Едвај чекавме да дојде сезоната на костените за да можеме да уживаме во разните десерти што можат да се направат со помош на оваа омилена есенска храна. Денес ви споделуваме еденр ецепт за вкусна и кремаста торта!

Потребни состојки:

За бисквитот:

• 4 јајца
• 100 г путер
• 200 г брашно
• 100 г шеќер
• 2 лажици како
• 2 лажички прашок за пециво

За кремот:

• 300 г пире од костени
• 4 лажици рум
• 350 милилитри слатка павлака
• 6 пакетчиња желатин

Начин на подготовка:

1. Подгответе тава за торта, ставете малку путер и брашно.
2. Одделете ги жолчките од белките. Белките разбијте ги за да добиете шлаг, а потоа матете ги жолчките со шеќерот додека не добиете светла смеса. Потоа додајте го растопениот путер и матете. Во брашното ставете го какаото и прашокот за пециво и мешајте.
3. Потоа додајте ја смесата од жолчки и шлагот од белките во брашното. Промешајте за да се соединат, а потоа печете ја смесата на 180 целзиусови степени.
4. Бисквитот е подготвен за кремот кога долната страна на калапот е ладна на допир. Потоа започнете со подготовка на кремот. Потопете го желатинот во ладна вода во согласност со упатствата на пакувањето. Измешајте го пирето од костени и румот со миксер додека не добиете мазна смеса. Потоа разбијте ја слатката павлака во цврст шлаг.
5. Полека растопете го желатинот на многу тивок оган. Кога стопениот желатин се олади, додадете неколку лажици шлаг, комбинирајте ги и додајте ги костените. На крај, промешајте го остатокот од шлаг во костените. Истурете го кремот од костени над бисквитот во калапот/тавата и ставете го колачот во фрижидер преку ноќ за да дозволите кремот добро да се зацврсти.

Состојки
200гр варени, мелени костени (чисти)
150гр брашно
2 жолчки
1 лажиче рамно пециво
1 лажица кафен шеќер
2 лажици масло
100мл млеко
200мл јогурт
2 белки
за декорација
1 лажица крем сир
1 лажица шеќер во прав
100мл слатка павлака
за прелив
мармалад, џем од вишни

Во еден сад ги соединуваме млекото, јогуртот, шеќерот, мелените костени, пецивото, брашното, некое зрно сол и маслото. Јас сите овие состојки ги ставив во нутрибулет и добив мазна и сјајна смеса.
Ги матиме белките во цврст шам и ги соединуваме со претходната смеса.
Оставаме смесата да одмори 15 минути, па потоа на умерен оган, на многу малку намастена тава ги пржиме палачинките.
Ги ставаме на решетка да се изладат.
За кремот ги соединуваме павлакта, шеќерот и крем сирњето.
Редиме по 3 палачинки една врз друга меѓу кои ставаме од кремот.
Декорацијата ја завршуваме со мармалад од вишни... или по желба

Рецепт: Парфе торта од костени

Костените се заштитен знак на есенските денови. Неодоливата миризба на печени костени веќе некое време се шири низ улиците и му дава посебна магија на овој период од годината. 

Покрај нивната печена и варена варијанта, костените се многу вкусни кога ќе се вклучат и во разни торти и колачи. Овој пат ви нудиме рецепт за лесна парфе торта од костени.

Состојки
Тесто за тарт
250 гр брашно
180 гр путер, ладен
50 гр шеќер
1 јајце
1/2 лажичка цимет
1/2 лажичка кора од портокал
прстофат сол
Крем од костени
500 гр варени костени, излупени
100-150 мл млеко, отприлика
410 гр кондензирано млеко
3 јајца
80 гр кафеав шеќер
100 гр шеќер
1 лажичка ванила
15 гр густин
1/2 лажичка мелен ѓумбир
прстофат мелен кардамом
прстофат морско оревче

1. За подготовка на тестото, се мешаат сувите состојки, се додава путерот и со рацете се втрива. На крај се додава изматено јајце и се поврзува. Се обликува диск и се става во фрижидер да одстои 1ч. Потоа со него се обложува калап за тарт со димензии 26см.
2. За подотовка на кремот со костени, излупените костени се пасираат со малку млеко за да се добие мазна смеса.
3. Јајцата се матат со жица за матење и се додава кремот од костени, кондензираното млеко, шеќерот, ванила и на крај измешани зачините со густинот. Со филот се полни тартот се пече 40-45 мин на 180Ц
4. Пред служење се посипува со какао и се украсува со чоколадни листови

За 45 минути подготовка може да направите вкусен специјалитет од костени кои ќе ви го разубави денот.

Есенскиот плод чии мириси веќе со недели се шират низ улиците и кои гарантираат врвна забава крие низа изненадувања. Богатството со витамин Ц, малиот процент на масти се само некои од својствата поради кои овој плод треба секојдневно да се најде на вашата трпеза.

За да го подготвите ролатот од костени потребни се – 7 јајца, 9 лажици шеќер, 2 лажици какао, 5 лажици брашно, 600 грама костени, 125 грама путер, 1 ванилин шеќер (или 50 грама топено чоколадо за готвење), 30 мл рум, 100 грама суво грозје.

Подготовка

6 жолчки изматете со 1 цело јајце, 7 лажици шеќер, 2 лажици какао, 5 лажици брашно, 30 мл. рум и снег од  белки претходно добро изматен.

Смесата печете ја во подмачкана тава, а кога ќе биде готова ставете ја на влажна салвета и свиткајте ја во ролат.

За филот потребно е – 600 грама (варени) костени, 2 лажици шеќер, 100 грама суво грозје и 125 грама путер.

Изладеното тесто попрскајте го со рум па потоа филувајте со филот од костени. Завиткајте го во ролат.

Од надворешната страна врз ролатот може да додадете чоколаден прелив за декорација, костен и суво грозје.