Она што би требало да ви носи уживање, ви причнува болка? Од неодамна или веќе подолго време чувствувате бол при сексуалниот однос? Тоа не е редок проблем и не грижете се затоа што постои решение.

До болки при сексуалниот однос може да дојде поради психички или физички проблеми. Понекогаш решението е прилично едноставно, на пример промена на видот на кондом или промена на предиграта. Меѓутоа, тоа не е секогаш едноставно.

Кога го боли него

Болката поврзана со сексот кај мажите најчесто се појавува со ерекцијата или во текот на ејакулацијата. Таа болка е обично предизвикана од инфекција или некоја непријатна иритација. Причината за болката треба да ја побарате во воспалението на уринарните патишта или простатата.

Понекогаш причина може да бидат и полово преносливи болести, како што е на пример гениталниот херпес. Воспалена или презатегната вратна кожичка на пенисот исто така може да ги предизвикува болките. Ако се работи за инфекција болката сигурно ќе исчезне со употреба на антибиотици.

Кога ја боли неа

Кај жените до болка доаѓа најчесто поради сува вагина, што и двајцата може да го почуствуваат на почетокот од сексуалниот однос, додека подоцна таа сувост се намалува. Кога жената ќе се возбуди, вагиналната жлезда почнува д
а лачи течност која делува како лубрикант. Ако таа течност ја нема доволно, тогаш за неа сексот може да бите непријатен, па и многу болен.

До сувост обично доаѓа поради недоволна и незадоволувачка предигра или поради нарушена хормонална рамнотежа. Причина за сувоста може да биде и користењето на антихистаминици.

Решение на проблемот

Тој проблем може да се реши со соодветен лубрикант. Препорачливо е да користите лубрикант на водена база, а не на база на петролеј затоа што таквиот може да го оштети кондомот и да предизвика бројни инфекции.

Веројатно наједноставен и најдобар пристап е оралната предигра при која плунката на мажот ќе го навлажни вагиналниот отвор и ќе го подготви за пенетрација. Ако вагиналната сувост се појави во периодот после менопаузата, тешкотиите најесно ќе се отстранат преку терапија со хормонален надоместок.