Слики од убави места во МК

Тиквешко Езеро

Тиквешкото Езеро е најголемото вештачко езеро во Македонија, се наоѓа во

долината на реката Црна, близу селото Возарци, Кавадарци.

Се наоѓа на 165 метри надморска висина на 12 километри јужно од Кавадарци. Езерото е направено во 1968 кога е изградена браната која е висока 104 метри. Површината на езерото е околу 14 квадратни километри, максималната должина му е 28,5 километри, има максимална длабочина од 150 метри и капацитет од 475 милиони метри кубни вода. Водата се употребува за наводнување и создавање на електрична енергија – хидро – системот и хидроелектричната централа „Тиквеш“ се напојуваат од водата од езерото.

На бреговите на езерото се наоѓаат Полошкиот Манастир и црквата Свети Ѓорѓи, културен споменик кој датира од 9 век. Исто така, изградени се и голем број на викенд – куќи, а езерото е порибено со неколку видови риби, и е многу популарна дестинација за одмор и рекреација.

Изменето од емил - 13.Февруари.2011 во 04:56

Свети Наум

Манастирот Свети Наум е изграден на висока карпа која надвисува над самото

Охридско Езеро, на неговата најјужна точка.

Овој манастир е основан во 900 година од страна на Свети Наум, еден од учениците на браќата Св. Кирил и Методиј. Самиот Свети Наум е погребан во манастирот. Манастирот е еден од водечките религиозни и културни центри на Македонците во изминативе 11 векови.

Поставеноста на манастирот во околниот предел кој плени со своите прекрасни природни убавини го прави ова место многу посакувана локација. Исто така, во близината на манастирот се наоѓаат и изворите на реката Црн Дрим. Четириесет и петте извори прават огромен извор од кој тече студена и чиста вода која се влева во Охридското езеро.

Целиот овој предел, изворите, прекрасната природа, манастирот и погледот кон Охридското езеро го прават ова место мало парче рај на земјата.