Во Охрид врие од туристи, особено странски. Италијанци, Полјаци, Швеѓани, Холанѓани, Словаци. Србите и да не ги споменуваме оти веќе неколку години Охрид е најпривлечна летна дестинација за граѓаните на нашиот северен сосед.

Се чини дека годинава како никогаш порано Охрид не бил толку посакувана и посетувана дестинација од странски туристи, кои ги има буквално од сите држави на Европа. Преку ден сите се на плажа, а навечер – по сокаците на преубавата охридска чаршија.

Но и покрај тоа охриѓани не се задоволни. Велат, туристи имало, ама пари немало!

„Бадијала што врие од туристи кога никој не троши пари. Посебно странците. Сите се по хотели преку аранжмани од туристички агенции. Таму сѐ им е платено, а надвор од хотелите не купуваат ниту вода кога ќе ожеднат“, се жалат охриѓаните, кои со душа го чекаат летото за да можат да заработат.

Тие велат дека странците не трошат поради светската економска криза, а дека Охрид го преплавиле бидејќи им е поевтино отколку во сопствените држави.

„Поевтино им е тука да живеат по хотелите отколку во сопствените домови. Во хотелите и апартманите добиваат луксузни услуги за малку пари. Пред два дена буквално бркав еден Грк за да му продадам шишенце со вода. Жеден влезе во продавничката и побара вода, извади монета од едно евро за да плати, па се пишмани, ја врати монетата во џеб и излезе од продавницата“, вели сопственик на една колонијална продавница во градот.

Цените за сместување во Охрид се различни. Во хотелите тие се од 30, па сѐ до 80 евра за пансион. Сместувањето во приватните апартмани и станови е поевтино, па така за соба во крајбрежниот појас ќе треба да одвоите најмалку  10 евра или 600 денари за еден ден, додека во втората линија цените се пониски и се прашање на договор.

Инаку, она што може да се забележи, за разлика од Скопје и другите градови во земјава, каде што температурите достигнуваат до пеколните над 40 Целзиусови степени, во Охрид се дише, и преку ден и навечер.

Туристите секојдневно пристигнуваат во Охрид, а дополнителна навалица се очекува деновиве во пресрет на 52– то издание на спектакуларното Охридско лето. Тоа е една од  најзначајните културни манифестации во Македонија, која почнува утре и ќе трае до 20 август.

Дел од охридските новинари се јаничари, изјави синоќа градоначалникот на Охрид, Александар Петрески за една локална телевизија.

- Оваа власт делува како машина, како Германците во војната но тие погрешија што удрија на Русија, а така и власта ќе помине со мене... Не шетам ко некои ко пусто гојдо низ градов, јас сум градоначалник - рече Петрески. 

Градоначалникот на Охрид Александар Петрески во истото интервју истакна дека тврди дека ревизорскиот извештај за општина Охрид, кој деновиве крена голема прашина во охридската, но и во македонската јавност е многу подобар од оној на Владата и на сите министерства.

- Извештајот е подобар од оној на Општина Битола и сите каде градоначалниците се од ВМРО-ДПМНЕ, изјави Петрески според кого тоа никогаш нема да го каже „Латас и компанијата јаничари новинари од Охрид“ - изјави Петрески.

Тој напомена дека ова е чисто политичка борба за да се тргне градоначалникот на Охрид од функцијата, за што на провладините медиуми им се сервираат податоци за да го оцрнуваат него.

Околу неговата отворена „војна“ со Свр Охрид, претставувана од портпаролот Стефан Димовски, Петрески со став дој напад на портпаролот на МВР бил синхронизиран.

- Сепак портпаролот заборава дека прави кривично дело. Тој зборува за дело кое е во истрага и кое не се коментира. Јас сега нема да го коментирам, а тој ќе треба пред судските органи да одговара или јавно да ми се извини - истакна Петрески кој Димовски го нарече „пулен“ на охридскиот новинар Веле Митаноски.

За најавените рампи градоначалникот на Охрид вели де ги поставува државата.

- Ако одите во Скопје од било кој правец секаде има рампи. Автопати треба кон Охрид да водат од сите правци. За да се направат автопатишта треба да се направат рампи - изјави Петрески.