ВИЗЕН РЕЖИМ - либерализација и укинување

Повеќе стотици Скопјани во понеделник се собраа пред Собранието на Македонија за да го изразат своето задоволство од одлуката на Брисел за укинување на визите.

Меѓу насобраните попладнето лично се појави и премиерот Никола Груевски, придружуван речиси од целата влада.

Премиерот беше бурно дочекан од присутните кои скандираа “Никола, Никола“ и “Да живее РМ’.

“Завршивме одлична работа. Вака ќе продолжиме и во иднина“, рече Груевски.

Граѓаните со автомобили од кои се вееја знамето на ЕУ и на Македонија, се движат по улиците околу Собранието, додека останатите во пешачки колони се собираат во близина на законодавниот дом.

Целосно е блокиран центарот на градот откако започна собирањето на граѓаните во знак на поддршка за укинувањето на визниот режим.

Во моментов повеќе стотици луѓе се собрани на плоштадот Пела од каде што се очекува да се упатат кон плоштадот Македонија. /крај/ст