Груевски или Шеќеринска за премиер?

 

Радмила Шеќеринска ќе поднесе тужба за, како што се наведува, грубите лаги искажани за неа во неколку наврати.

„ВМРО-ДПМНЕ заради тоа ќе мора да поднесе одговорност“, се вели во писмената реакција на СДСМ.

Оттаму возвратија и со контра обвинение со за однесувањето на функционерите на ВМРО-ДПМНЕ, посочувајќи на интервју за еден дневен весник на Филимена Маневска, сопруга на министерот за правда и советник во кабинетот на претседателот Ѓорѓе Иванов, во кое таа вели дека поседува „накит Сварофски, часовник Долче и Габана и чанта Луј Витон“.

Од владејачката ВМРО-ДПМНЕ денеска ја обвинија кнандидатката за премиер од редовите на СДСМ, за лицемерна затоа што била најскапо облечена жена во Македонија која зборува за сиромаштија.

„Жената за која што цело Скопје зборува, дека во очи на овие избори со својот сопруг си купила нов автомобил, најнов мерцедес.  Дополнително, би сакале да ја запрашаме г-ѓата Шекеринска дали е вистина дека пред извесно време се преселила во комплетно нов и луксузен стан“, праша Александар Бичиклиски, од ВМРО-ДПМНЕ.

Од владејачката партија се прашуваат што знае Шекеринска за сиромаштија и беда, а обвинија дека СДСМ, Радмила Шекеринска и Бранко Црвенковски воделе евтин популизам.
  / Журнал МК /