Закон за извршители

Прилепско семејство на раб на егзистенција поради скандалозна одлука на извршител

СУДСКИТЕ ИЗВРШИТЕЛИ НЕ ЈА ПОЧИТУВААТ ТАРИФАТА ЗА ТРО­ШО­ЦИ

Наплаќаат за услуги кои не ги дале

Скопјанецот Г.П. вели дека лани, место банката, судски извршител го из­вес­тил за законскиот рок од 8 дена за доплата на кредитот, и за услугата му нап­ла­тил 46.000 денари

За две задоцнети рати за исплата на нов автомобил, за кои банката за­бо­ра­ви­ла да го извести за законскиот рок за исплата, скопјанецот Г.П., иако на­ед­наш го исплатил автокредитот, седум месеци му плаќа трошоци на извршител во висина од 46.000 денари. Тој има уште две рати, иако уште во септември рас­чис­тил со долгот кон банката.
Ап­сур­дот, вели Г.П., е во тоа што место банката, за доцнењето на двете рати го известил директно судскиот извршител. Г.П. се сомнева дека банките се вр­зу­ва­ат со извршителите, па тие намерно не ги известуваат своите клиенти за доцнењето на кредитните рати и директно им се јавуваат на извршителите, за да биде ќарот заеднички.
Суд­ски­от извршител Јулита Ѓорѓиева лани го известила Г.П. за доплатата, без да направи притоа какви било трошоци за процена и извршување на не­го­ви­от предмет. Тој потсетува дека банката, согласно договорот за дол­го­ро­чен кредит, била должна да го извести за законскиот рок од 8 дена за доплата на кредитот. Судската извршителка, тврди тој, само затоа што го известила мес­то банката, му наплатила 46.000 денари.
Скоп­ја­не­цот тврди дека, согласно член 7. од Тарифата за награда и трошоци, тре­ба да му се наплатат само трошоците за администрирање на предметот и це­на­та за преземените извршни дејства, кои изнесувале околу 6.000 денари, а не 46.000.
"Јас не бев информиран за достасување на кредитот, и затоа немав можност доб­ро­вол­но да ја исполнам обврската туку веднаш ми беше доставен налог за из­вр­шу­ва­ње. За да ги избегнам трошоците за камати, јас долгот веднаш го нами­рив и сметам дека треба да ми бидат пресметани реалните трошоци. Се жа­лев во Комората на извршители, но од септември минатата година немам ни­ка­ков одговор", се жали Г.П.
Од кабинетот на судскиот извршител Јулита Ѓорѓиева вчера изјавија дека ве­ќе имале приговори за овој предмет, но тие биле одбиени оти Законот за из­вр­шу­ва­ње не бил прекршен и биле наплатени реалните трошоци за из­вр­шу­ва­ње.
Имај­ќи ја предвид апсурдноста на овој случај, како и друг случај деновиве во кој должникот плаќа сума од 9.268 денари на име трошоци за извршување за главен долг во висина од 643 денари, Хелсиншкиот комитет апелира до над­леж­ни­те органи дека е потребна итна ревизија на Тарифата за награда и дру­ги трошоци за работа на извршителите. (М.Ѓ.)