Свеќи

EvAngelos напиша: macedon_alex напиша: AlDRa го гледаше ли филмот Quo Vadis? И таму во филмот видовме дека сите Христијани носеа свеќи во рацете па дури имаше и наредени свеќи во форма на крст. Значи сепак Христијаните нисеа свеќи во катакомбите. Не велам дека е филмот којзнае колку историски, но сепак факт е дека имало свеќи во раните Цркви. Леле до кое дереџе дојдоа православниве, да си ги бранат своите небиблиските новотарии во верата со помош на филмови  Што е следно? Ќе се повикате на цртани филмови? Ќе земате примери како Аладин запалил свеќа, или како Петар Пан си направил иконче, или пак како џуџињата ги чувале моштите на Пепелашка се додека не дошол принцот на белиот коњ да ја оживее со својот банкеж? Ах што би правел јас без вас на форумов

Евангелос, не го споменав поради тоа филмот и не се обидувам со него да докажам нешто, туку поради тоа што и АlDRa пред некое време( ако не грешам) на форумот стави дека го гледал филмот и е доста интересен. И немој да се обидуваш "динамичнo" да ми ги вадиш зборовите од контекст и да ми протнуваш нешто низ иглени уши(сеуште не е јасно како ова "динамично" да се протолкува).

AlDRa го гледаше ли филмот Quo Vadis? И таму во филмот видовме дека сите Христијани носеа свеќи во рацете па дури имаше и наредени свеќи во форма на крст. Значи сепак Христијаните нисеа свеќи во катакомбите. Не велам дека е филмот којзнае колку историски, но сепак факт е дека имало свеќи во раните Цркви.

Порано (во времето без електрична енергија) во црквите имало потреба од палење свеќи или кандила за виделина во црковната просторија. Нивната употреба за поклонување е спротивно на духовното поклонување.
Никаде во Светото Писмо нема заповед за палење свеќи како принос на Бога. Таква зповед не дале ни Христос, ниту пак првите апостоли, ниту пак првите христијани ги употребувале за таа цел. Ако беше нужно палење свеќи за дар при поклонувањето, тогаш зошто Бог не го заповедал тоа? Можеби, Бог не е умен колку што се луѓето? Или пак Тој не знае, а ние знаеме што е потребно за да Му се поклонуваме?
Тој обичај дава искривена слика за спасението. Некои мислат дека свеќите се жртва, други дека се почитување, а трети дека се знак за нашата топла вера.
Но Светото Писмо учи дека жртва пред Бога е смирен дух. "Смирениот дух е жртва на Бога, нема да го презреш, Боже, понизното и покајничко, срце." (Псалми 50:17), дека ние Го почитуваме Бога и ја покажуваме верата со богоугоден живот, а не со палење свеќи. Верата не се покажува со палење свеќи туку со плодовите на Духот.
"А плодот на Духот е: љубов, радост, мир, долготрпеливост, благост, добрина, верност, кротост, воздржливост" (Галатјаните 5:22-23).
И така во заблуда се оние кои мислат дека горењето кандила и палењето свеќи им помага во спасението. Ние не сме искупени со преодни нешта, "туку со скапоцената крв на непорочното и чисто јагне - Христос”(1 Петар 1:18,19). Христос е нашиот Спасител Кој "со својата крв влезе во светилиштето еднаш засекогаш и изврши вечен откуп” (Евреите 9:12). "Крвта на Исуса Христа, не очистува од секаков грев.”(1 Јованово 1:7).

        Не е можно да го дополниме ова совршено спасение ни со свеќи ни со кандила, ни со каков било друг принос!
Сите кои се надеваат на такви приноси, се мамат. Ако сакаме простување на гревовите, место да гориме масла во кандилата и да гориме свеќи, да дојдеме кај Бог и од Него да бараме простување. Свеќите не можат да ги избришат нашите гревови.
Употребата на свеќите за поклонување дава причина црквата Господова да стане трговски дом. Ова ни е на сите јасно особено кога гледаме како на големите празници (Велигден) еден куп тезгарџии ги обиколуваат храмовите и велат: "Повелете свеќи 5 денари". Но сетете се како постапи Исус со тезгарџиите во Храмов во Ерусалим. "И влезе Исус во храмот Божји и ги истера сите што продаваа и купуваа во храмот, ги растури масите на менувачите и столовите на оние што продаваа гулаби" (Матеј 21:12).
Продавањето свеќи е трговија. Црквата ги прави и ги продава, учејќи ги луѓето дека колку повеќе или поскапо купуваат, толку побогоугодно е нивното поклонување. Виновни се и оние кои продаваат и оние кои купуваат зашто Христос "ги истера сите што продаваа и купуваа во храмот”.

        Паганите му се поклонувале на Сонцето и на Месечината како извори на светлината и палеле свеќи и кандила во храмовите пред идолите, принесувајќи ги во чест на нивните богови.
Египќаните биле први кои ги употребувале. Дури имале и еден празник, наречен палење свеќи. Старите Македонци, Грци и Римјани, исто така, ги употребувале. На еден празник, во чест на богинката Церера, палеле многу свеќи. Обичајот бил да и принесуваат големи свеќи и факели. Јудаизмот никогаш не ги употребувал. Не ги употребувале ни првите Христијани.
При крајот на четвртиот век, почнале да палат свеќи при читањето на Евенгелието, а потоа на сеќавањето на Тајната вечера. Од тие настани постепено, овој пагански обичај, се вовел во Црквата и добил сосем спротивно и престапно употребување.

        Денес некои се обидуваат да ја оправдаат оваа небиблиска постапка тврдејќи дека порано немало електрична енергија и свеќите биле присутни во храмовите за осветлување и демек ете, тогаш имало свеќи, па зошто и денес да нема?
Но дали е ова оправдан изговор? Дали тогаш свеќите, поточно, светилниците се принесувале како бескрвна жртва за живи, за мртви, за здравје, за бериќет итн.? Дали "свеќите" т.е. светилниците тогаш имале религиозно значење или пак чисто техничко, за осветлување на просториите? Дали е потребно денес, во 21 век, кога во црквите имаме електрично осветлување да користиме свеќи за осветлување? Велат: "Тогаш имало свеќи по храмовите, затоа треба да има и денес". Ако одиме по таа логика, тогаш зошто тие што го велат ова не си палат дома свеќи за осветлување? Па во тоа време не биле само храмовите без електрично осветлување, туку и домовите биле без електрично осветлување. Тогаш зошто овие не се осветлуваат со свеќи и по домовите?
Но, овие реторични прашања можат да одат до бескрај, сепак јасно е дека таа споредба не држи вода и е само еден давенички изговор за да се задржи бизнисот со свеќи и денес во 21 век.

Изменето од AlDra - 11.Октомври.2008 во 17:16