Македонска Етнологија

Јас сум патриот македонски, ги читам твоите постови и ако искрено ти кажам што мислам за твоите постови на подфорумот историја, ќе се налутиш, а јас со тоа ќе ги прекршам правилата.  

Пак ќе повторам, идентитетот и етнологијата се поврзани поими, но не се идентични поими. Сите имиња кои се дел од етнологијата се соодветни на потеклото, но не може само со нив да се изрази истото. Но, имињата се сврзуваат со идентитетот, а не со етногенезата на еден народ. Етногенезата на еден народ е поврзана со нешта кои се поврзани, но не се и идентични со идентитетот на еден народ. Но, за ова да го разбереш, треба да имаш големи познавања од областа на историјата, во спротивно пак ќе говориш за мистицизми и неразбирливи, секако, за тебе, нешта.

Поделбите постоеле, постојат и ќе постојат се додека постои и човештвото. Ако тоа кое си го напишал за поделбите е упатено кон мене, не труди се воопшто, јас не сум приврзаник на никакви пацифистички, комунистички или хипи повици за воспоставување некакви непостоечки братства и единства или замислени "хармонии". 

Очигледно историските процеси не ти се детално познати, туку само површно прочитани. Во текот на историјата, името на народот не секогаш го дава мнозинската компонента на она што претставува, условно кажано, етничка смеса од која е составен определен народ. Впрочем, во огромен дел од случаите, името на народот и не е поврзано со таа компонента. Најчесто највилјателната компонента е онаа која има пресудно влијание. Пример за тоа имаме во соседството. Албанците, кои се сметаат за потомци на Илирите, не се нарекуваат Илири. Бугарите, кои се потомци на протобугарското племе и Словените, не се нарекуваат Словени, иако согласно сите особини кои го определуваат нивниот идентитет, тие се дел од словенските народи. Грците, независно од тоа што се нарекуваат Елини, не се во најголем дел Елини, односно ги немаат сите оние карактеристики кои ги имале старите Грци. Иста е ситуацијата и кај другите народи. Шпанија се создала од кралствата Арагон и Кастилја. Кастилја била  многу помала, но повлијателна, па така Арагон се претопил во кралството Кастилја, а не се случило обратното. Но, тие се нарекуваат денес Шпанци, а не Арагонци. Ниту пак Италијанците денес се нарекуваат Латини, иако во најголем дел се тоа. Мислам дека овие примери се доволни.

goran-twin напиша: Затоа и со право може да се каже дека нашиот"македонски"идентитет е мистицизам. Ако од друга перспектива погледнам дали крв македонска носиме,како што сме го носеле името македонско до последното "ропство". Со право можеме да се наречеме македонци.

Пак ќе повторам, мистицизамот е одличен начин да се оправда незнаењето и непознавањето на историските процеси. Но, за жал, со тоа не може да се сокрие таквото нешто.

goran-twin напиша:   Но немам ли право,јас кој не сум врзан за национализам да си подигрувам со патриоти и непатриоти.

За да се подигруваш со нешто, треба да имаш знаење за тоа нешто. Ако подигрувањето ти е како познавањето на историските процеси, најдобро ќе ти биде да се воздржиш од тоа, за да не почне некој кој ги познава историските процеси подобро да почне да се потсмева со твоето непознавање на историјата. Не случајно нашиот народ рекол дека некогаш молчењето е злато. 

A кој народ од Европа денес е чист народ, неизмешан со други народи? Можеш ли да наведеш таков народ во Европа? 

Идентитетот не подразбира чистота, освен секако, ако немаш во предвид некоја фашистичка дефиниција за истиот. А сите тие нешта кои ги наведе се дел од етнологијата на македонскиот народ, иако нема да се согласам дека македонскиот народ се мешал со сите тие народи дкои ти ги наведе. Етнологијата го подразбира се она што го наведе, ама очигледно мистицизам е за некои луѓе е значењето на овој збор, па го поврзуваат со зборови како индентитет.