Претседателот Ѓорге Иванов

За срцата на Иванов

• Иванов не смее да си дозволи македонското општество да го конфронтира со општествените структури во Турција со кои споделуваме иста визија за држава основана на приципите на демократијата и секуларно
• Нобеловецот Орхан Памук и добар дел од турката елита која ги подржа протестите не се платеници на странски служби
• Демократскиот свет го осуди начинот на кој Ердоган ги злоупотреби полцијата и медиумите

За срцата на Иванов

Претседателот Ѓорѓе Иванов очигледно влегува во фаза на чувствителност на неполна години пред новите претседателски избори. Раздавањето срца на една и навреди на друга страна кај пријателска земја каква што е Турција, а во име на цела нација, тешко е поинаку да се разбере освен во контесктот на таа негова поизразена сензитивност. 

Да изразува поддршка на Владата на турскиот премиер Ердоган како претседател во име на нацијата, со онака недипломатска реторика е во најмала рака невкусно. Тоа е навреда за добар дел од припадниците и симпатизери на полтичките елити во Турција од секуларна провиниенција кои беа на чело на таа држава во 1991 кога ја признаа Македонија и го испратија првиот странски амбасадор во нашата држава. Иванов не смее да си дозволи македонското општество да го конфронтира со општествените структури во Турција со кои, ако нешто во меѓувреме не се изменило кај нас, споделуваме иста визија за држава основана на приципите на демократијата и секуларноста. 

Иванов не сме да не знае дека стотиците илјади граѓани, меѓу кои добар дел истакнати професори, интелектуалци, лекари, уметници излегоа или ги подржаа тие протести поради револтот од се поексплицитните обиди на Ердоган да ја оспори секуларната основа на која е поставена модерна Турција од Кемал Ататурк. Да им влепите в лице на тие луѓе дека работат за странски служби е повторно ,благо речено, непристојно.
Конечно, ако Иванов решил да се конфронтира со голем дел од турската јавност нема потреба да прави нови конфронтации со демократските принципи. Тие доволно ни се случуваат дома поради што веќе стекнавме имиџ на држава со авоторитарни атрибути. 

Имено, речиси цел демократски свет без да завземе страна дали се демонстрантите во право или не, го осуди начинот на кој Ердоган реши да се справува со нив, злоупоребувајќи ја полицијата и медиумите. 

Во Турција не излегоа стотици илјади луѓе на улици со поддршка од силни авторитети меѓу кои се вброи и нобеловецот Орхан Памук ,затоаа што, како што вели Иванов, се замешани во операции на некакви си странски служби, освен ако претседателот Иванов нема некои инсајдерски инфрмации дека Памук и луѓе од негов ков и калибар не се на платен список на ЦИА, Сорос и други “непријатели” .

Дел од турското општество на чие чело е големо мнозинство од интелктуалната елита му се спротистави на Ердоган за да му стави на знаење дека демократијата и освоените избори не значат дека со државата може да прави што сака и кога сака. Демократијата поздразбира макотрпно работење за да се избалансираат и задоволаат интересите на различните општествени структури и интереси без разлика на нивната политичка и партиска провиниенција. Ова го пишува во сите учебници на кои Иванов другата години може ќе треба да им се врати како професор на правниот факултет.

Можеби Иванов се преплаши од помислата што би можело да стори граѓанство со високо развиена демократска свест ако се обидете да му менуватае личен опис и идентитет на градот како што тоа се случи кај нас. Но, ете, за негова среќа бројноста на македонската интелигенција и граѓанство е далеку од онаа на турската која во случајов реши да не калкулира со вработувањато на внукот,синот,тетката или братучедот во некоја државна инстуитуција.

*преземено од медиум...

Папуљас: Со Иванов разменивме само неколку збо

За средбата меѓу двајцата претседатели, немаше официјално соопштение, а грчките медиуми го објавија текстот од дописникот од Скопје на грчката новинска агенција АПЕ.

Во одговор на едно од писмата на Иванов, грчкиот претседател има потенцирано дека најпрвин е потребно да има решение на прашањето за името, а дури потоа би дошол кај нас на средба со неговиот македонски колега.

Фијаско на претседателскиот самит

Прет­се­да­тел­ски­от самит, во организација на шефот на државата Ѓорге Иванов, се от­ка­жа. Средбата на шефови на држави и влади на земјите-учеснички во Процесот за со­ра­бот­ка во Југоисточна Европа, закажана за петок, Иванов ја откажал поради "др­жа­вен интерес и достоинство на Македонија".

"Ста­ри­те балкански предрасуди и комплекси пак заживеаја во пресрет на самитот. Не­ма да дозволам тие да се кршат преку наш грб и да се поткусуруваат интересите на балканските земји, а цената да ја плаќаме ние. Земјава не сака да биде наб­љу­ду­вач , уште помалку учесник во игрите со вета или во игрите со бојкоти", објасни Ива­нов. 
На самитот, прв најави недоаѓање грчкиот претседател Каролос Папуљас, за да от­ка­же по него и бугарскиот шеф на државата Росен Плевнелиев. 
Зав­че­ра учеството го откажа и претседателот на Албанија Бујар Нишани, со об­јас­ну­ва­ње дека непоканувањето на претседателката на Косово Атифета Јахјага да учес­тву­ва на самитот е причина за неговото недоаѓање во Охрид и во Струга. 
Спо­ред Нишани, ваквиот потег на Иванов бил под притисок на Србија, што подоцна го де­ман­ти­ра­ше српскиот потпретседател на Владата Александар Вучиќ, со изјава дека "тоа е лична одлука на Македонија, а можеби придонеле и барања од некои други зем­ји". 
Ива­нов непоканувањето на Јахјага го објаснуваше со фактот што Косово сe уште не е член­ка на иницијативата. 
(А.Ст.)