Македонската репрезентација

Ех колку лесно изгледа на хартија вака.

Групата на прв поглед е доста изедначена според мене.Освем Русија како супер фаворит во однос на другите кои се горе долу многу блиску по квалитет.

                                          Целта е освојување место кое води на ЕП

 Фудбалската репрезентација на Македонија ќе се стреми да се пласира на едно од првите две места во квалификациите за Европското првенство во Полска и Украина 2012 година. Оваа генерација на репрезентативци има игра и квалитет да се спротивстави на која било друга селекција и треба со сите сили да се впуштиме во борба за одење на ЕП, истакна селекторот на македонската фудбалска репрезентација, Мирсад Јонуз, на денешната прес конференција во ФФМ.

- На сите досегашни квалификации сме завршувале како четврти и доколку се случи тоа и овојпат, јас ќе бидам ист како и моите претходници, значи неуспешен. Го прифаќам предизвикот и доколку не успееме ќе ја превземам одговорноста на себе, рече Јонуз.

Тој даде свое видување за групата во која ќе игра Македонија во следните квалификации. Според него, противниците се тешки, но не и непобедливи. Игрите на пријателските натпревари и постигнатите резултати во изминатите шест месеци со право даваат надеж, како што рече селекторот, да се почнат квалификациите со позитивен резултат кој ќе не одведе до крајната цел. Русија е прв фаворит, со Ерменија и Андора мора да се освојат 12 бода, а во директните дуели со Република Ирска и Словачка да се бара патот до успехот, смета македонскиот селектор.

Првично е договорено календарот за одигрување на натпреварите во групата Б да се направи на 18 овој месец во Москва.

- Одиме во Русија со наш план кој секако не мора да се прифати во целост бидејќи секоја репрезентација ќе има свои желби. Доколку не добиеме гаранција од Владата дека до септември комплетно ќе биде завршена Јужната трибина на стадионот „Филип Втори“, тогаш ќе инсистирам двата натпревара во септември да ги одиграме на гости, а потоа да бидеме двапати домаќини во октомври. Желбата на повеќето репрезентативци е на првиот дуел да гостуваме во Русија, изјави Јонуз.

До септември за кога е закажан почетокот на квалификацискиот циклус во план е Македонија да одигра неколку пријателски натпревари. На 3 март во Скопје доаѓа Црна Гора. При крајот на мај ќе се игра со Босна и Херцеговина, Јужна Кореја или Луксембург. На 11 август е закажана средба со Малта во Ла Валета.

Како и во изминатиот период така и во следниве пријателски натпревари Мирсад Јонуз ќе вклучи неколку нови имиња во репрезентацијата, а ќе им се даде уште една шанса за враќање во националниот тим и на неколку повремени репрезентативци. Тука пред се се мисли на Славчо Георгиевски и Стевица Ристиќ.

Приемлива е групата.Нема ги супер фаворитите.Преку Ермениja и Андора со задожителни победите.

Приемлива група за Македониja

1.Русиja

2.Словакиja

3.Реп.Ирска

4.Македониja

5.Ермениja

6.Андора

никако нелоша група со велики шансови барем за второто место.Успев Македониja..Ние сме со тебе

Македонија на 65-тото место на рејтинг листата на ФИФА

Македонската фудбалска репрезентација 2009 година ја завршува на 65 место на листата на Светската фудбалска асоцијација - ФИФА.  

На последното бодување за оваа година објавено денеска, Македонија со 4 освоени поени стигна до бројката 495, што и овозможи подобрување за едно место во споредба со ноемвриското  рангирање.

На првите десет позиции на ФИФА листата нема промени. Шпанија останува на врвот а по неа следуваат, Бразил, Холандија, Италија, Португалија, Германија, Франција, Аргентина, Англија, Хрватска.

Македонија ја совлада Канада со 3:0

По сите фудбалски параметри, Македонија беше подобра и затоа победи, само привидно Канада е десет места подоброрангирана на ФИФА листата.

Допадлив фудбал, Македонија невообичаено создаде многу шанси, традиционално се изнапромашува, но сепак на убавиот струмички амбиент се заблагодари со триумф.

Наумовски како да беше магнетизиран на почетокот, топката по правило доаѓаше кај него, но по трите обиди аплаузите сепак му припаднаа на гостинскиот голман Ванегар.

Втор на ред дојде, Новески, две слични ситуации по корнерите на Пандев - за статива и за воздишки на петилјадната публика.

Желбата со голови да потсетат на јуниорските денови, како да го спречи струмичкиот тандем Стојков - Пандев да ги реализира своите пет минути во првото полувреме, но сепак најнејасно е како Ѓорѓиевски во последните секунди пред одморот промаши нешто што не смееше.

Канаѓаните ги немаше нигде, но требаше да се заканат веднаш на стартот на вториот дел преку Џонсон за нашата репрезентација да го фати победничкиот ритам.

48 минута, Пандев шести корнер, Седлоски 98 настап, осми гол, 1:0 - како најава за несекојдневната низа пенали.

Почна со шансата на Хјум, реакцијата на Новески, раката на Ибраими и непрецизноста на истиот Хјум во 56-тата минута. Пет подоцна, во дуелот Савиќ - Сталтери, бугарскиот судија Генов најде доволно елементи за 11 метри.

Пандев безгрешен 2:0. Канаѓаните ја пропуштија и последната можност евентуално да преживеат, откако Мојсов непрописно стартуваше врз Френд, а Пачовски во 69-тата минута го прочита Џексон.

Колку изведувањето пенали може да биде едноставно демонстрираше Пандев. Меккена наивно го сопре Деспотовски, најдобриот македонски стрелец го завери заслужениот триумф, 3:0.

„Пак ни се појавуваат истите тие слабости кои што ги имавме порано, а тоа е реализацијата.Значи наместо да го решиме натпреварот во првите 45 минути и потоа да влеземе уште порелаксирано ние дозволивме резултатот да остане ист 0:0. Сепак сум задоволен од играта на репрезентацијата која одигра во Струмица“, изјави македонскиот селектор Мирсад Јонуз

„Мислам дека одигравме еден одличен натпревар, отворен натпревар, ја покажавме нашата зрелост. Мислам дека така треба да продолжиме да играме, на резултат. Сигурно е дека имавме и ние шанси,а и они ама на крајот е важна победата“ додаде нашиот репрезентативец Горан Пандев

Пандев не игра во Лацио, но е во одлична голгетерска форма, собра 21 погодок. Дебитираше младиот голман Кристијан Наумовски, со 39 натпревари и официјално се прости екс репрезентативецот Горан Ставревски.

Атмосферата е одлична, но се одржува само со добри резултати, тоа е следната обврска на Македонија в среда на гостувањето кај Иран.