Жената во Откровението

Templarius напиша: A zasto da ne e Bogorodica....?????

Да, баш така, одличен пример.
Не се пресметува нумеричката вредност според прост алгоритам, туку има цел систем за одредување на вредноста.
Нешто што луѓето многу често забораваат е дека азбуките се менуваат. Еврејската азбука од пред Христа е различна од таа во Негово време, сосема различна од онаа која е во употреба во средните векови (кога се развива гематријата и кабалата како начин на толкување на Талмудот и Тората), и различна од денешната.
Да не зборуваме за разликите во грчката азбука, и разликата меѓу латиницата и англиската абецеда.
Затоа - за да се прави таква анализа, не треба да се оди на интернет сајт, да се испише име и да се добие вредност, туку да се поминат години во проучување на темата.

Во сето тоа има само еден проблем - по кој броен систем се преценува вредноста? Има неколку различни начини на одредување на вредноста на буквата, и во случајов е доста тешко да се утврди дали конкретниот назив е врзан со некој од нив и со кој точно. До 12 век се користи еден систем, додека потоа влегува во употреба друг - со кој обично денес се прават овие пресметки.
Пример - ако се преведе бројот, онака како што е претставен во Откровението - се доаѓа до буквите XOF (600, 60, 6)- кое што ништо не значи само по себе.
Класичната Гематрија има еден начин на пресметување, грчкиот алфабет, малку различна. Кабалата - еврејската го користи гематрискиот систем, христијанската користи малку различен...
Затоа - треба многу проучување на оригиналниот текст, начинот на кој е напишан и условите во кои е пишуван, за да може да се прецени кој систем да се употреби.

Напротив - не само што не треба да престанува темава, туку треба да се задлабочи од луѓе што ја познаваат добро.
Јас сеуште се воздржувам да дадам свој осврт, затоа што е навистина сериозно прашање, а сметам дека имам уште многу да ги проучувам Откровенијата, пред да можам да искажувам свои ставови...
Vicarius Filii Dei - иако многу протестанти тврдат дека е назив за папата (а соодветно синоним за 666 во Откровенијата), сепак - нема сериозна поткрепа како тврдење. Никаде кон папата не постоело обраќањето Vicarius Filii Dei (иако може да се каже дека е тоа значењето - Служител на Синот Божји), туку Vicarius Lesu Christi - Служител Христов.

EvAngelos напиша: gospel напиша: Се што луѓето ќе знаат за верата, нема да знаат од Библијата, туку тоа што ќе ги научи лажниот пророк, бидејќи ќе се појави како безгрешен учител по религија. ... Форумџии, чувајте се! Првиот тест дали некој е од Бога, е Библиската наука.   Јас тоа го велам од кога се зачленив на форумов, година ипол, но она на што наидував и наидувам е: Традицијата, обичаите, православието, фолклорот, иконите, резбариите, моштите, монасите, бројаниците, светите водички, молитвите кон мртви, кон Марија, крштевање на бебиња, двојни крштевања, житија, мистични теологии... се се освен простото и едноставно учење на Светото Писмо

Навистина, одлична анализа, многу јасна и многу поучна.
Согласен сум со тебе, дека Библијата треба да е прво и основно орудие по патот кон Бога. Но, сепак имај в предвид едно друго послание, според мене, едно од најбитните, најубавите и најтешките (како порака):

8 Љубовта никогаш не престанува: А другите дарби : ако се пророштва - ќе се отстранат; јазици - ќе замолкнат; ако е знаење - ќе исчезне.
9 Зашто, делумно знаеме и делумно пророкуваме,
10 но кога ќе дојде совршеното, ќе се отстрани делумното.

Сето знаење ќе исчезне кога ќе дојде Љубовта, така што, иако треба да учиме постојано и да го следиме Словото, не треба да се возгордејуваме со него.

Зверовите не се институции, држави, организации, области или континенти. Америка не може да биде вториот звер затоа што Америка не може да биде фрлена во огненото езеро.
------------------------------------------------------------------------------------------------------------------------------------------------------------------------

а овој начин се гради една голема гигантска религиозна организација која што ќе го има својот водач - Лажниот Пророк. Во Откр. 17:13 пишува: „ Тие имаат една мисла...“
Ова се мисли за 10 цареви, но истото може да се каже и за овие два звера, бидејќи ќе бидат премногу сложни и ќе работат рамо до рамо заедно. Тие мораат да дојдат (да произлезат) од царството на 10 цареви. Мое мислење е, дека тоа царство е обединета Европа.
---------------------------------------------------------------------
zverot-carstvo,, nacija,,sila, imperija(vodena e od covek??!!)
samiot vikas toa carstvo po moe mislejne e evropa gore vo tvojot post,potoa vikas amerika ne moze da bide frlena vo ognenoto ezero.
prviot zver so sedum glavi i 10 rogovi e vo minatoto kako sto kaza no toj bese go nema i pak go ima pamtis na ovoj del ob otkrovenieto toa znaci deka pak ce se obnovi so toa sto sega ce go ima i ovoj lazen svedok koj ke dojdi od zemjata jasno i ubavo objasni.
koga zverot se pojavuva od moreto toa vo prorostvoto e pretstaveno kako pojavuvajne megu mnogu narodi i mnogu lujge(gusto naseleno podracje)a drugiot od zemjata sto e mnogu sprotivno na primer od amerika koja beze slabo naselena zemja i koja bese spas za mnogu narodi od evropa
znaci slabo naselena, pa zatoa jas mislam deka od tamu ce se javi lazniot prorok ili vtoriot zver so 2 roga bez kruni oti nema carstva vo amerika.no zaednicko na ovie dva zvera e toa sto ovie gi rakovodi coek a pozadi toj coek stoji zmejot.so se drugo se soglasuvam so gospel.
no kako ce go prepoznaeme zverot-toa carstvo, imperija,
taa sila,koja e rakovodena odcoek
1.a zmejot mu ja dade svojata sila svojot prestol i golema vlast
2.vladee so svetot za 1260 denovi ili 42 meseci ili edno vreme i dve vremina i polovina vreme
3. zdobiva smrtonosna rana koja podocna se isceluva
4.ima politicka i verska sila na koja i se sluzi.
5se mesa vo bozjiot zakon.
6.ima poglavar koj tvrdideka ebog na zemjata i ima vlast da prostuva grevovi.
7.taa e majka crkva(kerki ima izlezeno od nea)
8.vojuvala i vojuva protiv svetiite.
9.ima coek kako svoj vodac a brojot na negovoto ime e 666.
dali znae nekoj sto e toa
vicarius filii dei

ВТОРИОТ ЗВЕР ОД ЗЕМЈАТА – ЛАЖНИОТ ПРОРОК

     
„И видов друг ѕвер, како излегува од земјата, и имаше два рога, како кај јагне, а зборуваше како змев. И тој ја вршеше власта на првиот Ѕвер, пред него, и направи земјата и нејзините жители да му се поклонуваат на првиот Ѕвер, чија смртоносна рана беше залечена. И правеше големи чуда, така што и оган симнуваше од небото на земјата пред луѓето. Тој ги заведуваше жителите на земјата со чудата, што му беа дадени да ги прави пред Ѕверот, велејќи им на жителите на земјата, да направат лик на Ѕверот, кој имаше рана од меч и остана жив. И му беше дадено да вдахне дух во ликот на Ѕверот така што ликот на Ѕверот да прозборува, и да направи да бидат убиени оние, кои нема да се поклонат на ликот на Ѕверот. И направи сите - мали и големи, богати и сиромашни, слободни и робови - да им се даде ознака на десната рака или на челото, и никој да не може ниту да купи ниту да продаде, освен оној, кој има ознака: името на Ѕверот или бројот на неговото име. Тука е мудроста. Кој има ум нека го пресмета бројот на Ѕверот, зашто е број на човек. а неговиот број е: шестотини шеесет и шест. “
(Откровение 13:11-18)


За да го опиши Лажниот Пророк, Јован се служи со симболи. Да ги разгледаме трите главни симболи.

„И видов друг ѕвер, како излегува од земјата, и имаше два рога, како кај јагне, а зборуваше како змев.

Јован го гледа вториот звер како излегува од земјата. Овој звер исто како и антихристот е непријател на луѓето. Зверот кој што излегува од земјата е во спротивност на првиот звер кој што излегуваше од морето, т.е. народот. Во минатиот пост кажав дека морето(водата) го симболизира – народот. Но вториов звер излегува од земјата.

Ако морето претставува и симболизира нешто што е разбранувано, нормално е дека земјата претставува нешто тврдо, стабилно, некој траен поредок. Поради тоа што овдека се работи за Лажен пророк кој што носи некои религиски елементи, земјата ја претставува Светската религија.

Првиот звер (Антихристот) ќе има задача да ги соедини сите религии на светот во една религија. Екумената – светскиот сојуз на цркви, денес многу прави напори да ги обедини не само христијанските цркви (Православни, Католици, Протестанти), туку и сите останати религии на светот (Јудаизам, Муслиманство, Будизам), значи се да биде обединето под една религија наречена Екуменизам.

На овој начин се гради една голема гигантска религиозна организација која што ќе го има својот водач - Лажниот Пророк. Во Откр. 17:13 пишува: „ Тие имаат една мисла...“
Ова се мисли за 10 цареви, но истото може да се каже и за овие два звера, бидејќи ќе бидат премногу сложни и ќе работат рамо до рамо заедно. Тие мораат да дојдат (да произлезат) од царството на 10 цареви. Мое мислење е, дека тоа царство е обединета Европа.

Втората звер излегува од земјата, значи гo раѓа цврст религиозен систем. Религијата е најстабилното и најцврстото нешто на земјата за манипулација и заведување. Државите, царствата, царевите се менуваат, но религијата од секогаш била најстабилна и најцврста.

„... и имаше два рога, како кај јагне...“

Овој звер, на изглед ќе наликува како јагне, по својата надворешност, бидејќи ќе се појави пред светот како „Невин“, како невино јагне. На таков начин секогаш се појавувале лажните пророци. Апостол Павле во 2 Коринтјаните 11:13-15 вели:
„ Зашто таквите луѓе се лажни апостоли, измамливи работници кои се преправаат во Христови апостоли. И не е чудно, зашто самиот сатана се преправа во ангел на светлината.
Тогаш, не е ништо големо, ако и неговите слуги се преправаат во слуги на правдата.“


Секој лажен пророк е звер, како што Исус во Матеј 7:15 вели: „ Пазете се од лажните пророци, кои ви доаѓаат во овча облека, а внатре се грабливи волци.“

Често пати, заради ваквите појави, верните луѓе бидуваат излажани и преварени. Овај Лажен пророк носи два рога. Првиот звер носи десет рога, а овој само два. Првиот има круни на роговите, а овој нема круни на двата рога.

Во Откр. 5:6 за Господ Исус Христос пишува: „ Јагне, што стои како заклано, со седум рогови...“

Роговите претставуваат и презентираат Авторитет или власт, а бројот седум е број за совршенство.
Господ Исус има апсолутна и совршена власт.

Лажниот Пророк има двојна власт: политичка и религиозна власт. Бидејќи е тесно поврзан со антихристот, тој мора да биде и политички активен. Јован ја опишува лажната црква во последните времиња и нејзината политичка улога :

А жената, која ја виде, е големиот град, кој царува над земните цареви.“ (Откр. 17:18)

Лажниот Пророк ќе биде водач на оваа Вавилонска религија. Тој ќе биде отелотворување на сите природни и над природни науки. Ќе биде голем филозоф и ќе се претстави како еден апсолутен апостол и учител по религија. Се што луѓето ќе знаат за верата, нема да знаат од Библијата, туку тоа што ќе ги научи лажниот пророк, будејќи ќе се појави како безгрешен учител по религија.

Значи ќе се појави како политичар и религиозен водач, но овие две работи никогаш не одат заедно.

„... а зборуваше како змев.“

Јован во 1 јованова 4:1 ни зборува: „ Возљубени, не верувајте му на секој дух, туку испитувајте ги духовите - дали се од Бога, зашто многу лажни пророци излегоа во светот.“

Се поставува прашањето, како да ги препознаеме лажните пророци? „Ќе ги препознаете по нивните плодови.“ (Матеј 7:16)
Првиот плод за препознавање е Библиската наука. Каква наука тој човек носи и презентира.

„а секој дух кој не исповедува дека Исус Христос дојде во телото, не е од Бога; тоа е духот на антихристот, за кого сте чуле дека иде, и сега е веќе во светот.“ (1 Јованова 4:3)

Денеска по црквите на прво место се става љубовта, искуствата, делата, праведноста, а Библиската наука на последно место. Форумџии, чувајте се! Првиот тест дали некој е од Бога, е Библиската наука. Не како некој живее, бидејќи тоа може да го имитира, туку каква Библиска наука носи и презентира.

Змевот во Библијата е старата змија или Сатаната. Затоа Лажниот пророк ќе зборува како змевот (сатаната).

„ И тој ја вршеше власта на првиот Ѕвер, пред него, и направи земјата и нејзините жители да му се поклонуваат на првиот Ѕвер, чија смртоносна рана беше залечена. И правеше големи чуда, така што и оган симнуваше од небото на земјата пред луѓето. Тој ги заведуваше жителите на земјата со чудата, што му беа дадени да ги прави пред Ѕверот...“

Лажниот пророк ќе биде голем чудотворец. Неговата мисија ќе биде многу успешна меѓу не спасените луѓе. Знаците и чудата биле секогаш присутни во историјата на Божјиот народ, и тоа било потврда дека тој пророк што доаѓал зборувал во Божјо име. Тоа раѓало вера кај луѓето дека тоа е натприродно Божјо дело, а не човечко. Кога Мојсеј правеше чува во Египет, маѓесниците признаа дека тоа е „прстот Божји“. Исто така лажниот пророк ќе ги имитира чудата кои што ги правеа пророците и Божјите луѓе во текот на историјата.

„И направи сите - мали и големи, богати и сиромашни, слободни и робови - да им се даде ознака на десната рака или на челото, и никој да не може ниту да купи ниту да продаде, освен оној, кој има ознака: името на Ѕверот или бројот на неговото име.“

Фирмата МОНДЕХС масовно произведува био – чипови кои што се вградуваат во човечкото тело. И тоа не секаде, туку на десната рака и на челото. Сега за сега тоа е пробно, но ќе дојде време кога ќе биде морално да се прими тој био-чип, ако сакаме да купиме или продадеме. Луѓето не се свесни дека пред нивните очи почнува да се исполнува тоа што е напишано во Откровението.

Но вистинските верници нема да го примат тој жиг, бидејќи Бог е моќен да ги заштити своите на чуден начин.

Во откровението имаме сатанско свето тројство. Како што Отецот, Синот и Св. Дух се Божјо свето тројство, така и сатаната има свое тројство. Тоа се: Змевот или сатаната, првиот звер или антихристот и вториот звер или Лажниот пророк.

Змевот или сатаната ќе го имитира Отецот, Антихристот ќе го имитира синот или Исус Христос, а лажниот пророк ќе го имитира Св. Дух.

Но еве што пишува за тоа Лажно свето тројство:
„ И Ѕверот беше фатен, заедно со лажниот пророк, кој правеше чуда пред него, со кои ги заведе оние, кои ја примија ознаката на Ѕверот и кои се клањаа на неговиот лик; и обајцата беа фрлени живи во огненото езеро, што гори со сулфур.“(ОТКР. 19:20)

„ А ѓаволот, кој ги заблудуваше, беше фрлен во огненото и сулфурното езеро, каде се и Ѕверот и лажниот пророк; и ќе бидат мачени дење и ноќе во веки веков. (ОТКР. 20:10)

Заклучок:
Змевот е старата змија наречена САТАНА. Двата звера кои што излегуваат во оваа глава се вистински личности, луѓе кои што сакаат да се противат на Бога и да завлечат што е можно повеќе истомисленици. Тоа се антихристот и Лажниот Пророк. Зверовите не се институции, држави, организации, области или континенти. Америка не може да биде вториот звер затоа што Америка не може да биде фрлена во огненото езеро.


Ова е се од мене за вториот звер или Лажниот пророк. Има уште многу да се пишува, но времето и местото се кратки.

Со почит, Госпел.