Калиопи

Калиопи со албум на три јазика

Новиот албум на Калиопи "Порака" е снимен на три јазика: македонски, хрватски и на англиски јазик. Со овој проект, поп дивата, откако се врати на екс југословенскиот музички пазар, планира да го освојува и европскиот.
Во Скопје, албумот ќе се промовира со голем отворен концерт на Скопскиот плоштад, најави Калиопи на почетокот од летото. Поп дивата како најавен сингл веќе го промовираше хитот "Јас не сум како ти", песна за која неодамна излезе и видео спот. Минатата недела во Загреб, во просториите на "Јадран филм", Калиопи снимаше дел од новиот спот за синглот "Ти", кој ќе се промовира заедно со албумот. Со новиот сингл, Калиопи ја најавува својата соработка со хрватските видео продукции "5 груп" и "Д нок продукција".
Дел од спотот ќе се снима и во Македонија, а интересно е што некои од сцените во Загреб се снимени во "3Д" графика.
Музички продуцент на албумот е хрватсскиот музичар Дарко Јурановиќ, во соработка со Тихомир Прерадовиќ.
Тимот на поп дивата во моментов работи на обвивката на албумот, по што цедето ќе започне да се печати

По промоцијата на 4-ти Ноември мината година на албумот Oblivion, реализиран со Един Карамазов, Калиопи постојано патува низ повеќе држави.. На покана на селекторот на Интернационалниот фестивал Сараевска зима 2010 двајцата уметници на 24 - ти Февруари ќе одржат концерт во Босанскиот културен центар.

Заедно со Калиопи и Карамазов, пред публиката ќе настапат и хрватскиот гитарист Дарко Пелужан и босанскиот контрабасист Давор Бошњаковиќ.

Албумот Oblivion содржи 11 композиции и веќе е во продажба во музичките продавници низ Босна Херцеговина. Промоцијата во Сараево следува по оние одржани во Скопје и Загреб.