(Не)признавањето на МПЦ

macedon_alex напиша: Evangelos, јас на пример Православното Христијанство кога го практикувам, ме интересираат догмите и учењата на истото, не ме интересира кој со што се занимава, или дали овој свештеник тоа прави, а оној нешто друго. Мислам дека затоа има Еден што ќе суди на сите, а за криминални дела и слично си има и судови. На крајот на краиштата има многу работи кои не се такви како што изгледаат некогаш, па дури и јас грешам. А јас се сметам за следбеник на Православното Христијанство, па како таков и треба да работам за своето спасение, а ако можам и за подобрување на мојата верска заедница, која е Македонската Православна Црква.

Уште еден од упорно тупите аргументи кои се протнуваат на овој форум како некоја расипана плоча.

Наизглед ова е доблесен аргумент - иако секој човек (а ги имало повеќе на овој форум) кој го кажува ова очигледно зрачи со горделивост заради величината на својата наводна широградост, да се изградува себеси, без замерки за другите.

Но пропаста на ваквиот аргумент, е што тој ги крши двете најголемите заповеди, кои гласат (накратко) „љуби го Бог“ и „љуби го својот ближен“.

Никој, кој го гледа својот ближен како ита кон провалија, нема да остане настрана, без да ја спречи неговата погибел. Никој, кој го сака својот народ, нема да стои настрана, кога истиот е нападнат од темните духовни сили, кои сакаат да го задржат во ропството на ситните световни интереси и себичности. Никој, кој вистински го љуби Бога, не може преќутно да дозволува Неговото име да се валка, Неговата црква да се обесчестува и Неговата Искупителна Жртва да се злоупотребува.

Но некои и понатаму не убедуваат дека е подобро да не се љуби ближниот свој, да не се љуби Бог, и да не се љуби Светоста на христијанското учење, во името на новата толеранција.

Нека им биде според верата - наше е да опоменуваме и укоруваме, па кој има уши нека чуе.

EvAngelos напиша: macedon_alex, ќе ти кажам нешто слично што му го имам кажано и на zidarski. Има голема разлика меѓу она како ти си го замислуваш православието и она што навистина тоа е. Има голема разлика меѓу твојата замислена "МПЦ" и онаа реална "МПЦ". Сите овие работи ти беа добро укажани од членот Pravoslaven (јас сум навистина импресиониран од него). И мене ми е жал што вистината е таква и што твојата замисла, според мене, не се поклопува со реалноста. Ти овде се стави како некој адвокат на МПЦ и затоа не можеш објективно да ги увидиш работите. Но верувам дека еден ден и тоа ќе биде.

Evangelos, јас на пример Православното Христијанство кога го практикувам, ме интересираат догмите и учењата на истото, не ме интересира кој со што се занимава, или дали овој свештеник тоа прави, а оној нешто друго. Мислам дека затоа има Еден што ќе суди на сите, а за криминални дела и слично си има и судови. На крајот на краиштата има многу работи кои не се такви како што изгледаат некогаш, па дури и јас грешам. А јас се сметам за следбеник на Православното Христијанство, па како таков и треба да работам за своето спасение, а ако можам и за подобрување на мојата верска заедница, која е Македонската Православна Црква.

Членот Православен не ми укажа многу на МПЦ, меѓутоа затоа ми укажа дека сум атеист, дека сум закитен со Православието, дека треба да припаѓам таму каде што припаѓам и сл. Нешто слично и ти ми укажа. Како што реков, слободно ако мисли некој да се занимава со мене, нека го прави тоа, па дури и спремен сум да одговорам на некои прашања за мене,ако толку некого го интересира како што и тебе ти одговорив, само не на оваа тема.

Јас овде не се ставив како адвокат на МПЦ, туку како една против-тежа на некои работи, кои навистина треба да бидат погледнати и од другата страна, а за кои сметам дека и сум во право. Јас отворено си кажав дека никој не е свет, па и во МПЦ има добро и лошо. Јас не сметам дека сите свештенослужители и членови на МПЦ се безгрешни, а ист е случајот и со другите верски заедници.

macedon_alex, не знам каде се наоѓаш ти навреден во тековната дискусија. Тука никој не збори за твојата вера и твојата верска заедница. Тука збориме за православието, поточно за МПЦ.

EvAngelos напиша: Pravoslaven напиша: EvAngelos напиша: Не е ни чудно зошто кратенката МПЦ не го содржи зборот "Христијанска", но затоа пак го содржи зборот "Македонска". Ова кажува многу за ткн. "црква" дали таа му служи на Христос, или пак на националноста и етнофилетизмот како што Pravoslaven неколку пати забележа. Да беше проблемот во менување на зборот „христијанска“, мислам дека мнооооогу брзо ќе се решеше признавањето.Ама пошто требало да се менува „македонска“ е тоа веќе ни за жива глава.   Затоа реков дека таа ткн. "црква" не му служи на Христос, туку на националноста и етнофилетизмот. МПЦ не го велича Бог, туку македонштината. Пред само неколку месеци секретарот на Скопската епархија на МПЦ даде добри оценки за ткн. "македонска молитва" каде што, меѓу другите небулози, се велеше и дека македонскиот народ е зачетник на белата раса, дека македонците датираат уште од Неолитот, дека Македонија се простира до Токио, дека Св. Никола бил македонец итн. Македонија, македонскиот, македонците, македонец... јас никаде не гледам тука христијанин?

Пред само неколку месеци јас застанав против таа молитва и ја осудив истата на повеќе подфоруми, прво затоа што според моето мислење таа е нехристијанска, втори затоа што нема историски вистини.
А приватни мислења не коментирам. Слободно секој нека си мисли дека тоа нешто е добро или лошо. Се додека тоа не е дел од учењето на мојата верска заедница, а е само мислење, нема проблем со мене, бидејќи секој си има право на слободно мислење.

Изменето од macedon_alex - 18.Април.2009 во 13:47

Pravoslaven напиша: EvAngelos напиша: Не е ни чудно зошто кратенката МПЦ не го содржи зборот "Христијанска", но затоа пак го содржи зборот "Македонска". Ова кажува многу за ткн. "црква" дали таа му служи на Христос, или пак на националноста и етнофилетизмот како што Pravoslaven неколку пати забележа. Да беше проблемот во менување на зборот „христијанска“, мислам дека мнооооогу брзо ќе се решеше признавањето. Ама пошто требало да се менува „македонска“ е тоа веќе ни за жива глава.

macedon_alex напиша: Повторно ќе ти кажам, гледај си го трнот во своето око пред да го гледаш во она на МПЦ. Не знам зошто те засега тебе толку тоа што МПЦ го прави.

Ова е еден од најупорно тупите „аргументи“ што ги слушам постојано.

А со што треба да се занимавам? Со жетвата во Зимбавме?



Да не заборавиме, Исус се „занимаваше“ најмногу со фарисеите, садукеите и со „великодостојниците“ на своето време. Не затоа што им се придружуваше, ниту пак затоа што веруваше дека нешто кај нив може да се промени (успехот беше незначителен, само со поединци кои не успеаја да ги реформираат овие деноминации, туку со излегување од нив), туку за да го поучи народот на вистината.

Кога некој се претставува (лажно) како предвесник на Бог и на Евангелието, секој (вистински) Божји слуга и те како мора да се занимава со таквите.