Мармалад од кајсии

Од три колограми шеќер и еден литар вода сварете густ сируп. Исчистете и измијте три килограми посочни кајсии, сомелете ги, па додадете ги во сирупот и варете ги со постојано мешање се додека смесата не се згусне. Мармаладот сипајте го во топли тегли и стерилизирајте го во рерна на 80 степени се додека не се фати коричка на површината, а потоа затворете ги теглите со целофан.

Желе од рибизли и од малини

Потребно:

* 1 кг малини
* 1 кг рибизли
* 2 кг шеќер

Приготвување: малините и рибизлите добро се мијат, се цедат, се оставаат во сад, се гмечат, а потоа се пасираат. Потоа се додава шеќерот во сокот и се вари додека не се згусне. Уште додека е топло, желето се става во топли тегли, кои се затвораат со целофан.

Слатко од ружи

Потребно:

* 250 г венечни ливчиња од ружа
* 2 кг шеќер
* 1 лимон

Приготвување: исечете го долниот дел од венечните ливчиња (може да биде горчлив), потоа ливчињата ставете ги во цедалка и заедно со неа ставете ги во вриена вода на 2 минути. Добро исцедените ливчиња измешајте ги со лимоновиот сок. Сварете го шеќерот со 2,5 дл вода во мошне густ сируп, па во него измешајте ги ливчињата. Оставете ги да отстојат преку ноќ, а утредента вратете го тенџерето на рингла и варете со додека ливчињата не станат проѕирни. Готовото слатко ставете го во тегли и откако ќе се излади добро затворете ги

Џем од сливи во рерна

Потребно:

* 5 кг модри сливи
* 1 кг шеќер
* неколку каранфилчиња

Приготвување: сливите измијте ги и извадете им ги семките. Во тенџере редете ред сливи, ред шеќер, ставете ги каранфилчињата, па пак сливи, шеќер, сè додека не ги потрошите продуктите. Ставете го тенџерето во претходно загреана рерна и печете го џемот. Сливите сами пуштаат сок, а се печат сè додека течноста сосема не испари. Се пече приближно 3 часа. Џемот се става врел во врели тегли и веднаш се затвораат со целофан.

Џем од круши

Потребно:

* 1 кг круши
* 500 г шеќер
* сок од 1 лимон

Приготвување: излупете ги крушите, исчистете ги од семките, па варете ги во покриено тенџере со малку вода додека не омекнат. Потоа добро исцедете ги, испасирајте ги, додајте ги шеќерот и сокот од лимонот, па варете го џемот додека не се згусне.

слатко од смокви

На 1 кг здрели смокви оди по 600 гр шеќер е сега да речеме за 3 кг смокви ќе ни треба 1 и 200 гр шеќер го тураме во шерпа,потоа додаваме вода колку да го покрие шеќерот и еден прст да има над него.Оставаме да зоврие откако ке зоврие му ги додаваме смоквите цели секако само исчистени од рачката да речам дршка и оставаме да врие без мешање само со малку протресување на шерпата.Готов ќе биде кога ке извадиме од шербетот со лажичка и кога ке излади да капи по капка.пред ваѓање додаваме еден исечкан лимон на тркалцина и една ванила и оставаме да се лади до другата ден покриен со влажна крпа.
слатко од црешни

Иако црешните завршија јас ке ви го кажам овај рецепт мене слакото ми е најубаво од ова овошје.
Црешните ги оставам цели само семката ја вадам на малу специфичен начин со шнола од црните оние обични ја фтерувам во дупчето кај што стои рачката и вртам наоколу околу семката кога ќе и поминам еден круг ја ваѓам нагоре,семката застанува на заоблениот крај од шнолата.
на 1 кг црешни околу 500 кг шеќер постапката е иста како кај смоквите само не се редии лимонот.

Изменето од Valerija - 18.Септември.2014 во 10:52

Слатко од лубеница

Состојки

Упатство

Најпрво исечете ја лубеницата на поголеми парчиња и отстранете ја надворешната кора, а се разбира и црвениот дел кој можеби сте го изеле веќе, но оставете еден тенок слој… Потоа исечете парчиња од кои ќе вадите по желба, помали парченца и во форма која сакате… Парчињата ќе се варат кратко низ 5 до 6 води… Ставете ги во ладна вода да повријат околу 5 минути. Потоа сменете ја водата, така направете 5 до 6 пати, да зоврие 5 минути, па исцедете и ставете ладна вода повторно… После последниот пат, веднаш подгответе го шеќерот за шербетот, на 1 кг. лубеница оди 1 кг. шеќер и малку вода. Измерете ја лубеницата кога ќе ги подготвите парчињата, зашто после варењето, количината ќе се намали… Кога ќе зоврие шербетот, додадете ги парчињата заедно да се варат… Треба да се варат на силен оган, без мешање… Кога ќе почнат да се појавуваат меурчиња, значи готово е… Јас не сакам густ шербет, ниту многу благ, ниту многу кисел… Полесно е за јадење кога е поводен… Додадете 2 ванили и кришки лимон, покријте го садот со влажна платнена салфета, а наредниот ден ставете го слаткото во теглички… Мене ми е уште покриено, овие ги извадив за проба, па направив неколку фотографии…
Слаткото е прекрасно, прозрачно, со преубав вкус… Добар апетит !

Изменето од Valerija - 06.Февруари.2014 во 22:17