Дали верувате во Митарства?

Јаков: 3:1 Не бидете, браќа мои, мнозина од вас учители, зашто знаеме дека ќе бидеме построго осудени за тоа.

Духовниците, пасторите, свештениците, проповедниците, теолозите, мораат да внимаваат да бидат добри примери и водачи, да поучуваат правилно бидејќи пред Бога тие ќе одговараат, строго ќе бидат судени доколку поведат души кон погрешен пат.

2 Петар: 2:1 А имаше и лажни пророци во народот, како што ќе има и меѓу вас лажни учители, кои тајно ќе внесуваат гибелни кривоверства и ќе Го одречуваат Господа, Кој ги откупил, навлечувајќи врз себе брза погибел.

А што се однесува до сексот:

Битие:
1:28 И Бог ги благослови и им рече Бог: „Плодете се и множете се и наполнете ја земјата, и потчинете ја! Владејте над рибите во морето и над птиците во воздухот и над сите живи суштества што лазат по земјата!”
9:1 Тогаш Бог ги благослови Ное и неговите синови и им рече: „Плодете се и множете се и наполнете ја земјата.

Појасно, здравје! А што се однесува за царините-ич да не му ја мислиш. Измислици се исто како и чистилиштето.

   

Месенџер, вистината (за христијанството) е само во Библијата! Не можеш да ја бараш во К*ранот, во Ведите, или во други книги и писанија! Не си христијанин ако не веруваш во Новиот Завет. Тоа се обидувам да кажам. Не можеш да го читаш К*ранот, да му се молиш на Буда, да одиш во пагода и да велиш дека си христијанин.

На крајот на краиштата затоа има православни, католици, протестанти, па и англиканска црква. Некои од нив се обидуваат да му додадат други работи на христијанството, освен оние што се во Словото, па затоа настанувале шизми и реформации.

Извини Messenger.

Сепак, не го гледам проблемот.
Јас само кажав дека има лажни учители, лажни духовници. Не реков дека тоа се било кои. Не кажев дали се православни, католици или муслимани. Секаде има црни овци. Зборував општо и без намера било кого да навредам или нападнам. Тоа беше само предупредување.

Тоа второто, го мислев во контекст на:
нема зашто да бидеш христијанка која верува во измислени работи, кои не се дел од Светото Писмо.

Јас како и сите други овде, само си го искажувам своето мислење, не го наметнувам. Кој сака нека им верува на моите зборови, а кој не сака не мора.

Ова го извадив од “Премин“

---

Vernichka : Отец, што се случува со душата после смртта? Дали митарствата се прифатени во Православната Црква или се само источна варијанта на западното чистилиште?

отец Игор Калпаковски :

Мудрите луѓе во Црквата се многу внимателни по прашањето на митарствата, и воопшто по прашањето на тоа што се случува со душата по смртта.

Зашто е факт дека учењето за митарствата е појавува подоцна во Црквата, раните отци не го знаат или слабо зборуваат за тоа.

Може да се каже со сигурност дека со смртта душата се одвојува од телото и дека привремено се прибира на некое "место" до општото воскресение, кога повторно ќе биде соединета со телото и ќе го прими конечниот суд.

Се' друго е засновано на поединечни сведоштва и добро е да се има внимателен пристап кон тоа.

Маран Ата и останатите, што мислите за овој став на о.Калпаковски?
Нели ви се чини како да има подвоеност по однос на ова меѓу самите свештеници?

maria_magdalena напиша: П.С. Дали да бидам послушна на духовникот значи да се сложувам со него дури и ако сметам дека она што ми го наложува е во спротивност со Светото Писмо?

Мариа Магдалена, многу ме изненадуваш со прашањево.
Како ќе го слушаш ако проповеда погрешни работи? Не треба таа послушност да биде по секоја цена! Ако си вистинска христијанка треба да му бидеш послушна на Бог, а не на "духовници" кои врска немаат од Словото. Нема потреба да прифаќаш небиблиски доктрини кои врска немаат со вистината!

Во Библијата сме предупредени за се чуваме од лажните учења и од лажните учители.

1 Јован: 4:1 Возљубени, не верувајте му на секој дух, туку испитувајте ги духовите - дали се од Бога, зашто многу лажни пророци излегоа во светот.

1Колосјаните: 15:1 Ви напомнувам, браќа, за Евангелието, кое ви го проповедав и кое вие го примивте и во кое стоите.

Галатите: 4:3 Така и ние, додека бевме малолетни, бевме заробени под првобитните учења на светот;
4:9 А сега, кога Го познавате Бога, или уште подобро: откако Бог ве позна вас - како можете пак да им се враќате на слабите и бедни елементарни учења, на кои сакате пак одново да им служите ропски

1 Тимотеј: 4:1 А Духот јасно вели дека во подоцнежните времиња некои ќе отстапат од верата и ќе слушаат измамливи духови и ѓаволски учења

Тит: 1:9 кој се држи цврсто за верното слово, согласно со науката, за да може и да опоменува во здравата наука и да ги изобличува оние кои се противат.
2:1 А ти говори за она што се сложува со здравата наука:

Лука: 20:46 ”Чувајте се од книжниците, кои сакаат да одат во долги облеки, на кои им се мили: поздравите на јавни места; првите места во синагогите и челните места на гозбите!”

Матеј: 16:6 Исус им рече: „Внимавајте и чувајте се од фарисејскиот и садукејскиот квас!”

2 Коринќаните: 11:13 Зашто таквите луѓе се лажни апостоли, измамливи работници кои се преправаат во Христови апостоли.

Држи го својот ум во пеколот и не очајувај... само така човек може да се спаси.

Сите сме грешни и правиме постојано нови и нови гревови, но Господ е милостив и ни го дал покајанието, а со тоа и исповедта. Со искрено покајување и исповедање на гревовите, и цврста решеност повеќе да не ги повторуваме истите гревови (иако тоа не се постигнува преку ноќ, но битна е добрата намера на која гледа Господ), како и со послушание, имаме надеж за спасение. Сепак, нашата цел не треба да биде да се спасиме, туку да бидеме со Господ, т.е. да Го стекнеме Светиот Дух во нашето срце.

Често пати нашиот живот изгледа тежок (кажувам од искуство), но кога ќе го споредиме со животот на некои луѓе кои немаат ниту покрив ниту храна, сфаќаме колку се самосожалуваме... Господ ни дал се’ што ни треба, а ние роптаме дека тешко ни е, мака ни е, а не се обѕираме околу себе

Тоа е од световна перспектива, а замисли го од Христова. Раните Христијани постојано живееле во молитва, пост, воздржување, само за Бога, во заедница еден со друг, се’ делеле, умирале за Христа, телата им биле стругани, ноктите корнети, рацете сечени, биле горени, сечени дел по дел... дали ние денеска заслужуваме и да се наречеме Христијани со сиот тој комфор кој го имаме околу себе, а пак сме незадоволни? Имаме се’, а бараме уште... ненаситни очи, незадоволително срце... И кога еднаш ќе го снема и тоа што го имаме... или очај или покајание, зависи кој колку е духовно пораснат.

Тешки ни се таквите учења затоа што мака ни е да се подвизуваме. А Светото Писмо убаво не’ предупредува - Царството Небесно со мака се стекнува и само силните го грабаат, тесни се вратите кон него, и кога праведникот едвај се спасува, што останува за оние кои се грешници и беззаконици? Сакаме Царството Небесно да го стекнеме седејќи пред компјутер и само умувајќи со својот помрачен ум. Но слава Му на Бога, имало луѓе, кои како нас, биле грешни, но Го возљубиле нашиот Господ со сето свое срце, сета своја душа и сиот свој разум, та од љубов кон Него, се подвизувале, ги подале своите тела како жртва благоухана, и ја достигнале полната мера на Христовата возраст, се труделе на дело да ја исполнуваат заповедта да бидат совршени.

Токму таквите луѓе кои го поминале тој пат кој ние не сме ни го почнале, оставиле зад себе трага за идните генерации да имаат утеха дека тоа што го постигнале предците, можат и тие т.е. ние, само треба волја и труд, а пред се’, љубов.

Очајот не помага во никој случај, затоа што сакале-нејќеле, ние грешниците ќе си поминеме низ митарствата (со исклучоци - она што го вели отец Игор - да не ги догматизираме митарствата), а во исто време, очајот претставува и отсуство на вера и љубов кон Бога, затоа што сме се надевале на нашите сопствени сили, наместо на Божјата помош.

Со оглед на тоа што имаме падната природа и помрачен ум (Адам пред да згрешил имал просветлен ум, Го гледал Бога со своите духовни очи, но со паѓањето во грев тоа се поматило, и таквата состојба ја пренел и на нас), тешко можеме да распознаеме што е Божјо, а што ѓаволско, затоа треба да се читаат Светите Отци кои откриваат како се’ не се претставува ѓаволот, како напаѓа и од лево, и од десно, и од горе, и од долу, и од напред, и од назад...

Поради нашиот помрачен ум, имаме потреба и од искусен духовник кој ќе не’ води по патот на духовниот животот сигурно и укрепувачки. Дали нешто е во согласност со Светото Писмо, треба да се провери според тоа како го толкуваат оние кои се со просветлен ум т.е. светите отци, а не да се поведуваме по своите мудрувања и филоЗофии.

Се надевам дека ќе ме разбереш што сакам да кажам

п.с. ќе се потрудам да го најдам тоа за Богородица.