Тепачка во Собранието на Македонија

Скандалозна тепачка во македонското Собрание

Скопје /25/09/ 17:33

Скандалозна физичка пресметка меѓу пратеници на ДУИ, ДПА и ПДП се случи денеска во македонскиот Парламент.

Потпретседателката на ДУИ Теута Арифи побарала лекарска помош откако била вербално нападната од лидерот на ДПА Мендух Тачи и пратеникот од оваа партија Ружди Матоши, за време на координацијата на пратеничките групи.

Таа била во собраниската амбуланта каде што и бил направен ЕКГ, и според медиумите, нејзината здравствена состојба е стабилизирана.

На пресметката и претходеше говорот на Вејсели, кој од собраниската говорница ги критикуваше пратениците на ДУИ, кои бурно реагираа од своите места, поради што претседателот на Собранието Љубиша Георгиевски даде пауза.

На паузата дојде до пресметка на дел од пратениците на ДУИ со Вејсели, поради што мораше да интервенира и собраниското обезбедување.

Вејсели, во изјава за медиумите, рече дека бил удрен од Садула Дураку, а потоа и од целата пратеничка група на ДУИ.

Лидерот на ПДП додаде дека добил вербални закани од координаторот на пратеничката група на ДУИ, Рафиз Алити.

Во моментот пред Собранието се забележани и припадници на специјалните полициски сили Алфи, а пајак службата ги крева возилата околу собраниската зграда.

Медиумите јавуваат дека во едно од возилата било пронајдено и оружје.

Полициски инспектори сега разговараат со собраниските служби за безбедност, од каде треба да добијат информации за иницијаторите на инцидентот.

Лидерот на СДСМ Радмила Шеќеринска ја обвини власта дека придонела за создавањето на конфликтата ситуација, додека првиот човек на ЛДП Јован Манасијевски побара од МВР да ги открие и казни