Македонската репрезентација

Да не има некој информација каде ќе се одигра натпреварот на 04 септември помеѓу македонија и грција ( до 21 година )??

Нашите кога биле уиграни немам желба да ги гледам кога играат

(0:1) 0:1 = 2-2 (во кладилница)

2 - 2

Auuuu! Sme ja pobedile Romanija...

Македонија без Пандев на натпреварите со Азербејџан и Романија

Скопје, 25 мај 2010 (МИА) - Во составот на македонската фудбалска репрезентација за претстојните пријателски натпревари со Азербејџан и со Романија ќе го нема Горан Пандев. Селекторот Мирсад Јонуз потврди дека во Австрија со репрезентацијата нема да биде најдобриот македонски фудбалер.

- Во консултација со лекарот на Интер и по барање на нашиот најдобар репрезентативец кој имаше тешка година со многу проблеми, но и шест месеци успешни настапи одлучив да му дадам одмор на Горан Пандев. Од репрезентативните обврски поради повреди поштеда добија и Илчо Наумовски, Ацо Стојков и Јане Николовски. Повредените ќе ги заменат, Агим Ибраими по препорака на селекторот на младата репрезентација Бобан Бабунски и Баже Илијоски од Металург од домашното првенство. Добро за селекцијата е што конечно ќе може да сметаме и на Марио Ѓуровски со што ќе се зголеми конк*ренцијата пред се во средниот ред, истакна Јонуз на денешната прес-конференција.

Македонскиот селектор уште еднаш го повтори својот став дека во репрезентацијата ќе има место само за играчи кои настапуваат стандартно во своите екипи. Тој ја остави отворена можноста да повика уште еден голман и евентуално на списокот да се најде и Бесарт Ибраими доколку својата форма ја потврди во Шалке.

- На три месеци пред квалификациите за ЕП 2010 година, овие два натпревара се добредојдени за составување на костурот на тимот. Ова е тоа што го баравме. Играта на Азербејџан е слична со онаа на Ерменија и играта на Романија е слична на онаа на Словачка, две селекции од групата на Македонија, рече Јонуз.

Пред поаѓањето за Австрија нашата најдобра селекција ќе одржи два тренинга. На списокот на Јонуз за пријателските натпревари кои ќе се одиграат во Австрија се: Томе Пачовски, Един Нурединоски, Баже Илијоски, Ванче Шиков, Бобан Грнчаров, Гоце Седлоски, Игор Митрески, Николче Новески, Александар Тодоровски, Арменд Алими, Величе Шумуликоски, Филип Деспотовски, Влатко Гроздановски, Горан Попов, Славчо Георгиевски, Марио Ѓуровски, Иван Тричковски, Владе Лазаревски, Стевица Ристиќ, Агим Ибраими, Менсур к*ртиши и Душан Савиќ.

Натпреварот со Азербејџан се игра во Бишофсхофен во сабота на 29 мај во 18 часот и 30 минути. Од 19 часот на 1 јуни во Кернтен е дуелот со Романија.

На прес-конференцијата присуствуваше и селекторот на Б-репрезентацијата на Македонија, Бобан Бабунски кој изрази задоволство од настапот на турнирот во Јемен каде македонската Б-селекција го освои третото место во конк*ренција на селекциите на Јемен, Буркина Фасо и Оман.

- На овој турнир како и претходно некои од играчите ја потврдија својата класа, пред се Лазевски, Димитровски, Ибраими.... и тие се многу блиску до А-репрезентацијата. Низ трите одиграни натпревари покажавме дека имаме квалитет и убава фудбалска иднина, е оценката на Бабунски за турнирот во Јемен.