Тинејџери

Не очекувајте го невозможното

Децата по природа се нестрпливи и не умеат да чекаат. Во текот на патувањето немојте да им кажувате колку уште ќе седат во автомобилот, во возот или во авионот. За нив единствено „веднаш“ се смета за реално време.

Темпирајте го времето на поаѓање

Терминот за поаѓање усогласете го со времето кога вашето дете спие. Не тргнувајте на пат кога детето е уморно или нерасположено. Идеално време да го напуштите домот е еден час пред вообичаената попладневна дремка или пред ноќниот сон.

Тргни - застани

За време на патувањето правете кратки паузи, со што ќе се продолжи времето на патувањето, но сигурно сите ќе бидат среќни. Малку ќе здивнете, ќе ставите гориво, ќе отидете до тоалетот.

За зборлестите
Храната е најдобар сопатник затоа понесете двојно повеќе грисини од количината која мислите дека е потребна. Избирајте внимателно и избегнувајте премногу солени грисини, бидејќи децата веднаш ќе бидат жедни, ќе бараат сок, а потоа и тоалет. Затоа нудете им бисквити, банани или бонбони.

Растојание меѓу најмладите патници

За да не се претвори во ринг задното седиште поделете го со ќебе за да има одвоено простор за секое дете и определете посебна ќеса за нивните играчки.

Забава со играчки

Понесете доволно играчки, но подгответе и освежување. Најдете разни фустанчиња, додатоци за кукли, автомобилчиња, карти или коцки. Така, кога ќе им попушти концентрацијата ќе имате ас во ракавот.

Резервна облека е задолжи-телна
Облеката мора да биде комотна и удобна. Ако патувате со бебе, ногавиците мора да бидат пошироки за да можете полесно да дојдете до пелените.
Во мал ранец спакувајте облека за преоблекување, влажни марамчиња и пелени.

Вооружете се со видеоигри
Рачни игри, портабл-дивиди, мп3- плеери, во игра е се што ќе го одземе вниманието на вашите деца.
Иако не сте поборник на техниката, сепак, во тешките мигови на патувањето пуштете го нивниот омилен цртан филм.
Не заборавајте да понесете најголемо пакување со батерии.