Состојки:

3 кг кисели јаболка

2 кг зрели домати

2 кг шеќер

3-4 кесички ванилин шеќер

1 дцл рум

Сок од лимон

Приготвување:

Излупете ги и исечете ги јаболката на четвртини и извадете ги семките.

Измијте ги доматите и исечете ги и нив на четвртини.

Варете ги заедно 15-20 минути.

Испасирајте ги.

Варете го сокот со повремено мешање.

Додадете шеќер, ванилин шеќер, рум и по желба, односно, доколку јаболките се поблаги, додадете сок од лимон. Варете до саканата густина.

Ставете ја смесата во тегли со капак и секоја свртете ја наопаку на 5 минути.

ДАЛИ НЕКОГАШ СТЕ ПРОБАЛЕ СЛАТКО ОД ЛИМОН? ОВА Е НАЈЕГЗОТИЧНИОТ ВКУС НА ЗИМНИЦАТА.

Уживајте во слаткиот, но освежителен вкус на овој домашен рецепт.

Состојки:

• 1.100 г лимон
• 1,5 кг шеќер
• 2 лажички 10 гр винска киселина
• 2 л вода

Подгототвка:

Кората од лимонот изрендајте ја. Овошјето прободете го на неколку места со дебела игла. Оставете го да се вари во 3 води, а самото варење треба да трае 4 минути (секое варење е во нова ладна вода).

Направете умерено густ шеќерен сируп од вода и шеќер. Исечете го оладеното овошје на парчиња и ставете ги во сируп заедно со изренданата кора. Слаткото ставете го да се вари додека лимонот не омекне, а сирупот не згусне. На крај, додадете винска киселина во жешка вода и варете уште 2-3 минути.

Така подготвеното слатко префрлете го во друг чист сад и оставете да отстои 5-6 часа. Ставете го во стерилизирана тегла и чувајте на темно место.

Состојки
1 кг јагоди
6 цветови бозел
4 лажици шекер
2 кришки лимон

1. Јагодите добро се мијат и по желба се сецкаат(за мармелада) или се оставаат цели(за џем). Добро се мие и бозелот и се сецкаат само цветовите без дршките.
2. Се додава шеќерот и лимонот и се вари до саканата густина. Се вари околу пола час на тивок оган.
3. Измиените тегли се ставаат во рерна да се загреат и врелиот џем се собира во топлите тегли. Добро се затвораат и се превртуваат наопаку на 5 минути.

Состојки
1кг рибизли
800гр шеќер
1 мешунка ванила

Рибизлите исчистете ги од гранчињата со помош на вилушка. Измијте ги убаво под млаз ладна вода.
Ставете ги во тенџере и пуштете на најјак оган да се варат со повремено мешање. Штом испукаат сите бобинки ставете го шеќерот, убаво промешајте, додадете ја мешунката ванила и оставете да зоврие. Откако ќе зоврие намалете ја температурата на средна. Промешувајте повремено и вадете ја пената која ќе се појави. Џемот не се вари долго, некаде 15 минути му се доволни (види втора слика). За проба, извадете од џемот на тањирче и оставете да се излади. Ако џемот не се разлева кога ќе го навалите тањирчето, тогаш е готов.
Ставајте го врел во стерилизирани тегли, затворете со капаците и превртете ги наопаку да отстојат додека се изладат.

Состојки
3 кг моркови ( по можност тенки )
2 лимонтуси
3кг и 500 шеќер
3 литра и 500 вода

Најпрво ги миеме добро морковите и ги сецкаме на тркалца.
Зависи од морковот, ако е убаво чист не мора да се лупи, но ако има оние тенки темни линии, излупете го.
Откако ги исецкавме на тркалца морковите ги ставаме да извријат во 4 води.
Ги цедиме после четвртото вриење и додаваме ладна вода и лимонтуси.
Така ги оставаме да отстојат 24 часа.
После 24 часа, настрана во сад вариме шербет кој се состои од иста количина на шеќер и вода.
Шербетот врие убаво и ги додаваме цедените моркови.
Вариме додека шербетот не ја добие потребната густина, а морковите не омекнат.
Обично слатката се собираат ладни, а ова слатко дозволува и да се собере топло.
Бојата му е прекрасно кристална, чиниш дека се желе бонбончиња.
На здравје

Има многу рецепти за ова слатко, но бидејки рецептот на Трендел веќе ми е докажан, оваа година повторно одлучив да го спремам. Јас почесто пати го нарекувам Есен слатко.
И ова слатко спаѓа во групата на нескојдневните.
  
- На костените излупте им ја тврдата лушпа
- Ставете да се вари околу 20-25 мин.
- Исчистете ја сега меката лушпа и веднаш ставете го во ладна вода.
- Шеќерот и ванила облијте ги со вода и ставете да се свари малку поредок шербет, додадете ги костените и варете додека се згусти шербетот - како секое слатко. Пред самиот крај на варењето додадете го лимонот исечен на кругови и уште кратко време нека вари.
- Соберете во тегли или додека е топло или наједноставно прекријте со влажна крпа и оставете до наредниот ден кога и ќе го соберете.
Уживајте.