Македонија треба да биде еден од кандидатите за организација на Европското првенство 2020 година, е заклучокот произлезен од состанокот на балканските фудбалски федерации со претседателот на УЕФА, Мишел Платини кој деновиве се одржа во Будва, Црна Гора.

На самитот во Будва, на кој беше и македонска делегација на чело со претседателот на ФФМ, Илчо Ѓорѓиоски, по дискусијата на оваа тема донесен е првичен заклучок Македонија заедно со Хрватска, Србија, БиХ, Словенија, Црна Гора и Бугарија да поднесат заедничка кандидатура за организација на Европскиот шампионат во 2020 година.

Нашата земја со новиот стадион, националната арена „Филип Втори“ чиј капацитет е 35.000 седишта комплетно ги исполнува сите услови за организација на една група од собирот на најдобрите на Стариот континент.

Како што е познато, претседателот на УЕФА, Мишел Платини претходно најави можност во иднина повеќе земји да се јават како организатори на ЕП, при што и сега повторил дека максимално реална е можноста балканските земји да ја добијат оваа организација.

Платини, меѓу другото истакнал, дека заеднички кандидатури за ЕП 2020 веќе најавуваат и Азербејџан и Грузија, како и Велс, Шкотска и Република Ирска.

Репрезентациите на Франција, Херманија, Англија и Холандија,  победнички тргнаа во новите квалификации на Стариот континент, за пласман Мундијалот во Бразил, во 2014 година, и само европскиот вицешампион Италија не успеа триумфално да стартува во новиот циклус.

Италијанците освоија само еден бод во Софија против Бугарија играјќи 2-2, иако со пресврт и два гола набрзина на Освалдо успеаа да стигнат до водство на мечот, но не и да го задржат.

Холандија во дербито на својата група ја победи Турција со 2-0, Англија се прошета до Кишињев и со 5-0 ја победи Молдавија, додека Германија со пола сили се загреа Фарските острови со победата од 3-0. Најтешко мина Франција која минимално во Хелсинки ја совлада Финска.

Репрезентацијата на Белгија во нашата група, го победи Велс со 0-2 на гости со головите на Винсент Компани и Јан Вертонген, а и во двете акции асистираше Мартенс. Услуга на фаворизираната Белгија, која има извонредна генерација им направи Колинс со исклучувањето во 26. Минута. Денеска во 16 часот во Глазгов, Шкотска, нашиот следен противник во вторник ќе ја пречека Србија

Најубедливата победа во првото коло ја забележа Босна и Херцеговина, која во Лихтенштајн победи со 8-1, а по еден хет-трик имаа Ведад Ибишевиќ и Един Џеко.

Светскиот и европски првак Шпанија паузираше во ова коло, па „црвената фурија“ допрва ќе дебитира во овие квалификации.

РЕЗУЛТАТИ

Група А: Хрватска-Македонија 1-0, Велс-Белгија 0-2

Група Б: Малта-Ерменија 0-1, Бугарија-Италија 2-2

Група Ц: Казахстан-Р.Ирска 1-2, Германија-Фарски Острови 3-0

Група Д: Естонија-Романија 0-2, Андора-Унгарија 0-5, Холандија-Турција 2-0

Група Е: Албанија-Кипар 3-1, Словенија-Швајцарија 0-2, Исланд-Норвешка 2-0

Група Ф: Русија-Северна Ирска 2-0, Азербејџан-Израел 1-1, Луксембург-Португалија 1-2

Група Г: Лихтенштајн-БиХ 1-8, Литванија-Словачка 1-1, Латвија-Грција 1-2

Група Х: Црна Гора-Полска 2-2, Молдавија-Англија 0-5

Група И: Грузија-Белорусија 1-0, Финска-Франција 0-1.