Научни вести

 

Затоа тоа е нова теорија.

 

Освен ако ти си еден од теа научници и не си го кажал на нас ,а си ја чуваш новината. 

 

 

На оската не и чуе
Тврдењата на НАСА дека земјотресот во Чиле бил толку силен што успеал да ја помести Земјината оска и да го скрати денот, се комплетно апсурдни и без никаква научна основа, се огласија германските научници.

Неколку дена по потресот со јачина од 8,8 степени, геофизичарите од американската вселенска агенција објавија дека како резултат на катастрофата сега денот е пократок за 1,26 микросекунди а оската на Земјата е поместена за цели 8 сантиметри.

Спротивно на ова тврдење, професор Рајнер Кинд од Германскиот истражувачки центар за геонауки објаснува дека промените на оската предизвикани од земјотрес би биле толку мали, што не би можеле ни да се измерат. Затоа е невозможно тие воопшто да се откријат.

“Кога ја прочитав веста се фатив за глава. Со тоа тврдење НАСА може само да ги полни насловните страни. Бројката од 8 сантиметри е апсолутно непроверлива”, со иста доза на сомнеж е и проф. Карл-Хајнс Гласмаер од Германската геофизичка асоцијација.

Ова го потврдува и доктор Моџиб Латиф од институтот Лајбниц, кој вели дека влијанието на еден земјотрес врз накосеноста на Земјата во секој случај би било многу слабо.

“Небесните тела околу нас се најмногу одговорни за накосеноста на планетава. Гравитацијата на големите планети ја одредува стрмнината на Земјината оска. Тоа не може да го промени земјотрес, дури и кога е толку силен како оној во Чиле”, изјавил за Билд, др. Латиф.