Џентлмените - загрозен вид?

џентлменството е само измислица на општеството, во времиња кога на жените им биле забранети милион работи и биле третирани како да постојат за одредени цели, што е навистина апсурдно... кратко кажано, дамите не смеат да гласаат, ама затоа имаат право на предност во сите ситуации во кој е вмешан и маж....
и бесцелно е да кажеш во денешно време, кога жената е способна за многу работи, дека и е потребен некој да и извршува толку банални работи како отворање на врата на пример, и дека во време на потполна општествена еднаквост, дека имаат некаква предност во нешто

да не ме разберете погрешно, не сум кретен и си ги следам џентлменските „кодекси“ чисто врежано, инстинктивно, ама кога ќе размислиш филозовски, сето тоа никогаш немало никаква логика или поента

битно е секогаш да се има разбирање и поддршка, ако му судиме на некој според тоа дали е џентлмен или дама, кај ќе ни биде крајот

А тоа мене ми личи на само прогласување....Мора пво некој да посведочи

Штом вака воскреснуваат џентламените...Поарно да изумрат

Или накусо речено, за некој да биде џентлмен, треба некоја да биде мадам.

Џентлмени - загрозен вид во изумирање ( размислување дадено од женска страна )

Последен пат кога видов совршен џентлмен беше пред неколку години во филм, и тоа нему му било платено да глуми, а Бог знае каков е во реалноста. Имам прашање: Каде се џентлмените? Се кријат негде, зафатени се или се во мнооогу мал број? Поточно, јас би рекла дека се толку ретки, речиси во истребување. Зарем никој повеќе не отвора врата од кола, не помага во носењето на тешките ќеси, каде се оние кои им даваат предност на припадничките на „понежниот“ пол?

Вистина е дека модерните жени се залагаат за еднаквост меѓу половите, но да разграничиме омаловажување од добронамерни џентлменски гестови. Моето его нема да биде повредено ако некој ми отвори врата и ми дозволи да влезам прва. Тоа не го прави бидејќи јас не сум способна да си ја отворам вратата, туку тоа е знак на внимание. Како што ние можеме да бидеме женствени, вие истакнете ја машкоста!

Ми недостигаат сите оние ситници кои одат во „пакет“ на совршениот џентлмен, не сакам да го гледам само на филм. Некогаш дури ми се јавува желба да можам да се вратам во времето, да си живеам во Англија во 19 век, и да уживам во друштво на прав џентлмен. Чудно, во денешно време, оној кој изгледа како џентлмен го прави тоа со некоја „задна“ намера и некаква цел.

Па не мора да имаш никаква, ајде да речеме, корист од девојката или жената на која ù помагаш. Можеш едноставно да го направиш тоа добронамерно, ама како што тргнале работите, новиве генерации зборот „џентлмен“ ќе го пребаруваат во речник. Зошто мажите знаат да бидат џентлмени само на првиот состанок и на наредните неколку (некои дури ни тогаш). Секоја чест на исклучоците! На оние кои знаат дека не си „папучар“ ако си вистински џентлмен кон својата девојка, мајка, пријателка…

Зошто да не ù дозволиш на жената да влезе пред тебе во автобусот, или да ù отстапиш седиште, што ќе ти се случи? Или можеш да ù помогнеш на старата женичка која се витка носејќи ги ќесите. Тоа веќе се граничи со нивото на култура, кое во нашето општество е многу ниско. Не сакам да бидам една од оние мрчаторски настроени луѓе, не мислам дека сè тргнало „по ѓаволите“, ама со недостигот на џентлмени не можам да се помирам!

Кога последен пат јас и Ена буквално се влечевме по улица носејќи го тешкиот багаж, помина група момчиња и само нè одминаа. Паметам кога пред извесно време излегов на состанок и типов ко од пушка порача прв. Добро, си кажа човекот, ама олабави малку, никој не ти го зема пијалокот, ќе се најадеш и ќе се напиеш, наспроти тебе седи дама. Па свесни сте колку плус поени добивате со џентлменски гестови? Оние кои се свесни, само го злоупотребуваат тоа и ништо повеќе, џентлменското кај нив не трае долго.

ОК значи, официјално распишуваме оглас за џентлмени:

Се бараат вистинските џентлмени, оние ретките останати, со добри намери, силен карактер, желба за помош и оние кои поседуваат сè што содржи „џентлменскиот пакет“. Јавете се, не се кријте, слободно излезете по улиците, зашто сте толку ретки, што за нас дамите претставувате вистинска премија!

Schatzii7 напиша: Не зборувајте многу вулгарно Жените се позборливи од мажите, тоа не е никаква новост. Немојте да се натпреварувате во оваа категорија со неа, туку џентлменски слушајте ја, дури и ако тоа ви е напорно. Кога ќе дојдете до збор...,

И кога ќе дојдете до збор, пак ќе ви го земат




Изменето од Анастеа - 30.Април.2012 во 00:41

Жените "паѓаат" на убави манири

Однесувањето во согласност со бонтонот може да биде важен клуч за успех во заведувањето бидејќи речиси секоја жена сака да биде третирана како принцеза.

Мажите бунтовници можеби ги интригираат повеќето жени, но тие почесто даваат предност на џентлмените и повеќе ги ценат, покажува една италијанска студија.

Претставниците на посилниот пол кои имаат фини манири и почитување кон спротивниот пол, побрзо ќе го најдат патот до женското срце.

Однесувањето во согласност со бонтонот може да биде важен клуч за успех во заведувањето бидејќи речиси секоја жена сака да биде третирана како принцеза, да и ја придржуваат вратата, капутот или мантилот, да и отстапуваат место, да и го наместат столот, сипаат пијалок во ресторан...

Освен тие вообичаени "ситници", постојат уште многу правила за добро однесување кое не ги остава рамнодушни претставничките на поубавиот пол, пишува "Novosti".

Претставете ја

Жената во ваше друштво секогаш претставувајте ја на познатите личности кои ги среќавате на улица, во кафуле, ресторан, без разлика дали ви се пријатели, роднини, колеги од работа или бившата девојка. Во спротивно, таа сигурно ќе се навреди.

Заборавете на мобилните

Додека сте со жена која сакате да ја импресионирате, избегнувајте премногу да се користите со мобилниот телефон, разговорите максимално скратете ги, немојте да дозволите таа да се досадува додека вие опуштено зборувате како да сте сами.

Немојте да праќате СМС пораки, а тој кој ви ги испраќа известете го дека не сте во можност да се допишувате.

Добро би било и да го исклучите телефонот, за повиците да не ве вознемируваат и да не го прекинуваат вашиот разговор и мисли.

Понудете и ја јакната или чадорот

Доколку е ладно или врне дожд, а вие сте подобро опремени за такво време од неа, ќе изгледате крајно бесчувствително ако не и ја понудите јакната или чадорот. Во случај ако таа категорично одбива, тогаш немојте да инсистирате.

Не зборувајте многу вулгарно

Жените се позборливи од мажите, тоа не е никаква новост. Немојте да се натпреварувате во оваа категорија со неа, туку џентлменски слушајте ја, дури и ако тоа ви е напорно.

Кога ќе дојдете до збор, обидете се да не користите "улични жаргони" и вулгарности бидејќи тоа не одговара на еден возрасен и зрел маж, а пцовките избегнувајте ги бидејќи се одлика на непочитување.

Испратете ја до дома

Без оглед на тоа во каков статус сте со дотичната девојка, дали ја заведувате или ви е колешка и другарка, испратете ја до дома, работа или станица и почекајте да и стигне превозот.

Кога брзате и не сте во прилика да го направите тоа, извинете се што не можете да ја испратите за да и дадете до знаење дека сте ја имале таа намера.