Необично дрво само на необични места

 Бонсаито (мало засадено дрво во сад) потекнува уште од времето на египетската култура, а некои „се враќаат“ и до 4.000 години п.н.е. истражувајќи го неговото потекло.

Фараонот Рамзес Трети на стотина храма им подарил градини со маслинки и палми, кои биле засадени во саксии, а имале главно медицински, лековити цели.

Волшепството наречено „пензаи“ се појавува во времето на династијата Џин во Кина, во периодот од 256 – 420 година н.е., а во Јапонија се развива во времето на кинеската династија Сонг. Естетските принципи за бонсаи ги поставува еден јапонски зен-калуѓер, додека комерцијализацијата на бонсаито се случува дури во 19 век, кога завладува феудализмот во Јапонија, и тогашните трговци се среќаваат со тоа мало џуџесто дрво со огромна филозофија во себе.

Во 19 век бонсаито доаѓа и во Европа, а основоположник на бонсаи-културата во Македонија е Благоја Сотировски Џагуре. Според тврдењата на многу експерти по хортикултура од странство, првенствено на оние што се посветени на проучување на дрвјата бонсаи, во Македонија се наоѓа еден редок вид бонсаи дрвце – македонска зеленика.

Таа македонска зеленика, Вардарска долина, се смета за најстаро бонсаи во светот и го чека своето објавување во Гинисовата книга на рекордите, а денес се чува во градината на „Хорти експерт МК“. „Ова бонсаи е старо речиси цели 557 години, има дебелина на стебло од околу 36 сантиметри и не може да се спореди со моменталниот рекорд на бонсаи, кое е во Англија и е старо околу 300 години.

Нема споредба ни во староста, ни во автентичноста, ниту во убавината што ја има оваа наша зеленика. Цена не постои за ова бонсаи. Ни се јавувале многу колекционери од секој дел од светот, но македонската зеленика – вардарска долина, за нас нема цена, таа е нешто бесценето“, вели Мите Филков, косопственик на „Хорти експерт МК“ и вљубеник во бонсаи-уметноста.

 Бонсаи парк...

Тоа е убаво уреден простор каде може да се опуштите и уживате...се наоѓа на крајот од градскиот парк, наспроти хотелот Aleksandar Palace..... Локацијата е добро избрана, и делува како да е многу подалеку од градскиот бетон и сивило, кои се на дофат. Ширината и чистината на погледот кој се пружа од паркот, дава визуелно чувство на пространост и тесна врска со околниот парк и Водно во позадина. Површините со трева и растенија се добро избалансирани во природна врска  со  цветните аранжмани и природните камења и песок. Влезот не се наплатува, а функционира и како продажно место, каде може да си купите некое бонсаи. Колку што можев да видам, цените се движат од некои 700 ден. па се  до некаде 30-тина илјади денари....Покрај бонсаи, овде може да си најдете и доста интересни дрвца и грмушки, како и разновидни цвеќиња за вашите дворови и балкони..........