Состојки:
За белиот дел:
50 мл слатка павлака
50 мл кондензирано млеко
120 гр бело чоколадо
75 гр маргарин
30 гр шеќер во прав
1 жолчка
120 гр мелени бисквити
50 гр сецкани лешници
За црниот дел:
200 гр млечно чоколадо
150 гр маргарин
100 гр шеќер во прав
1 јајце
200 гр мелени бисквити
Подготовка:

Кондензираното млеко и слатката павлака загрејте ги на тивок оган, па додадете го чоколадото да се растопи и оставете го да подолади.
Во сад за матење пенасто изматете го маргаринот со шеќерот во прав, па потоа додадете ја жолчката и повторно убаво изматете. Додајте ја и стопената смеса со чоколадо, па откако добро ќе изматите, вмешајте ги рачно мелените бисквити и додадете ги лешниците. Нека не ве плаши тоа што ќе добиете потечна смеса. Ставете го во фрижидер 1 час, тоа убаво ќе си се здрви.
Откако се стегнала белата смеса, извадете ја од фрижидер и врз мрсна хартија оформете ја во цилиндар со најмалку 30см должина, а ако сакате потенки парчиња, издолжете уште малку.

На пареа или во микробранова растопете го црното чоколадо.
Маргаринот и шеќерот пенасто измиксирајте ги. Додадете го јајцето и повторно миксирајте додека се фино не се спои, па додадете го растопеното и веќе подизладено чоколадо и уште еднаш убаво измиксирајте. Додадете ги на крај мелените бисквити и рачно измесете со рака или пак со потврда алатка за мешање.
Ставете ја и оваа смеса во фрижидер на 1 час. Потоа врз мрсна хартија истенчете ја во правоаголник со должина колку што сте го формирале белиот ваљак. Ставете ја белата смеса на почетокот и завиткајте/обложете ја со црната.
Оставете го ролатот неколку часа во фрижидер, убаво да се здрви.
Доколку немате кондензирано млеко, ставете вкупно 90 мл слатка павлака.
Доколку не сакате да користите свежи јајца, тогаш истретирајте ги предходно на пареа некои 10на мин, па измиксирајте ги со предвиденото количество шеќер и потоа откако ќе изладат измиксирајте ги со маргаринот.

Состојки:

• 7   Јајца
• 300 грама Бисквити
• 50 милилитри Млеко
• 250 грама Путер
• 30 милилитри Рум
• 100 грама Чоколадо
• 250 грама Шеќер
• 3 кесички Шлаг пена

Подготовка:

Путерот и шеќерот во прав пенесто се матат, се додаваат една по една жолка при што непрекинато се мати. На ова се додава стопена и оладена чоколада и уште се меша да се добие еднолична маса. Одделно се мати цврст снег од белките и внимателно постепено се додава во масата со чоколадата. Се става во фрижидер. Се мати шлаг-пената во која се додава две кесички ванилин шеќер.

Во четвртест сад се реди ред натопени бисквити во мешавина на млеко и рум, се премачкуваат со фил, а врз филот се премалкува слој шлаг-пена. Повторно се реди ред натопени во млеко и рум бисквити, фил и шлаг. Се реди така тортата додека да се заврши материјалот, но треба да се заврши со шлаг. Тортата се става во фрижидер добро да се олади и да се стегне.

Состојки:

• 1,2 л млеко
• 4 пакетчиња пудинг од ванила
• 2 пакетчиња ванилин шеќер
• 1 коцка маргарин
• 100 гр шеќер во прав
• 100 гр кокосово брашно
• 100 гр мелени бисквити
• 1 лажичка какао

Подготовка:

Прашокот за пудниг се приготвува според упатството на пакетчето, само овој пат 4 пудинга се варат во 1,2л млеко во кое претходно сме ставиле 2 пакетчиња ванилин шеќер. Готовиот пудинг се остава да се излади, додека се лади треба да се покрие со фолија за да не фати коричка.
Во меѓувреме коцката маргарин  (што стоела на собна температура за да омекне) се мати со 100 гр шеќер во прав. Изматениот маргарин се меша со изладениот пудинг. Таа смеса се дели на 2 дела – во едната половина се додава кокосовото брашно , а во другата половина се мешаат мелените бисквити и една лажичка какао.
Во калап по желба, (треба да биде мокар или намачкан со масло, за да не се залепи пудингот) наизменично се става слој од светлиот и слој од потемниот пудинг (фил).
Се чува на ладно место 2 часа, за да се стегне убаво и да добие форма. Кога ке се извади од калапот може да се украси со шлаг или да се посипе со кокос или чоколадни трошки. Се сече како парче торта или на коцки, како колач.

Состојки:
2 л млеко
6 пудинзи од ванила
1 филџан шеќер
1 маргарин
300 гр мелени бисквити
300 гр стопено чоколадо
300 гр мелени ореви
3 пакетчиња ресани
100 гр рендано чоколадо

Подготовка:

Млекото се вари со пудинзите и шеќерот и се остава да се излади.

Маргаринот се бие со миксер и лажица по лажица се додава во изладениот пудинг.

Филот убаво се бие додека да стане пенест и се дели на 3 исти дела.

Во првиот дел од филот се ставаат мелените бисквити, во вториот дел се става стопеното чоколадо (се топи на пареа со 2 до 3 лажици масло) и во третиот дел од филот се ставаат мелените ореви.

Во правоаголна тава се става фолија и над неа се става првиот дел од филот, убаво се мазни и над него се става вториот дел од филот. Потоа се редат ресаните по целата површина на тортата и на нив се става третиот дел од филот.

Одозгора се става ренданото чоколадо па тортата се става во фрижидер да се замрзне и се послужува другиот ден.

Состојки:

• 3 јајца
• 300 гр шеќер
• 1 кесичка ванилин шеќер
• 200 гр маргарин
• 300-350 гр мелени бисквити

глазура:

• 30 гр маргарин
• 100-150 гр чоколадо за готвење
• 1 лажица млеко

Подготовка:

Добро се матат јајцата со двата вида на шеќер. Се ставаат во тенџере на многу слаб оган или во поголемо тенџере со вода и со постојано мешање се варат околу 5 минути.
Маргаринот се дели на 10-ина коцки. Една по една се додаваат во топлата смеса од јајца. Додека едната коцка не се истопи во јајцата, не се додава друга.
Смесата постојано треба да се меша. Се остава така да се вари 20-ина минути.
Смесата, која треба да биде течна се трга од оган и во неа постепено се додаваат мелените бисквити. Која количина на бисквити е потребна зависи од видот на бисквитите. Смесата не треба да биде многу тврда.
Се остава смесата малку да се излади и да се стегне за да може да се обликува. Ако сакате да правите коцки, тогаш уште додека е топла смесата се сипува во сад подмачкан со масло  и се остава да се излади.
Ако сакате да правите триаголници, смесата се обликува со раце. Така обликуваната смеса се витка во фолија за храна и се остава да се излади 1 час. Потоа се прелива со глазура која се прави од стопено чоколадо во кое се додаваат малку маргарин  и една лажица млеко.
Се остава 2-3 часа на ладно да се стегне и глазурата и потоа се сече на парчиња дебели околу 1 цм.