ГАЛЕРИЈА: Протестот пред владата заврши со камења и навреди за полицијата и за политичарите

Со неколку фрлени камења кон полицајците, со скршено стакло на автобуската постојка во близина на владата, со извици „убијци, убијци“ и со погрдни зборови за премиерот Никола Груевски и за лидерот на ДУИ, Али Ахмети, пред половина час заврши протестот под мотото „Стоп на монтираните случаи“.

Во протестот нема повредени. Неколку илјади спонтано собрани учесници на протестот со албански знамиња бараа ослободување на уапсените за убиството кај Смиљковското езеро.

Со извици „Алах е еден, алах е голем“, „Полицајци – убијци“ и „Кој не ни се придружува е предавник“, групата од неколку илјади претежно млади протестанти, организирана на социјалната мрежа Фејсбук, скандираше дека Албанците се муслимани, но не се криминалци и терористи.

Протестот најпрво започна по петочната молитва во Јаја Паша џамијата, па продолжи кон Бит Пазар и зградите на судовите каде беше забележително големо присуство на полицијата. Оттаму тие се упатија кон владата, каде нивниот број се зголеми поради тоа што многумина и се придружуваа на групата додека таа се движеше.

Морам само да забележам .. жалосно и срамотно е што користеле деца за своите цели. На видеото пред малку видов малечко дете што го држи татко му за рака. Мислам дека тоа е веќе и злоупотреба на децата за сопствените цели!