КОЈ САКА ДА БИДЕ МУСЛИМАН?

 

Ajde ke ti kazham i tebe... Voopshto ne me interesira koj vo sto veruva, no me interesira, kako moderator na forumov, site da se odnesuvaat korektno i so dolzhen respekt eden kon drug, bez obzir dali se slozhuvaat so svoite ubeduvanja ili ne. Ne mi se dopagja koga vernici smetaat deka nivnata vera e posuperiorna od drugite i nastapuvaat od pozicija na nekakvi religijski patrioti i vojnici ili braniteli na Bozhjata volja, nebare se promovirani vo takva uloga lichno od Svevishniot. Tokmu takvata umisla gi pravi lugjeto da bidat arogantni, netolerantni, so zatvorena svest i um koi beskrajnite teoloshki lavirinti gi gledaat kako mudrost i prosvetluvanje. 

 

Togash reagiram so komentari, repliki i sankcioniranja bidejki seto toa mozhe da bide bilo sto, no ne i religija.

Еве какви интелекти го посакуваат тоа

 

Од љубов ја сменив верата

Кралот на ромската музика, Ферус Мустафов (58) пред десетина дена тајно се ожени со скопјанката Јелена Зафировска (25), со која е шест години. Јелена, пак, заради љубовта кон Ферус од православна христијанка стана муслиманка, па место Јелена сега се вика Елис. Венчавањето на Ферус и, сега веќе Елис, се одвивало во џамија во Штип. За церемонијата знаеле уште тројца роднини на Ферус кои биле сведоци и оџата.

-Венчавањето се случи непланирано иако сме заедно толку време. Бевме во Штип и сосема случајно среде седенка паднавме на муабет на темата брак, станавме отидовме во џамијата и се венчавме. Среќен сум, јас сум секогаш среќен штом сум крај жени. Но, нормално е дека Елис ми значи штом сум со неа толку време, вели младоженецот Ферус.

Среќна што станала госпоѓа Ферус е и младата невеста иако, како што вели, не морало да се венчаат.

- Мене документот ништо не ми значи. А бил а не бил. Знам дека ако има слога ќе има се. Ферус се изненади од мојата одлука да се прекрстам. Но, и тоа се случи така ненадејно. На сестра му на Ферус тешко и беше да го изговара моето име и ми викаше Елис. Кога отидовме во џамијата и кога оџата ме праша како се викам, јас му кажав дека имам желба да го сменам името, и го сменив, вели Елис.

Младенците, кои моментно живеат во мотелот на Мустафов "Ферус кинг" на излезот од Скопје, не сакаат да прават свадба. Велат дека такво нешто не им е потребно оти парите им треба за новиот дом во населбата Ченто, кој наскоро ќе почнат да го градат. Сега засега не планираат да одат ниту на меден месец, зашто невестата Енис откако ја смени верата од завчера ги почна и рамазанските пости.

-Сакам да постам. Јадам само доцна попладне и рано наутро. Бидејки во текот на денот не смее да се пие ниту вода гледам повеќе да спијам и одмарам. Затоа, кога ќе завршат постите би сакала со Ферус да се прошетаме до Турција. Но, на крајот и тоа не е важно, важно е што сме заедно, што моите ме поддржуваат, доаѓаат кај мене, јас одам кај нив и се е во ред. Иако на татко ми не му беше баш право што се прекрстив, но тоа е тоа, вели Елис.

Ферус, пак, вели дека не сака да пости а и не може.

-Мојата работа е таква што не можам плански да јадам туку кога можам. А освен тоа и не можам ја да седам гладен. Кога ми се јаде јадам, независно колку часот е, вели тој.

Бракот со Елис е втор брак на кралот на ромската музика. Тој 35 години беше во брак со Лиле, која по разводот се пресели во родната Струмица. Ферус и Лиле ги имаат синот Илми и ќерката Џана. Ферус е веќе дедо на внуците Ферус и Лиле од синот Илми, а наскоро по трет пат ќе стане дедо, оти ќе добие внуче од ќерка му Џана.

И Ферус и Елис минатата година кога јавно проговорија за нивната врска велеа дека причина за распадот на бракот не е новата љубов на Ферус.

-Да не беше таа ќе беше некоја друга. Не е ниту љубомората на Лиле. Која жена не е љубоморна? Јас и Лиле веќе долго време не се согласуваме. Уште пред 20 години и реков да биде жена како што треба за да не се оставаме под старост. Така и бидна, како да сум знаел што ќе се случи, изјави Ферус за "Вест" минатата година.

Јелена, односно Елис и лани велеше дека не сакала Ферус да се разведе и не и е важно дали ќе се земат.

-Другарките ми завидуваа. Ми велат- ех да сум на твое место. Блазе си ти. Ама после се јас не се радувам. Навистина ми е жал, сепак, 35 години брак не е малку. Го сакам Ферус и не ми е важно дали ќе се венчаме , само да бидеме заедно, велеше Елис.