Правна помош

Pannet напиша: Фала МАкедон на одговорот. Единствено што знам е дека можам да користам 1 час пауза наместо 30 минути за доење. Имам ли некои други права и олеснувања? Т.е., за кои видови заштита зборуваме?

За време на бременоста, како и една година по породувањето, работничката не смее да врши работи кои би наштелиле на нејзиното здравје, како и на здравјето на детето. За време на бременоста, како и со дете до една година возраст работничката не смее да врши прекувремена работа или да работи ноќе. На работничка која има дете од една до три години може да се наложи да врши прекувремена работа или работа ноќе само со нејзина претходна писмена согласност.

Во однос на паузата, имаш право на пауза од еден и пол час дневно, во кое време се засметува и дневната пауза. Тоа право го имаш се до наполнување една година на детето.

Има и други видови заштита, но тие се остваруваат доколку детето е родено со тешка болест, порано родено, доколку истото живее само со работничката ( самохрана мајка ) и доколку се роди мртво дете.

Истотака, работничката по враќањето од породилното отсуство треба да се врати на истото работно место, или на место според условите од договорот за вработување.

Pannet напиша: Моето породилно отсуство треба да заврши наредниот месец. Но работам во фирма каде што има масовни отпуштања. Дали сум заштитена? Конкретно, имам слушнато дека откако ќе се вратам од породилно не смеат да ме отпуштат една година, и не смеат да ме сменат од работната единица каде што работам (на пр.да ме пратат во друг град). Има ли некој информација околу ова?

Согласно член 101 од Законот за работни односи, се додека си на породилно отсуство работодавачот не смее да те отпушти. За периодот по враќањето од отсуството, никаде во законот не стои забрана за отказ. Постојат други видови заштита на работничката во тој период, но забрана за отказ нема.

indigo_cg напиша: Здраво, Би сакал да прашам дали има некој искуство со работа преку интернет. Сакам да почнам да работам на проекти како на пример web & graphic design. Проблемот е што се наплаќа само преку Paypal. Јас лично имам Paypal кој ми е поврзан со сметка во Бугарија. Е сега сакам да прашам како треба да се постапи за сето тоа да биде легално со плаќање на даноци, и кому треба да се плати данок ? Однапред благодарност за советите.

Провери дали постои договор меѓу Македонија и Бугарија за одбегнување на двојното оданочување, доколку постои, Република Македонија нема да те оданочи за нешто за кое веќе си бил оданочен во Бугарија. Ти прочитај го сепак договорот.

Во однос на данокот во Република Бугарија, како и работата преку интернет, не би можел да ти одговорам, сепак, не го познавам бугарското право.

tinodj напиша: Здраво на сите... Мене ме интересира дали некој може да ми даде конкретен одговор на следното прашање: Дали странец (конкретно Словенец) во Македонија може да купи недвижен имот? Дали притоа има ограничувања во однос на тоа од каков тип е имотот: стан, куќа, двор, нива, ограничувања заради локацијата на имотот, заради типот - пример: имотот е од културно или историско или стратешко за одбраната значење Информација на тема во кој закон би било ова ( а поконкретно во кои членови од тој закон ) - исто е многу добродојдена. Дополнителни информации (линкови, имиња на институции) би биле повеќе од добредојдени.

Физичко лице, државјанин на земја членка на ЕУ и ОЕЦД во Македонија може да биде купи подвижен и недвижен имот. Оние физички лица кои не се државјани на земјите членки на ЕУ и ОЕЦД можат да се стекнат со право на сопственост само под услови на реципроцитет.

За ова погледни во член 2 од Законот за изменување и дополнување на Законот за сопственост и други стварни права (Службен весник на Р.Македонија бр.92/08 од 22.07.2008)

Истотака и погледни го членот 1 од Законот за изменување и дополнување на Законот за сопственост и други стварни права (Службен весник на Р.Македонија, бр.139 од 19.11.2009 година).

Сепак, согласно член 250 од Законот за сопственост и други стварни права, странски лица не можат да бидат сопственици на недвижност, која поради заштита и безбедност на Република Македонија е прогласено за подрачје на кое странски лица немаат право на сопственост, освен ако со закон поинаку не е определено.

Здраво,
Ме интересира при донесување на одлука дали е главен диспозитивот или образложението или пак и едното и другото одат заедно.Во диспозитив се повикува на член 81 од ЗРО а во образложение на член 59 од ЗСО.И што во случајот ако повикувањето е на основа на член 59 а таа одредба со одлука на Уставен Суд е укината?Дали можам да покренам кривична постапка кон лицата и органите кои се повикале на овој укинат член 59 став 10 од Закон за средно образование.
Поздрав

Здраво на сите...

Мене ме интересира дали некој може да ми даде конкретен одговор на следното прашање:

Дали странец (конкретно Словенец) во Македонија може да купи недвижен имот?

Дали притоа има ограничувања во однос на тоа од каков тип е имотот: стан, куќа, двор, нива, ограничувања заради локацијата на имотот, заради типот - пример: имотот е од културно или историско или стратешко за одбраната значење


Информација на тема во кој закон би било ова ( а поконкретно во кои членови од тој закон ) - исто е многу добродојдена.

Дополнителни информации (линкови, имиња на институции) би биле повеќе од добредојдени.

sneza71 напиша: dali podlegnuva na plakanje danok na imot deloven objekt ako nee pusten vo upotreba

Согласно член 1 од ЗАКОНОТ ЗА ИЗМЕНУВАЊЕ И ДОПОЛНУВАЊЕ НА
ЗАКОНОТ ЗА ДАНОЦИТЕ НА ИМОТ "Сл. Весник на Р. Македонија бр.92/07 од 24.07.2007 година", даночното ослободување на обврзникот во однос на деловните згради или простории каде обврзникот ја врши дејноста повеќе не важи.


Дали Вам ви стигна решение за плаќање данок на имот и кога?

Изменето од Македон - 01.Октомври.2010 во 13:55