Студентски Марш

на секој му е јасно дека во нашава зависна земја, не може да постои независна комисија...каква ќе биде таа надворешна комисија што ќе го спроведе ова екстерно испитување или како и да се вика...

Реформи имало и ќе има во образованието. јас се сеќавам дека полагав и матура, и државен и  приемен па еве сум здрав и жив. Тоа што го знам никој неможе да ми го земе (  тоа е и толку е) бадијала ќе се правам офарда кога се кој си има лимит. Има студенти кои не се појавуваа на испити и ги имаше на огласна со 10КИ а некој кој нема пријатели ќе добива едвај 6ка. Ако државниот испит е спроведен од страна на независен субјект во склоп со пстоечките студии негледам како би бил проблем. Па нели она што еднаш што си го научил вчера ќе го знаеш и денес и утре. и не гледам зошто би бил проблем државен испит за оној кој УЧИ ДА НАУЧИ.

Изменето од Zdravko81 - 11.Декември.2014 во 13:34

Секој има право да го изрази своето мислење, својот став, видување, преку протест на мирен и демократски начин, тоа никој нема право да го забрани и оспори 

Студентите како идна интелектуална елита, која ќе ја креира иднината на Македонија потребно е да бидат консултирани, прашани при донесувањето на конечниот предлог за државниот испит, и тие на констуктивен начин да ги кажат нивните предлози, сугестии, забелешки кои ги имаат во поглед на концептот на државен испит, кој се однесува на самите нив.

На образованието му е потребна реформа, на високото секако и тоа треба да се движи во неколку насоки кои се клучни се со цел да се подобри квалитетот и да се вратат критериумите кои се потребни со цел да се подигне репутацијата и реномето на универзитетите како највисока образовна инстанца во процесот на образованието воопшто во нашата држава.

Точно е дека во последниве неколку години нешто се случува во високото образование, опаднат е квалитетот, не е тоа случај секаде, но критериумите се опаднати, се пишуваат високи оценки на студенти кои не заслужуваат да добијат преодна оцена - како доказ дека ја владеат материјата по предметот кој го полагале, кој е за тоа виновен па секако тој кој ја пишува оценката, но образованието денес стана бизнис секој факултет си го гледа финансискиот интерес - односно бројот на запишани студенти од кој зависат приходите на самиот факултет па посебно доколку станува збор за приватен.

Потребно е да се направи корекција на ЕКТС во делот каде се констатирани, утврдени слабости, бидејќи во последните неколку години на тоа укажуваат и професорите а и самите студенти.

ЕКТС им овозможи на студентите полесно да ги полагаат испитите со самото тоа што истите ги полагаат на колковиуми, материјалот го полагаат на неколку дела, им се овозможува на оние кои не го положиле редовниот колоквиум да полагаат на поправен сето тоа е многу полесно за разлика од порано кога испитите се полагаа на цел материјал, исто така денес оценката се формира од неколку елементи, од испит, од присуство, активност, и изработка на семинарска, па можноста за добивање на повисока оцена е поголема за разлика од порано кога не постоеше овој начин на формирање на оценката

Се отворија многу факултети, посебно приватни, се зголеми конК*ренцијата во високото образование, тоа резултираше со поголем број на запишани студенти, но и со намалување на критериумите и квалитетот на образованитето, сето тоа ги наведе властите да размислуваат за воведување на контролен механизам, филтер, кој ќе гарантира проверка на стекнатите знаења на студентите.

Се отворија дисперзирани студии и тоа придонесе кон намалување на критериумите и квалитетот на образованието, потребно е да се преиспита ова со дисперзираните, бидејќи истите според мене се непотребни бидејќи тоа само доведе до квантитет на сметка на квалитетот.

Неможе сите средношколци да се запишуваат на факултет, ова во смисла и како последица на тоа имаме хиперпродукција на кадри од одредени образовни профили кои се суфицитарни на пазарот на труд, завршените дипломци тешко се вработуваат, ги има во прекумерен број, државата мора да превземе нешто на овој план, особено ова се однесува на општествените науки каде и најповеќе се запишуваат студентите и кои се во најголем број невработени, и тешко наоѓаат работа. 

Потребно е да се намалат квотите на државните факултети од општествените науки и тоа драстично, некои да се стават во мирување, а да се потикнуваат студентите да се запишуваат на оние кои се дефицитарни на пазарот на труд се со цел да се воспостави рамнотежа - баланс помеѓу понудата и побарувачката за одредени образовни профили

Во врска со мислењето на некои дека во последниве години се зголеми бројот на магистри и доктори тоа е како резултатот на следново

- ЕКТС - најголем дел од програмите се по моделот 3+2 па студентите по завршувањето на 3 та се запишуваат и продолжуваат уште  две години и се стекнуваат со титулата магистер

- зголемениот број на факултети особено ова е изразено на приватните

- желбата за подобра кариера - напредок на работното место

- огромниот број на завршени дипломирани студенти во последните години, ги поттикна останатите да се запишат на посдипломски со цел полесно да дојдат до одредено работно место со повисок степен на образование, надеваќи се дека на тој начин ќе се издвојат и ќе успеат

- политиката на самите факултети за остварување на поголеми приходи ги потикна да запишуваат повеќе студенти на посдипломски, бидејќи посдипломските имаат карактер на приватни студии и студентите сами си плаќаат за тоа, пример за завршување на еден студент на посдипломски му се потреби од 2500-3000 евра, во зависност од факултетот, тоа се приходи на самиот факултет, чиста економска логика.

- бројот на доктори се зголеми по стариот модел на одбрана на докторски, бидејќи е полесен и поевтин, зошто? затоа што по стариот модел на докторски кој важеше до декември 2012(мислам дека до тогаш беше последен рок на пријава за одбрана на докторски труд, па сите избрзаа да го испочитуваат последниот рок по стариот модел бидејќи е полесен за нив)

полесен? затоа што по стариот модел на докторски потребна е само одбрана на докторски труд од 250- 300 страни и толку, додека новиот модел на докторски студии е далеку потежок и поскап, потенцирам докторски студии - потребно е да се полагаат неколку испити 6 - 8 во зависност од факултетот, изработка на трудови за време на докторските кои треба да бидат објавени во странски списанија и на самиот крај изработка и одбрана на докторскиот труд, тоа беше причина како што наведов претходно сите да избрзаат и да пријават труд по стариот модел, зошто? затоа што за нив тоа е многу полесно поедноставно и поефтино, тоа укажува и доведува до заклучок дека секој сака да дојде до целта по полесниот, поедноставниот пат 

Мислам дека на доста објективен и непристрасен начин ги нотирав причините и проблемите кои предизвикаа да дојде до сето ова.

Потребно е да се најде заеднички јазик помеѓу владата, студентите, факултетите, се со цел да се усогласат ставовите, аргументите за и против државниот испит, во интерес на иднината на студентите, државата, универзитетите и општеството во целина. односно на сите страни засегнати во конкретниот случај.

 

 

Изменето од panter123 - 11.Декември.2014 во 13:17

zabegan напиша: и што е толку проблем ако партиите се замешани во протести? се протестира против одлуката за екстерно тестирање, а не против владата... што? не смее политичар да поддржи протест? па дури и целосно протестот да е организиран од опозицијата, каде е тука проблемот? ...на протестот учествуваат многу, ама навистина многу луѓе, кои не се само во поголем број од сите митинзи и протести на опозицијата (кои нели, беа организирани со автобуси и со сендвичи), туку во нив учествуваат луѓе од најразни партии, вклучувајќи ги и позициските, и луѓе кои го поддржуваат протестот и се согласуваат со неговиот став... протестот беше неформално поддржан и од случајни минувачи и возачи... и ова беше само во Скопје и сигурен сум дека власта ќе најдеше начин да ги дискредитира и исмева незадоволствата на народот, затоа што секогаш наоѓала, за жал... ама фактот дека некој цела ноќ седел буден и од 1000 луѓе барал детални информации за кого да заокружи, наместо да искористи чиста сила, како досега, кажува многу и еве запрашајте се, зошто нема контрапротести? каде се луѓето кои излегуваа да се тепаат секој пат кога лошите мрачни соросоиди организираа протести?

fiks напиша:   Ај вака. Фикс се заебавал цел факултет, препишувал, полагал испити со слушалката во уво благодарејќи на тоа што има коса ко пуцвалд, малку бил поимашлив и овде - онде фрлил по некое еврејче и слично. Кој е во искрена и реална предност после ова те молам кажи ми.

fiks напиша: Andjelina напиша: Фикс поголемиот дел од оние од опозиција се професори По тебе што треба да работи опозиција во една држава ако не и да е дел од протести,да плете чорапи?   Нека си направи протест свој Енџи и нека протестира, а не да се шлепа за студентите и да им го упропасти искрениот протест. Ако се способни како опозиција и сакаат да политички делуваат нека си напраат протест свој, со партиски обележја и слично и нека протстираат.

и уште нешто, како што ти кажа Анџелина, голем дел од луѓево се професори, што значи оваа промена ги засега лично... сакаш да кажеш дека професор не смее да излезе на протест само поради тоа што е активист на одредена партија?

а и не знам што расправам тука... зарем не кажува ништо тоа што од неколку илјади луѓе, протестот се оцрнува ради 30 души? значи ставот на останатите луѓе за кои нема доказ за партиска припадност, не ја засега владата... што да зборам уште?
тоа значи дека немаше да ја засега и без тие 30 души

fiks напиша: zabegan напиша: и што е толку проблем ако партиите се замешани во протести? се протестира против одлуката за екстерно тестирање, а не против владата... што? не смее политичар да поддржи протест? па дури и целосно протестот да е организиран од опозицијата, каде е тука проблемот? ...на протестот учествуваат многу, ама навистина многу луѓе, кои не се само во поголем број од сите митинзи и протести на опозицијата, туку во нив учествуваат луѓе од најразни партии, вклучувајќи ги и позициските, и луѓе кои го поддржуваат протестот и се согласуваат со неговиот став... протестот беше неформално поддржан и од случајни минувачи и возачи и сигурен сум дека власта ќе најдеше начин да ги дискредитира и исмева незадоволствата на народот, затоа што секогаш наоѓала, за жал... ама фактот дека некој цела ноќ седел буден и од 1000 луѓе барал детални информации за кого да заокружи, наместо да искористи чиста сила, како досега, кажува многу и еве запрашајте се, зошто нема контрапротести? каде се луѓето кои излегуваа да се тепаат секој пат кога лошите мрачни соросоиди организираа протести?   Знаеш каде е проблемот ако партии од опозиција се замешани, се губи автентичноста, сега пола македонија гледа и чита дека некои фаци што не треба да се тамо се тамо, место да се дискутира дали државниот испит е потребен или не, и кои се позитивни и негативни страни на истото. Мешањето на опозицијата им дојде на власта како кец на десетка, и сега власта има некое оправдување дека студентите се изманипулирани. Тука е проблемот според мене.

тоа е затоа што на јавноста и е испран мозокот уште одамна да мисли дека партиската книшка на овие простори е библија, и покрај тоа што не е така... се форсира тоа системов да биде авторитаријански, затоа што тогаш народот е скептичен кон се и се верува дека политиката слепо се следи од страна на народот
а оригиналната поента на опозицијата е токму тоа да го поддржи незадоволството на народот, преку цивилизиран пат кој нема да предизвика револуција

мене на пример, ништо не ми менува дали протестов е официјално организиран од СДСМ, или дали во него учествуваат членови на партијата, ако ми е јасна неговата цел и поента... како прво, треба да е доволно да се искаже дека не се протестира против владата, туку против тестирањето, а тоа веќе го направија
и мислам дека нема човек што е доволно глуп да мисли дека луѓето таму, што се собрани в отолкав број, се против своја воља...
а колку што има перачи на мозок и полтрони за кои навистина книшката е библија и не почитуваат свој сопствен став, толку има и луѓе со свој став... прашање на време е само кој колку ќе биде упорен и кој повеќе ќе се исплаши

во контекст на муабетов ќе спомнам дека владата се обиде да ги намали или спречи протестите индиректно на секој можен начин, со заклучување на средните школи, приведување на луѓе кои го снимаат протестот и прекинување на телефонската и интернет мрежата... зошто да дадеме критика кон тоа како опозицијата учествувала во протестите, а не даваме критика за тоа како владата учествува во нив?

и за крај, најбитно е тоа дека проблемот не е во власта или опозицијата, проблемот е во тоа колку народот ќе може да разграничи што е добро, а што лошо за него, еднаш, барем малку, логички, без партии, националности и лични проблеми... еднаш да има малку свест
токму затоа и одбивам да учествувам на протести, иако вака од позади компјутер ги поддржувам нивните ставови... или кратко, ако народот не знае да распознае што е што и кој го манипулира, тогаш не заслужува протести и промени


Изменето од zabegan - 11.Декември.2014 во 03:34