Македониja на 66 место во светот за месец септември

Три новини за дуелот со Катар

Македонскиот селектор Мирсад Јонуз ќе повика 21 фудбалер за пријателскиот натпревар на нашата репрезентација против Катар, кој на 11 октомври го играме на националната арена "Филип 2 Македонски". На списокот кој треба да биде објавен во текот на денешниот ден ќе има неколку измени во однос на претходните наши собири, со три нови имиња кои ќе добијат шанса да се наметнат во националниот тим за следниот наш квалификациски циклус.

Како што објавивме и претходно, најзвучното ново име кое го очекува деби во црвено-жолтиот дрес е фудбалерот од средниот ред на Војводина, Марио Ѓуровски. Свежина во тимот треба да донесат и фудбалерите од домашното првенство, напаѓачот на Работнички Душан Савиќ, кој претходно има еден настап во националниот тим против Нигерија во 2008 година, како и деснокрилниот дефанзивец на Силекс, Глигор Глигоров...

"Марио Ѓуровски со игрите во новата сезона за Војводина заслужи повик, како и Савиќ и Глигоров со што сакаме да покажеме дека и секој квалитет од домашниот шампионат е постојано следен од нас", вели Јонуз.

Во однос, пак, на претходните наши дуели сега нема да има повик, поради повреди за голманот Јане Николоски и Александар Васоски, Славчо Георгиевски не доби дозвола од својот клуб, додека извесна пауза ќе следи и за Дарко Тасевски и Влатко Гроздановски, кој е на немилост во Војводина...

"Сите нови фудбалери ќе треба да го потврдат својот квалитет, но и сите останати стандардни репрезентативци ќе мора на секоја средба да не убедуваат дека и натаму заслужуваат да бидат во нашиот најдобар тим. Во зависност од игрите на овие пријателски средби за некои ќе зависи дали и понатаму ќе бидат во 'А' репрезентацијата", истакнува македонскиот селектор.

И покрај тоа што се соочуваат со помали повреди, се очекува дефанзивците Гоце Седлоски и Игор Митрески, како и напаѓачот Аце Стојков, сепак, да се јават на стартот на репрезентативниот собир на 6 октомври.

"Катастрофални грешки"

Ништо од големите очекувања, ништо од баражот и ништо од чекорот нанапред. Македонија како по традиција квалификациите ги завршува на позицијата која ја има во барабаните за време на ждрепката. За синоќешниот меч за импресиите од поразот свој коментар на прес-конференцијата во Осло даде Мирсад Јонуз. Нашиот селектор е разочаран од слабиот старт на средбата кој е главната причина за поразот.

"Многу рано примивме гол и тоа го наруши нашиот план и нашите очекувања. За да биде нашата несреќа уште поголема примивме и втор евтин гол. Тоа се катастрофални грешки кои беа пресудни на оваа средба и грешки благодарение на кои Норвешка дојде до посакуваната победа", беа зборовите на Јонуз, кој е задоволен од пристапот на фудбалерите во вториот дел од средбата и од самиот финиш.

"По долга пауза видовме едно добро второ полувреме. Во претходните средби секогаш игравме подобро во првите 45 минути, а сега имавме поинаква слика. Иако имавме лоша негатива од 2:1 имавме резултатско враќање со голот на Грнчаров во 79. минута. Имавме доволно време, но и шанси да се избориме за бод, но немавме доволно среќа", беше завршниот коментар околу натпреварот на Мирсад Јонуз.

Нескриено веднаш по средбата беше задоволството кај норвешкиот селектор Егил Олсен - Дрило од победата над Македонија, но пред се и поради освојувањето на второто место во групата на крајот од квалификациите.

"Многумина по нашето брзо водство помислија дека работата е завршена, но Македонија потврди дека сепак е квалитетна селекција. На крајот резултатот можеше да биде и сосема поинаков откако непотребно се опуштивме во финишот од средбата. Имавме квалитетно прво полувреме кога комплетно доминиравме. На крајот не знам што се случи, но секако мора да бидам максимално задоволен од триумфот", истакна на средбата со новинарите Олсен притоа дополнувајќи дека сега единствено остануваат очекувањата на разврската во другите групи за евентуално место во баражот за пласман на СП 2010.

"Сега ни останува да се надеваме дека сепак ќе успееме да се најдеме во баражот. Шансите се можеби мали, меѓутоа се додека има надеж ќе се надеваме на Јужна Африка. Сега може да се види колку загубивме со нерешениот резултат против Исланд во Рејкјавик за кој уште долго ќе жалиме. Без разлика на се, се надевам дека и натаму ќе останам на клупата на нашата репрезентација", дополни популарниот Дрило.

momentalno igraat mladite u21..vodime uste od 30 sekunda 1:0

abe kakov glupav gol primivme

И јас малку
Статијата е од вчера,ама нема врска,ајде денес да ги колфнеме Шкотите и да им ги замиме килтовите како сувенири

НАПРЕД МАКЕДОНИЈА

Шкотите уплашени нe чекаат во Глазгов

"Шкотите навистина стравуваат околу крајниот резултат од дуелот. Нивниот национален тим е под голем притисок, во период на голема криза. Тоа е и нашата шанса", вели единствениот наш репрезентативец од Островот, Величе Шумуликоски

Завршувајќи со Охрид од синоќа, по чартер летот директно од Скопје до Глазгов, македонската репрезентација во најголемиот град во Шкотска ги брои часовите пред утрешниот можеби историски натпревар во желбата конечно да се остане до крај низ едни квалификации со надежта дека и за нас е достижен сонот наречен светски шампионат.

Шкотска утре од 16 часот е показателот колку вистински сме го достигнале моментот на способност да се етаблираме себеси во европскиот крем, како начин за конечно позитивно пишување на фудбалската историја. Ако се суди според "изразот на лицето", кој воопшто не соодејствува на нивното "храбро срце", со кое Шкотите ја дочекуваат Македонија во Глазгов тогаш дефинитивно е јасно дека нашите момци мора да го искористат моментот на целокупна слабост во нивниот национален тим...

"Верувајте, Шкотите навистина стравуваат околу крајниот резултат на утрешната средба. Уплашени се максимално, не само поради тоа што се свесни дека се соочуваат со серија проблеми во својот тим, но и поради тоа што знаат дека ние поседуваме и тоа каков квалитет да ги изненадиме пред нивните навивачи", вели нашиот единствен репрезентативец кој настапува на Островот, Величе Шумуликоски.

Факт е дека крајниот резултат од утрешниот дуел ќе се "крои" во голема мера на средината од теренот каде пресудна улога ќе има мотивираноста, желбата и физичката подготвеност на нашето "моторно трио", Шумуликоски - Деспотовски - Георгиевски.

"Шкотска е во период на голема криза. Нивниот национален тим е пред голем притисок. Неизбежно очекуваат победата од дуелот со нас, што, пак, е наша шанса да стигнеме до изненадување. Како и да е, не смее да се браниме на овој дуел. Мора да се концентрираме на играта која ја негувавме на претходните натпревари со отворена желба за атак на противничкиот гол", истакнува Шумуликоски, на кого се дополнува размислувањето и на Филип Деспотовски, кој сосема оправдано по назначувањето на Мирсад Јонуз на селекторската функција јасно си ја пронајде својата стандардна позиција во националниот тим.

"Нема никакви калкулации. Ова се натпревари од кои може силно да се воздигнеме во европскиот фудбалски свет, а не верувам дека нешто може да загубиме. Притисокот е на нивна страна", вели Деспотовски, кој верува дека ќе постигнеме погодок кој може многу да значи.

"Шкотите и покрај сите проблеми со кои се соочуваат, во секој случај, не се за потценување. Имаат одличен среден ред и брзи напаѓачи. Мислам дека мора да се бара нашата шанса во нивната одбрана која сe почесто демонстрира дека е лесно 'кршлива'. За нас еден гол во нивната мрежа, кој верувам дека ќе го постигнеме, многу ќе значи..., а може и да биде пресуден".

А, околу задоложеноста за погодоци вниманието е насочено кон еден од тројцата офанзивци, Аце Стојков. Погледите на нашата шанса да се стигне до поволен резултат дефинитивно се насочени кон брзите контранапади за кои секогаш фокусот е кон брзоногиот Стојков.

"Мора да ги запреме Шкотите на почетокот од натпреварот. Јасно е дека тие од самиот старт ќе тргнат агресивно кон нашиот гол. Во тие моменти треба, според мене, да пресуди нашето трпение. Доколку ги задржиме нивните налети во првите дваесеттина минути мислам дека потоа во голема мера ни се зголемуваат шансите за успех. Контранападите, кои треба да бидат нашето најсилно оружје, сигурно ќе профункционираат", истакна пред вчерашното заминување од Охрид, Стојков, дополнувајќи го целокупниот оптимизам со кој репрезентативците ги одработија подготовките покрај охридското крајбрежје.

Оптимизмот со кој вчера од скопскиот аеродром се отпатува кон Шкотска без сомнение ги остава домашните љубители на фудбалот крајно нетрпеливо да го очекуваат нашето финално лице низ овие квалификации кои, преку низа случајности и поклопување на разно-разни за нас поволни коцкички, нe сместија на второто место во групата 9. Желбата е да се остане на таа позиција, па потоа да се очекува разврската и во другите групи и како една од најдобрите осум второпласирани селекции меѓу деветте групи да се најдеме во баражот за пласман на СП 2010.


Денеска последниот тренинг пред дуелот

Националниот тим вчера, со почеток од 9:30 часот во Охрид го имаше својот последен тренинг пред заминувањето за Шкотска. Без апсолутно никакви проблеми околу составувањето на тимот Мирсад Јонуз патува во Глазгов каде синоќа по пристигнувањето се очекуваше да го одржи првиот тренинг на "Хемпден парк".

Денеска од 15 часот нашите репрезентативци ќе ја одработат и финалната подготовка пред средбата како заокружување на мини подготвителниот циклус.

Zagrevanje atmosfera pred septemvriskite natprevari...

Shansi ima, ama samo na hartija... Mozat lida se nadminat li nasive fudbaleri?

Ednas imavme shansa da bideme vtori... Dva natprevari so Litvanija, ni trebaa 4 boda... Ne osvoivme nieden...