Мултиетничка партија

nelson напиша: mislam deka ne si vo pravo..

Убаво е да се има сон. И јас имам свои соништа. За луѓето кои не сонуваат, стварноста е налик на мочурлива вода, според мене.

Ете, мултиетничката партија за Нано Ружин е СОН, тој убаво, внимателно, конкретно го искажал својот став.

Но, стварноста во реалноста е малку поинаква. А, јас говорев за остварувањето на тој СОН. Значи, за да се оствари тој сон, треба услови.  Тргнувајќи од фактот дека за остварување на таква партија е потребен повисок (или можеби највисок) стадиум на човечка свесност (значи, категоријата “човек“ да е поставена над категоријата “етничка припадност“), а имајќи го предвид сегашниот степен на човечка свесност и начин на опходење еден со друг (особено, кога е во прашање партискиот кодекс), јас просто не верувам во таква конструкција. Таа можеби и ќе се создаде, ама ќе функционира се’ додека постојат строго пропишаните услови во кои таа треба да постои и функционира. А кога тие услови ќе се сменат, и таа веќе нема да е тоа што била кога се создавала.

Оттука, сметам дека таквата партија (која, на сегашниот степен на човечка свесност, според мене ќе е само вештачка конструкција) е прекрасен, хуман СОН, ама условите тој да стане реалност се’ уште не се созреани.

Можеби некогаш ќе се созреани (и убаво е да се, оти тоа значи дека и човекот ќе му стане човек на другиот човек).

Останува да се види. Сепак, времето е најдобар учител.