Кабинетот на Иванов со ексдипломати и професори

Заедно со инаугурацијата на новиот шеф на државата, Ѓорге Иванов, вчера беше обелоденет и новиот претседателски кабинет. М-р Дарко Ангелов е генерален секретар на идниот кабинет на новиот претседател Ѓорге Иванов. Во составот на кабинетот на шефот на државата за советници се именувани Љубен Арнаудовски, Љуљета Ќуфлиу, м-р Љубен Тевдовски, поранешните амбасадори Јордан Плевнеш и Ристо Никовски, како и професорите Димитар Мирчев и Светомир Шкариќ.

Во својата биографија Ангелов има запишано дека повеќе години има работено за Советот на Европа како советник за соработка со Руската Федерација, како и со земјите на Југоисточна Европа. Претходно има работено како аналитичар за политички прашања на ОБСЕ, а има соработувано и со македонската Влада во областа на односи со странски медиуми и јавна дипломатија.

Љуљета Ќуфлиу, која во кабинетот на Иванов влегува како предлог на ДУИ, својата кариера ја започнала во Редакцијата за култура на Втората програма на Радио Скопје, како и во Редакцијата за култура на весникот „Флака“. Дипломатското искуство вели дека го стекнала работејќи долги години со странски дипломати и во Набљудувачката мисија на ОБСЕ.

М-р Љубен Тевдовски има екстензивно портфолио во областа на меѓународните односи, со над 12-годишно искуство со повеќе владини и образовни институции, како и со невладини организации. Тој е аналитичар и колумнист на повеќе национални и регионални информативни изданија, автор во стручни едиции, прирачници, консултант и надворешен советник на повеќе агенции.

Поранешниот амбасадор Јордан Плевнеш има работено во Институтот за македонска литература на Филолошкиот факултет, а предавал креативно пишување на повеќе европски и американски универзитети. Автор е на повеќе книги и актуелен потпретседател на Интернационалната асоцијација на УНЕСКО за дијалог меѓу цивилизациите.

Професорот Димитар Мирчев е основач и претседател на Европското движење во Македонија, амбасадор на мирот на Универзалната светска федерација за мир и член на Глобалниот светски совет за мир. Има објавено над 180 написи, книги, статии и монографии од областа на политологијата, политичката социологија и надворешната политика.

Советник на Иванов ќе биде и професорот по уставно право, Светомир Шкариќ. Автор е на повеќе книги, од кои поголем број се за уставното право, а има објавено и статии за политичкиот систем и мировните студии. Член е на Европскиот комитет за соработка во Советот на Европа, беше директор на Институтот за социолошки и политичко-правни истражувања и член на собраниската Комисија за уставни прашања од 1986 до 2001 година.

Ексамбасадорот Ристо Никовски ја започна својата дипломатска кариера како трет секретар во амбасадата во Кина, потоа беше прв секретар во амбасадата во Куба. Од 1994 до 1997 година ја врши функцијата амбасадор во Велика Британија, Ирска и Исланд, а од 1998 до 2002 во Албанија. Од 2004 до 2006 е амбасадор во Руската Федерација, по што заминува во пензија.

За Љубен Арнаудовски нема податоци.

Со официјалното преземање на должноста шеф на државата на Иванов, вчера беше отворена и новата Интернет-страница на претседателот на државата - www.president.gov.mk. (Св.У.)

 Многу смешно, да не речам дури жално...!!! 

Но времето ќе покаже и докаже кој е  Ѓорѓе Иванов...!!! 

Soprugata na predsedatelov nash Maja i mene mi se dopagja...mnogu e skromna a vo isto vreme jaka, intelegentna, prirodno ubava, mila i sposobna zhena.

nikogas ne veli nikogas .... kje vidis sto kje se sluci samo ako mu se ukaze prilika na " programiranion " da otvori usta  ..... kje bideme poznati vo svetski razmeri .... pokraj slave makedonski , kje imame uste edna senzacija ...... FIKUS koj zboruva

http://vesti.alfatv.com.mk/default.aspx?mId=-1&egId=1&eventId=8232 -