Тепачка во Собранието на Македонија

OVA SAMO VO MAKEDONIJA GO IMA...nema zakoni i nema odgovornost nikakva a najmalku politicka...iako vinovnicute trebase da bidat javno lincuvni toa nema sansi da se sluci....lokalnite serifi se posilni od site, vklucuvajki go i premierot i valadata koja ne znae kako da gi natera negovite(vidi DPA) barem da prisustvuvaat na komisijata...

ДПА ќе побара интерпелација на Јанкуловска?

Aнкетната комисија го проби рокот, Тачи не открива дали нивниот член ќе се врати во неа

Гордана Јанкуловска

Анкетната комисија го проби рокот во кој во ова собраниско тело требаше да излезе со извештај за тепачките меѓу пратениците од албанскиот политички блок, што се случија на 25 септември. Владејачката ДПА на Мендух Тачи тактизира и не открива дали нивниот претставник Агим Рамадани ќе се врати во Комисијата. Но, затоа блиските соработници на Тачи, неофицијално во собраниските кулоари, ја пуштија информацијата дека ДПА, наводно, ќе и' поднесе интерпелација на министерката за внатрешни работи Гордана Јанкуловска.

Работата на Анкетната комисијата е блокирана веќе една недела откако Тачи го повлече Рамадани од Комисијата, а Стојан Андов возврати со најава за оставка од претседателската функција. Андов во петокот со писмо го извести спикерот Љубиша Георгиевски дека ќе се повлече од функцијата претседател доколку не се овозможи Комисијата да функционира во полн состав. Спикерот завчера побарал од Андов да не ја активира оставката до петок, за да му дадат време на Тачи да се премисли.

Понеделничната координација кај претседателот на парламентот се покажа безуспешна, ДПА побара дополнително време да размисли дали ќе продолжат да учествуваат во работата на Анкетната комисија. Шефот на пратеничката група Ружди Матоши во неформални разговори со новинарите најави дека ДПА размислува да се врати во Комисијата. Според Матоши, ДПА е заинтересирана да се расветлат инцидентите, „особено присуството на силно партиско обезбедување пред Собранието и во него, за што одговорност ќе се бара на највисоко ниво во МВР“.

Во изјавата за медиумите координаторот на пратеничката група на ДПА вели дека најголемиот виновник за блокадата на Комисијата е нејзиниот претседателот. „Андов не му дозволи на Тачи да сведочи иако дента кога парламентот ја прекина работата две други собраниски комисии продолжија да заседаваат. Сакаме одговорност од Андов зошто стана марионета и потпадна под наместени сценарија на опозицијата. Андов не беше рационален и под притисок на СДСМ нерационално ја прекина седницата и тој тоа поскоро мора да го објасни“, вели Матоши.

Опозицијата, пак, ги обвини владејачките партии дека прават намерни опструкции вистината да не излезе на виделина. Координаторот на пратеничката група на СДСМ Јани Макрадули е уверен дека парламентарното мнозинство сака да се забошоти случајот. За пратеничката од ЛДП Роза Топузова - Каревска е очигледно дека власта овој пат преку ДПА ги прави сите можни напори Анкетната комисија да не ја заврши работата.

I PAZI GO OVA .... NEMA RAZBIRANJE SO VAKVI ...TREBA POD ITNO DA SI ODAT OD POLITICKAVA SCENA OD MAKEDONIJA

Андов најави повлекување од Комисијата

Дали Анкетната комисија, која треба да ги расветли тепачките во Собранието, ќе успее да ја заврши работата? откако Комисијата вчера не одржа седница, поради неприсуството на претставникот на ДПА, Андов најавува дека ќе се повлече.

Во писменото известување до Претседателот на Собранието, Андов бара од Георгиевски да се ангажира што побргу да се избере нов претседател на Комисијата, доколку не е можно да се осигура учество во нејзината работа на сите членови од актуелниот состав.

Собранието ја прекина работата поради загинувањето на Тоше Проески, тогаш пред Комисијата требаше да сведочи Мендух Тачи.

Во писмото до Георгиевски овој негов потег Андов го посочува како најверојатна причина за блокираноста на Комисијата, иако вчера најави дека очекува ДПА да се премислат.

„Откако ќе се премисли ќе сфатат луѓето и Комисијата ќе си ја работи работата во полн состав. Јас лично сакам да изјавам дека во некој поглед го разбирам господин Тачи што двапати го викаме, двапати не можеме да го испрашаме“, рече Стојан Андов, претседател на Анкетна комисија (вчера).

Од кабинетот на Георгиевски, пак, велат, Претседателот нема деловнички можности никого да присилува да учествува во работата на Комисијата, но дека претседателот Георгиевски ќе апелира до сите да покажат политичка волја и да ја завршат работата на Анкетната комисија.

Ова е дотолку повеќе, зашто Брисел освен што испрати остри критики за инцидентите, побара Комисијата да утврди кој од учесниците во нив сноси и политичка одговорност.

За опозициската ЛДП, Шефер и Рен прстот го впериле во заменик министерот Елмази, поради директното учество во инцидентите од 25-ти септември. ЛДП бара Георгиевски веднаш да свика итна седница за интерпелацијата што ја поднесоа за Елмази.