Софи Караќаева

многу е фештачка воопшто не е мој тип

Што мислите за женава???
Ај да не ве држам вака,еве ви еден текст,станете поучени


Непозната дама распродава цели тиражи

Џетсетерка можеби не е најправилната дефиниција за Софија Караќаева, дамата чие име токму со таков предзнак неколку месеци циркулира во јавниот живот. Стана позната откако преку емисиите на А1 (особено преку „Фаци“), а и во списанието „Крема“ беше претставена како жена која ве остава без здив, со шарм, стил и убавина, една ретко негувана Македонка. Два пати, колку што досега се појави на насловната на ова списание, целиот тираж пламна многу брзо. Пријатно е изненадена од ова што и се случува и смета дека нејзина шанса е тоа што публиката секогаш сака нови лица.
- Мојот пробив во јавната сфера се случи неочекувано. Гостував во некои емисии за убавина, најчесто заради силиконите што ги ставив на носот и усните. Во почетокот новинарите се осврнуваа само на мојата убавина, но со тек на време работите си дојдоа на свое место и сега под лупа е и мојот стил на живот. Ова не е Америка и себеси не се гледам како џетсетерка, повеќе како жена која сака убави нешта. Сметам дека душата е најважна од се. Многу набрзо ќе се појавам и во едно сосема природно издание. Со Зоран Василевски ќе подготвуваме циклус емисии на А1 „Живот на село“, во кој ќе снимаме на трактор, во трло со овци, меѓу луѓе кои нижат тутун - најавува Софија.
Откако по втор пат беше објавена на насловна на „Крема“ интересот за неа е многу поголем. На профилот на Фејсбук, каде што веќе ја исполнила квотата и има 5.000 пријатели, доби уште 700 нови покани за пријателства. Во нејзиното сандаче за електронска пошта фрчат комплименти од типот „Ти си како италијанска кукла“, „Вауу женава е гром“, а неодамна на нејзиното ново бело „пежо 308 кабрио“ нашла оставено ливче со комплименти и цвеќиња.
Самата нагласува дека сака да комуницира со публиката без да се создава лажна слика и лажна фама за неа.
- Во овие тешки времиња навистина е привилегија да имаш убав автомобил, да бидеш дотерана, да живееш во луксуз. Јас сето тоа го поседувам. Но јас пред тоа би го истакнала што јас сум спокојна, умерена и почитувана личност, сакана сопруга и мајка. Со Перо дишеме како еден. Нашата љубов трае 11 години. Го запознав случајно, спонтано, „не сакајќи“, но да поминете само пет минути во наше друштво ќе ја почувствувате енергијата и флуидот што кружи меѓу нас. Велат убав сопруг е убав одредено време, а добриот е убав засекогаш. Меѓу двете јас го избрав ова второто, и поубавото. Пред неколку години се преселивме од Гевгелија во Скопје, ја отворивме кафеаната „Мрзенци“. Со нас живее мојот син од првиот брак Димитар, мојот „живот“, чие име неодамна го истетовирав на десната рака. Имам и одлични релации со децата од првиот брак на Перо. Семејната среќа и хармонија ми е пресликува на ликот, тука лежи целата магија, констатира таа.
Телесната форма ја одржува секојдневно со трчање покрај Вардар, некогаш дури по осум километри, заедно со личен тренер. Не пие, не пуши, не пие дури ни кафе, поборник е за здрав живот.
На коментарите дека е еден вид „македонската Парис Хилтон“ одговара дека е само среќна и исполнета жена, со чувство за естетика и уметнички дух, која слободното време го исполнува со цртање, сликање, изработка на накит од скапоцени и полускапоцени камења. Поседува и бутик во Гевгелија. Ги сака нештата кои се неодоливи и може да испровоцираат, но до одредена граница, а не со претерување. Вели, во иднина би се сликала во некое пооткриено издание, доколку некогаш добие добар мотив за тоа.