Природни лекови против холестерол

Правилната исхрана помага  при справувањето со високиот холестерол кој е најмногу ризичен за кардиоваскуларните заболувања. Покрај советите од докторите, и самите можете да воведете нови промени во исхраната,  што позитивно ќе влијаат по здравјето.

Намирниците во продолжение се препорачуваат за оние што имаат проблеми со холестеролот.

1. Ореви

Повеќето јаткасти плодови, вклучувајќи ги бадемите, оревите и лешниците се одлични за намалување на зголемениот холестерол, но пожелно е да се избегнуваат солените варијанти, особено ако имате висок крвен притисок.

Според една студија направена во САД, осум до десет ореви дневни го намалуваат вкупниот холестерол за 5 отсто.

2. Маслиново масло

Содржи мононезаситени маснотии што не го намалуваат нивото на холестерол, но ниту го зголемуваат. Ги зајакнува ѕидовите на артериите што значи дека ќе бидат помалку оштетени од влијанието на холестеролот. Пожелно е секој ден да се употребуваат по две лажици маслиново масло.

3. Јогурт

Многубројните студии покажаа дека јогуртот содржи состојка наречена стерол што го намалува нивото на холестерол за седум до десет отсто за само три недели. Затоа е добро покрај секој оброк да се консумира по една чаша јогурт.

4. Соја

Ако ги замените млечните преработки со производи од соја, значително ќе го намалите нивото на „лошиот“ холестерол. Експертите советуваат дека за најдобри резултати е пожелно дневно да се консумира по половина литар млеко од соја.

5. Природни влакна

Растенијата содржат влакна што го врзуваат холестеролот за себе, а потоа го исфрлаат преку столицата.

Затоа е корисно со секој оброк да се јаде леб од интегрални житарки и исхрана збогатена со свежо овошје и зеленчук.

ајј уште малку објаснување..

Дали може зголеменото ниво на холестерол во крвта да предизвика инфаркт?

Зголемениот холестерол е најважен причинител за срцев инфаркт, заедно со цигарите и зголемениот крвен притисок. Затоа, кај лица со срцеви заболувања нивото на ЛДЛ холестеролот во крвта не смее да ги надмине вредностите од 2.5 mmol/l.

Дали дебелината е секогаш знак за зголемено ниво на холестерол во крвта?

Зголеменото ниво на холестерол во крвта не е секогаш поврзан со зголемената телесна тежина. Голема заблуда е дека само дебелите луѓе имаат зголемен холестерол во крвта. Повеќето луѓе најчесто имаат зголемен холестерол, кој е условен од генетско-наследна предиспозиција, иако имаат нормална тежина или се дури и слаби......kako што спомнува погоре... konan!!!

Сепак, најчесто дебелите луѓе, поради вишокот на масно ткиво, имаат зголемен холестерол во крвта, бидејќи мастите собрани во масното ткиво лесно одат во црниот дроб и го зголемуваат нивото на  холестеролот.

Кои намирници треба да се користат за нормален холестерол?

Кај половина од пациентите со зголемено ниво на холестерол во крвта, причина за тоа е неправилната исхрана, а кај другата половина од нив, причина е генетската предиспозиција.

Сите продукти од животинско потекло: јајца (жолчка), црн дроб, мозок, путер, павлака, црвено месо, сувомеснати производи, полумасни сирења, содржат заситени масни киселини, кои го зголемуваат нивото на ЛДЛ холестеролот во крвта.

Затоа, здравата исхрана е неопходна за одржувањето на нормалното ниво на холестеролот во крвта....

Статините во третманот на зголемениот холестерол во крвта....значи лекарства !!!

Ако со правилната исхрана и диета не се успее да се намали нивото на холестеролот во крвта до саканите вредности, тогаш лекарот препорачува терапија со статини.

Статините се лекови за намалување на нивото на холестеролот во крвта. Тие ја забавуваат синтезата на холестеролот во црниот дроб и со тоа го зголемуваат отстранувањето на холестеролот во крвта....

Процентот на холестерол во крвта може многу ефикасно да се намали со растителни препарати и со одреден диететски режим на исхрана.

Внатрешна терапија

*Чај од артичока: 20 гр. сушени листови се ставаат во еден литар студена вода, се варат 10 минути, се трга чајот од шпоретот и после 5 минути се прецедува. Се пие по три шолји дневно.

*Чај од бела бреза: 25 гр. листови се попаруваат со жешка вода и се остава да се излади. Тогаш се прецедува и пие. Се пие по три шолји дневно.

*Мешан чај: 10 гр. кора од бела бреза и 10 гр. сушени листови од јасен се ставаат во еден литар студена вода, се вари 5 минути да зоврие, се остава да отстои 5 минути и се прецедува. Напивката се распоредува во текот на денот, а првата чаша се пие на гладно.

*Чај од глуварче: 100 гр. корен се става во еден литар вода, се вари 10 минути и се прецедува. Чајот се пие во текот на денот.

*Вино од артичоки: 80 гр. сушени и истолчени листови од артичока се чуваат две недели во еден литар црно вино, потоа се прецедува. Во текот на 20 дена се пие по една чаша после ручек.

*Вино од рузмарин: 40 гр. сушени врвови од млади гранчиња во цвет се чуваат 3 - 4 дена во еден литар црно вино, потоа се прецедува. Се пие 20 дена по две чаши.

Овошна терапија

Десет дена секојдневно се пие сок од 1,5 кгр. грозје.

Сокот од лимон првиот ден разблажен со вода. Секој нареден ден дозата се зголемува за половина лимон, а после две недели повторно се намалува дневната доза за половина лимон.

*Додаток на јадењата: Црн патлиџан, масло од пченка, масло од сончоглед и масло од соја. Свеж рендан целер се јаде меѓу оброци.