Охриѓани подготвени за туристичката сезона

Влезот во манастирскиот комплекс Свети Наум - нов и урбан

Нема ни трага од хаосот со тезги и картонски кутии од кои се продаваше храна, скара, разни дребулии, со фрижидери, чадори

Со црковни обичаи, денеска напладне ќе биде осветена новоизградената порта и уредениот влез од манастирскиот комплекс во Св. Наум во Охрид. Осветувањето ќе го изврши митрополитот Дебарско-кичевски г. Тимотеј кој претходно, во 9 часот, во катедралниот храм Света Софија ќе отслужи архиерејска литургија.

Владиката Тимотеј неодамна истакна дека проблемите со локалната власт околу добивање на потребните одобренија за реализација на проектот во Св. Наум се надминуваат и дека процесот на комплетирање на документацијата е при крај.

Просторот пред манастирот е ограден и е изведена нова влезна капија, а возилата можат да се паркираат единствено на паркингот пред влезот во комплексот. Во комплексот се поставени јавни тоалети, како и неколку типизирани куќички за продажба. Изградена е фонтана и пешачки патеки, а целокупниот простор на овој локалитет доби и ново хортикултурно уредување. Уште на почетокот на реализација на проектот, архимандритот на манастирот отец Нектариј кој е директно надлежен за реализацијата, во изјава за Вечер информираше дека особено внимание се обрнало на хортикултурното уредување на просторот. На местото на четирите стари и гнили канадски тополи се засадени околу двесте украсни фиданки кои само го надополнуваат урбаниот изглед. Целосно е изградена и инфраструктурната мрежа, а и прочистителната станица функционира беспрекорно и на неа се поврзани и тоалетите и двата ресторани.

Охриѓани се задоволни што комплексот "Свети Наум" за првпат подготвено ја дочекува туристичката сезона. Нема ни трага од хаосот со тезги и картонски кутии од кои се продаваше храна, скара, разни дребулии, со фрижидери, чадори ... На нивно место сега се типски куќички од кои ќе се продава храна според пропишаните стандарди.

Уредувањето на комплексот "Свети Наум" го врши МПЦ-ОА откако со Законот за денационализација си го врати просторот во свое владеење. Оваа активност има повеќекратен бенефит за поголема туристичка афирмација на овој според многумина, најубав дел на охридското крајбрежје. По ова, останува да се изгради новата сообраќајница од Охрид до Свети Наум, која се ветува со години наназад, бидејќи постоечката во должина од 30 километри е во очајна состојба.

Италијанци воодушевени од Охрид, направиле веб страна за промоција градот

Visit Ohrid

Нова елитна населба во Охридско!

во место да се инвестира во тоа Охрид барем малкучка да биде по привлечен за Македонците они градат населба за богаташи

Иако залади, во Охрид по плажите врие (ФОТОГАЛЕРИЈА)