Се качи ли човекот на Месечината?

21:00 | 24.02.2010 | Автор: Шпиц

1. Вселената е исполнета со ѕвезди!
„Вселената е исполнета со мали точки од светлина (ѕвезди). Зошто тие не се забележуваат на фотографиите?“
- Ако некогаш направите фотографија ноќе (надвор), ќе забележите дека бледите далечни објекти не се забележуваат. Тоа не е затоа што воздухот ги блокира, тоа е затоа што светлината од светлите објекти во нашата близина го осветлуваат филмот.
2. Големите ровери
„Нема шанси големото возило што се движеше на Месечината да го собере во малиот модул со кој слетаа!“.
- Роверот беше многу умешно конструиран, направен од многу лесни материјали и можеше да се склопи во волумен колку еден поголем куфер.
3. Фантомски камерман
„Како е можно една од снимките на леталото како ја напушта површината, да биде следен од камера нагоре кон небото? Кој снимаше со камерата?“.
- Сигурно дека фотографот Ед Фендел ќе беше далеку посреќен доколку беше на Месечевата површина,

наместо на неговото место во контролата на мисијата. Тој навистина беше во Хјустон и далечински ја контролираше телевизиската камера на лунарниот ровер, кој остана на површината.
4. Нема кратери на местото на слетување
„Кога леталото се приземји, неговиот моќен мотор не направи длабок кратер на правливата површина“.
- Под слојот од прашина, Месечината е направена од цврсти карпи. Прашината и песокот кој беше таму беше „отфрлена“ како што кажуваат астронаутите и како што се гледа на филмот од слетувањето.
5: Смрт од метеор
„Вселената е преполна со супербрзи микрометеори, кои ќе пробијат низ леталото и ќе ги убијат астронаутите“.
- Вселената е неверојатно голема. Секако дека има непроценливо голем број мали парчиња, кои патуваат низ Сончевиот систем со брзини и од околу 190.000 километри на час, но волуменот на вселената прави нивната густина да биде многу мала. А како дополнително, скафандерите имаат еден слој на кевлар, кој треба да ги заштити од таквите мали парчиња со кои можат да се соочат.
6: Течна вода на Месечината
„За да оставиш стапка, потребно е да има влага во почвата, нели?“.
- Не секогаш. Ако земете малку сув, добро иситнет песок како прав, многу е лесно да направите стапки на него и да ги задржите нивните форми. Честичките си ја задржуваат својата форма поради триењето меѓу нив.
7: Испечен филм

„На Сонце, температурата на Месечината може да достигне вредности при кои филмот (покрај другите работи) би се стопил“.
- Никој не оставал незаштитен филм на топлата површина на Месечината. Целиот материјал се чувал во соодветно заштитени канистри.
8: Повеќекратни сенки
„Сенки од повеќе агли се гледаат на сликите од Месечината. Дали имаше повеќе од еден извор на светлина, како што е голем студиски рефлектор?“.
- Астронаутите ги правеле нивните фотографии на ридест, добро осветлен дел од површината, додека сонцето било близу до хоризонтот. Замислете да правите фотографија од некого на брдовито поле со снег, кое се движи за време на полна Месечина, која пак е близу до хоризонтот. Контурите на земјата ќе предизвикаат сенки во многу различни должини.
9: Астронаути што светат во темно
„Ако астронаутите ја напуштат безбедноста на Ван Аленовите појаси, зрачењето ќе ги убие“.
- Астронаутите од Аполо поминаа низ овој појас за помалку од четири часа за време на целото патување. Тоа не е нешто посериозно од тоа да направиш скенирање на градите. Надвор од појасот, зрачењето многу опаѓа и е опасно само при многу долги временски периоди.
10: Знамето што се вее
„Американското знаме изгледа како да се вее на „Месечевиот ветер“.
- Ако погледнете подобро, ќе забележите дека краевите на знамето се затегнати цврсто. Ефектот на веење се направил кога астронаутите намерно искривиле дел од знамето, за подобар впечаток.