случувањата во оваа земја се претвораат во тест за целата зона на заедничката европска валута, пишува „Тајмс“.

Како што јави дописникот на МИА од Лондон, планот за стабилизација што го прогласи Владата во Атина, според овој лондонски весник, изгледа неверојатен, бидејќи предвидува сегашниот огромен буџетски дефицит од 13 насто, за само три години да го намали на три насто, колку што е дозволено и предвидено во еврозоната.

Тоа значи дека со еден потег во Грција би биле изведени коренити реформи во државниот и во приватниот сектор, што досега никој не успеал да го направи.

Таквите услови неминовно ќе предизвикаат длабока криза во оваа земја, што директно ќе ја погоди и стабилноста на целата зона на заедничката валута, а најтешко меѓу сите земји членки да и биде на Германија.

Оваа најбогата земја во еврозоната, во основа, ќе се најде во улогата на гарант на долгот на Грција, иако тоа не е никаде предвидено со условите за влез и членство во зоната.

Германските гаранции за темелно растресената грчка економија, за весникот се „неопходни за да се зачува стабилноста“ на целата зона на еврото.

Тоа ќе предизвика грчката криза да и падне на товар и на Германија и на нејзиниот канцелар Ангела Меркел, која на тој начин ќе се најде во тешка ситуација како сето тоа да им го објасни на германските гласачи, заклучува „Тајмс“.

Грција сее страв од расцеп на еврозоната

Во санирањето на тешката финансиска состојба на Грција треба да интервенира Меѓународниот монетарен фонд, а не Европската унија, „пред грчката драма да се претвори во криза“, пишува „Фајненшл тајмс“.

Реакцијата на лондонскиот весник доаѓа веднаш по серијата потреси на светските берзи предизвикани од рекордниот надворешен долг на Грција.

Финансиските експерти предупредуваат дека кревкото глобално заздравување може да биде загрозено од кризата во Грција и можноста таа да се префрли во Шпанија и Португалија.

Меѓународните инвеститори стравуваат од расцеп во еврозоната. Шпанските банкари ги смируваат - споредбата на Грција со Шпанија е како да се споредуваат „Реал Мадрид“ и некој мал, второлигашки фудбалски клуб.

И да ја спаси Грција, еврозоната може да се распадне

Привремена помош е доволна за Грција, но ќе останат Шпанија, Италија, Португалија и Ирска, кои не може да се спасат на ист начин. ЕУ треба да воведе построг надзор и да создаде механизам за помош на членките, под конкретно определени услови, смета американскиот инвеститор Сорос

Засега е доволна привремена помош за спас на Грција, но еврозоната е соочена со уште поголеми проблеми што го доведуваат во прашање опстанокот на еврото, оценува американскиот инвеститор Џорџ Сорос.

Во авторски текст во „Фајненшл тајмс“, милијардерот вели дека ЕУ треба да воведе построг надзор и институционален механизам за обезбедување помош на своите членки, при конкретно определени услови. Сорос смета дека е потребен и доброорганизиран пазар на еврообврзници.

- Привремена помош би била доволна за Грција, но остануваат Шпанија, Италија, Португалија и Ирска. Тие заедно претставуваат преголем дел од евроленд за да може да им се помогне на ваков начин. И да опстане Грција, проблемот со иднината на еврото ќе остане нерешен - нагласува Сорос.

Во меѓувреме, Брисел, Берлин и Атина ги демантираа информациите објавени во саботата во неделникот „Шпигел“, дека еврозоната ќе ја спасува Грција со сума меѓу 20 и 25 милијарди евра. Германија, пак, нагласи дека ЕУ треба да воведе построги казни за членките што нема да ги почитуваат ограничувањата за буџетскиот дефицит. Според правилата на евроклубот, буџетскиот дефицит на членките не смее да надмине три отсто од бруто-домашниот производ (БДП), а 16-те држави на еврозоната може да се соочат со санкции доколку ги прекршат правилата.

Но светската криза ги вивна буџетските дефицити на земјите на ЕУ до таван. Грција, чиј дефицит лани достигна 12,7 отсто од БДП, поради тоа е ставена под надзор на Брисел, а делегации на ЕУ и на ММФ неделава во Атина разгледуваат можности за воведување нови мерки за пополнување на буџетската дупка. Владата на Јоргос Папандреу утре ќе се најде пред нов тест, за кога е закажан национален штрајк на синдикатите поради најавените кастрења. Сепак, наспроти стравувањата за социјални безредија, испитувањата на јавното мислење покажуваат дека мнозинството Грци ја поддржуваат политиката на штедење на Папандреу. Според резултатите од анкетата објавена во „Етнос“, 60 отсто од Грците ги одобруваат мерките на владата.

Во меѓувреме, ЕУ соопшти дека Грција не го испочитувала рокот за достава на информации за финансиските зделки со неколку американски банки со кои, според „Њујорк тајмс“, земјата го прикрила долгот за да влезе во еврозоната. Атина се правдала оти го пробила рокот поради штрајк на вработените во Министерството за финансии, јави АФП.

Пангалос: ЕУ нема лидери ЕУ денес нема политичко лидерство што може да се справи со финансиската криза, изјави вчера грчкиот вицепремиер Теодорос Пангалос. Тој смета дека денешните лидери на ЕУ не се дораснати на задачата за надминување на кризата. Според него, тоа е една од причините за состојбата во Грција зашто ЕУ не ги убедила другите држави дека Атина може да го плати долгот. - Ако Жак Делор беше лидер на ЕУ, Франсоа Митеран на Франција, а Хелмут Кол на Германија, работите ќе беа поинакви - оцени Пангалос, алудирајќи на бившиот претседател на Европската комисија, поранешниот претседател на Франција и бившиот канцелар на Германија.

 

http://www.novamakedonija.com.mk/NewsDetal.asp?vest=22310101952&id=11&setIzdanie=21917 - http://www.novamakedonija.com.mk/NewsDetal.asp?vest=22310101952&id=11&setIzdanie=21917

Дипломатска војна Берлин-Атина за карикатура на гола Венера

Карикатурата на Венера во германскиот неделник „Фокус“

Карикатура на Венера која покажува среден прст и наслов „измамниците во европското семејство’’ во текстот за економската криза во Грција, осамна во најновиот број на германскиот неделник „Фокус“ од 22 февруари.

Претседателот на грчкиот парламент Филипос Пецалникос го повикал германскиот амбасадор во Атина да му упати протест поради третманот на Грција во германските медиуми.

Пецалникос протестирал поради срамната карикатура на насловната страна на неделникот „Фокус“ со закана дека Грција е еден од најголемите купувачи на оружје од Германија.

Сторијата на „Фокус“ се однесува на начинот на кој Грција со години криела дека има големи долгови пред Европската комисија и на тој начин успеала да влезе во евро зоната.

„Грција врати ни ги парите, и што ќе стане со Шпанија, Португалија и Италија?“, се наведува во текстот на „Фокус“.

Германскиот амбасадор во Атина се оградил од пишувањата на германските медиуми имајќи ја в предвид слободата на печатот, но изјавил дека ќе го пренесе протестот до германското министерство за надворешни работи.

http://www.a1.com.mk/vesti/default.aspx?VestID=120294 - http://www.a1.com.mk/vesti/default.aspx?VestID=120294

Грција меѓу петте најголеми увозници на оружје

	http://a1.com.mk/vesti/default.aspx?vestID=121016#komentari - Коментари (0)

Грција е меѓу петте земји во светот што трошат најмногу пари на оружје. Според Меѓународниот институт за проучување на мирот, во првата петорка се и Кина, Индија, Северна Кореја и Обединетите Арапски Емирати.

САД и Русија се најголемите извозници на оружје во светот.

На трето место на списокот на извозници на оружје и воена техника е Германија со 11 проценти, по што следи Франција со осум проценти.

A1

Еврото под притисок по заканите со грчката криза

Единствената европска валута беше подложена на притисок кон крајот на минатата седмица, поради сигналите за зголемената напнатост во Европа во врска со дејствијата, кои треба да бидат преземени за решавање на грчката финансиска криза.

Во изминатите денови длабоките разлики меѓу водечките земји-членки на ЕУ по прашањето за финансиската помош за Грција, која ќе и помогне на земјата да го совлада буџетскиот дефицит и државен долг, доведоа до притисок поради засилените стравувања од нерамномерното заздравување од рецесијата.

Додека грчкиот премиер Јоргос Папандреу ги критикуваше партнерите од ЕУ поради неуспехот да предложат план за спас, Германија ги разби европските редови, давајќи знак дека веќе е подготвена да разгледа варијанта да биде побарана помошта на Меѓународниот монетарен фонд (ММФ), како дел од напорите за надминување на грчката криза.

„Владата не ја исклучува веројатноста за финансиска помош од ММФ“, изјави на крајот на минатата седмица портпаролот на Ангела Меркел. Коментарот беше направен ден откако Папандреу го предупреди Брисел, дека Атина ќе побара помош од ММФ, ако не биде предложен европски план за спас.

На средбата на високо ниво на 25 март во Брисел, ЕУ треба да одлучи што да преземе, за да ја надмине кризата.

Третина од Eвропејците сакаaт Грција да биде исклучена од еврозоната

Горан Чашуле

Една третина од житeлите на Европската Унија сметаат дека Грција би требало да биде исклучена од Еврозоната поради својата должничка криза, а повеќето од нив се противат на предлозите за давање финансиска помош на земјата чиј внатрешен долг е поголем од можностите што таа ги има за отплаќање, пишува „Фајненшл Тајмс“, повикувајќи се на едно свое истражување.

Посебно гневни на Грците и на нивната економска криза која се заканува да ја погоди целата Еврозона, се Германците, но и другите во Унијата.

Луѓето во другите земји од ЕУ, вклучувајќи ги и Британците во помал процент се противат на идејата да и се помогне на грчката економија, најмногу поради стравот дека нејзиниот евентуален колапс би можел да предизвика пад и на еврото.

„Фајненшл Тајмс“ смета дека земјите од Еврозоната не би требале да бидат и понатаму толку одбивни кон идејата ММФ да го помогне извлекувањето на Грција, затоа што Меѓународниот Монетарен Фонд и онака се занимава со фискалните кризи на земјите, а земјите од ЕУ чинат една третина од членките во Фондот, па можат да влијаат тој да не ги игнорира ставовите на Еврозоната.