Правна помош

dali podlegnuva na plakanje danok na imot deloven objekt ako nee pusten vo upotreba

Pejik напиша: Но како доаѓаме до судска делба!?   Дали едниот тоа го покренува или двајцата се потребни?

Едниот сосопственик доволно е да покрене барање за судска делба по пат на јавна продажба, но во таков случај, другиот сосопственик има право на првенствено купување, доколку понуди еднакви услови како и најповолниот понудувач. Правото на првенствено купување во секој случај е гарантирано.

Pejik напиша: Ти сега одиш во нешто друго.Еве сега ќе ти појаснам.Дали да речеме ако двајца поседуваат недвижнина на пр. Дали оној со поголем процент може да ја продаде целата недвижнина без да го праша оној со помал процент.

Не одам во нешто друго. Самиот, без судска одлука, не може да го продаде сиот неделив имот. Судската делба со јавна продажба е единствен начин.

Pejik напиша: Не е можна делба без уништување,затоа прашањето и ми беше! Не ми одговори на прашањето!   Инаку она другото што го напиша и мене ми е горе-долу познато.

Па токму судската делба со јавна продажба е одговор на твоето прашање. Сосопственикот ќе му го понуди на оној со помал дел, својот дел, а доколку другиот сосопственик не сака да го откупи, тогаш по пат на јавна продажба, имотот ќе биде продаден, а двата сосопственика ќе добијат вредност сразмерна на делот.

Pejik напиша: Еве едно прашање.Ако со некого делиш имот, а он има поголем процент,дали он има право да го продаде целиот имот без да го праша оној со помал процент?!

Станува збор за недвижна ствар, зар не? Истотака, би прашал, дали е можна делба на истата, без притоа истата да се уништи?

Според ова што го пишуваш, очигледно станува збор за сосопствност на ствар која со делбата би се уништила, бидејќи делот е определен сразмерно, според целината (идеален дел).
Во таков случај, пред се, сосопственикот треба да го понуди делот на другите сосопственици, кои имаат право на првенствено купување.
Доколку со правото на делба, може да се подели стварта без нејзино уништување, тогаш тоа и ќе се изведе по пат на судска делба. Истотака, судот може да одлучи при поделба на стварта, стварта да му припадне на едниот сосопственик, а тој на другите делови да им ја исплати вредноста на нивните делови.

На крајот, истотака е можна и судска делба по пат на јавна продажба, доколку стварта со поделбата би се уништила или значително би се намалила нејзината вредност.

Во овој случај сосопственикот на ствар што е предмет на делба со јавна продажба, има право на првенствено купување. Во спротивно, по јавната продажба на трето лице, секој од сопствениците ќе добие вредност еднаква на делот кој го поседува.

Изменето од Македон - 25.Септември.2010 во 14:29

Еве едно прашање.Ако со некого делиш имот, а он има поголем процент,дали он има право да го продаде целиот имот без да го праша оној со помал процент?!

Kali напиша: Да речеме дека е утврдено со пресуда дека е тој таткото, и дека родителите не можат да се спогодат.

Ако во постапката за утврдување на татковството судот не донел одлука за чување и воспитание, поради тоа што сметал дека не треба да донесе таква одлука, тогаш останува тоа да се стори со спогодба, а ако не успее и со спогодба, тогаш, решение ќе донесе Центарот за социјални работи. Во случајов, таткото ќе е тој кој ќе поднесе барање за такво нешто, поради изменетите околности.
Во сето ова, истотака, Центарот ќе прибави и мислење од самото дете, земајќи ја в предвид возраста на истото.

Kali напиша: Мене всушност ме интересираше ова со ЦСР; знам дека се тие надлежни да донесат решение за чување ( за старателство беше судот, или исто ЦСР?).

Тие се надлежни, но при пресуда за утврдување на татковство или за развод на брак, судот истотака може да донесе одлука, при претходна консултација на Центарот за социјални работи.

Kali напиша: И, дека се многу корумпирани, т.е. дека одлуките што ги донесуваат се најчесто во корист на оној кој има појаки врски, или моќ. Дека воопшто не се ажурни што се однесува до увид на терен, ангажираност во случаевите и стручна компетентност. Во смисла, не дај боже да мораш да тропнеш на нивна врата. Дали на некој начин законот ја штити мајката во овој случај? Самохрана е, има ептен просечни примања, и има шанси да и го одземат детето.

Со самото утврдување на татковството, одлуката има дејство ex tunc, од што произлегува дека тој е татко од чинот на раѓање на детето, па ги има истите права како и мајката. Тоа значи дека има право да остварува контакт со детето, па дури и да го земе на чување и воспитание, ако за тоа одлучи Центарот за социјална работа,.

Дали се корумпирани или не, навистина не знам, не сум запознаен со ефикасноста на Центарот.

Kali напиша: Што станува на пример, ако се покаже дека таткото недоволно добро се грижи за детето, т.е. дека е неодговорен родител со последици по неговото психофизичко здравје, а ЦСР го штити бидејќи е влијателен на пример? Или обратно, кога мајката е неодговорен родител, а ЦСР е на нејзина страна бидејќи е мајка?Всушност, дали во Македонија постои ефикасен механизам кој го контролира ЦСР, кога ЦСР лошо ја води играта на стручен медијатор помеѓу родителите и детето?И ...thanks

Во таков случај, другиот родител или јавниот обвинител ќе поведат постапка пред суд за одземање на родителското право над детето поради злоупотреба или грубо занемарување на родителските должности. Судот, по прибавено мислење од Центарот за социјална работа, ќе донесе одлука за одземање на родителското право над детето. Судијата колку што имам познавања не е обврзан стриктно да го следи прибавеното мислење.

Не би можел конекретно да ти одговорам како се одвива надзорот на работата на Центарот за социјални работи, чинам дека за тоа е надлежно Министерството за труд и социјална политика.

Повели и другпат.