Кои се тајни служби работат во Македонија??

69 страници имена на операции на ДАНС?

ДАНС е создадена 2008 година бе

ова 69 да не е од некоjа друга книга?

Штирлиц

епа напишал ти е - од Шпигл и Доjчевеле

ама 69 е од индинска книга мислам



Изменето од да бе - 06.Ноември.2009 во 12:15

аха еве оригиналот

http://www.dw-world.de/dw/article/0,,4863615,00.html

Автор: Борис Георгиевски / Дојче Веле

Борис - татарско име

Boogie напиша: Гоборисе е име на ТуркоМонголскиот Бугарски хан кој подоцна се прекрсти во Борис - значи Борис е христијанско - Православно име а не БугарскоТуркоМонголско

Баш татарин е да знаеш! Наш человек под прикритие! Денес в Доjче веле утре в ЦРУ!!!

Изменето од tanas_1902 - 06.Ноември.2009 во 13:36

Кои се не шпиунира во Македонија?Каква е улогата на “македонската политичка елита“ и македонските олигарси во уништувањето на Македонија и на Македонците?

СКАНДАЛОЗЕН ДОКУМЕНТ ЈА ОТКРИВА ДВОЈНАТА ИГРА НА СОФИЈА
Бугарски шпиони ја „орале“ Македонија



Македонија стана погодна почва за бугарските разузнавачки служби, кои по наредба на тамошниот државен врв веќе неколку години шпионираат македонски граѓани и припадници на македонското малцинство во Бугарија со ставови спротивни од политиката на официјална Софија.
Овие тврдења ги објави вчера германскиот весник „Шпигел“, а со истите се огласија и припадниците на ОМО „Илинден – Пирин“ откако во Македонија се интензивираа тврдењата дека српските тајни служби ја контролираат земјава и две децении по нејзиното осамостојување.
- Внимателно се следат контактите на бугарските граѓани и на Македонци со пробугарска ориентација со вработените во бугарската амбасада во Скопје. Се чувствува засилена контрола врз работата на бугарската ВМРО
-БНД во Македонија. Максимално се контролира и добивањето на бугарското државјанство – се вели, меѓу другото, во еден од објавените документи на бугарските тајни служби.
Протекувањето на доверливите документи од бугарската Агенција за државна безбедност (ДАНС), од кои голем дел се однесуваат на нивните активности во Македонија, деновиве предизвика голем скандал во Бугарија.
Како главен виновник што документите излегле во јавноста се посочува поранешниот премиер Сергеј Станишев, на кого бугарскиот парламент поради тоа веќе му го одзеде пратеничкиот имунитет. На Станишев му се заканува и затворска казна доколку бугарското обвинителство одлучи да покрене истрага за него. Неговата партија на парламентарните избори во јули годинава беше убедливо поразена и нов бугарски премиер стана Бојко Борисов.
Во документите може да се прочитаат псевдонимите на бугарските оперативци во Македонија, како и имињата под кои ДАНС ги водела своите операции во земјава. Бугарските служби за своите активности во Македонија му реферирале директно на тогашниот премиер Станишев.
Псевдонимите под кои бугарските агенти оперирале во Македонија биле „Славеј“, „Посредник“ и „Бегалец“. Операциите, пак, биле наречени „Езеро“ и „Октопод“. Нивна главна задача била строга контрола на луѓето кои поднесувале молби за добивање бугарско државјанство, како и спречување на ширењето на промакедонскиот национализам во Бугарија.
Поранешниот премиер Владо Бучковски тврди дека пенетрирањето на странските тајни служби во Македонија е реалност.
- Тоа го прават сите сериозни држави. Многу е веројатно дека постојат и српски и грчки тајни служби што работат во Македонија. Жално е што нашата држава нема толкава моќ, па нашите служби да им помагаат на Македонците во Албанија или, пак, на припадниците на ОМО „Илинден- Пирин“ во Бугарија - вели Бучковски.
Во документот од 2008 година е наведено дека и македонските служби не седеле со скрстени раце и кај нив е забележано високо ниво на разузнавачка активност кон Бугарија.
Според оценките на бугарските разузнавачи, нивните колеги од Македонија сметале дека Бугарија претставува сериозна опасност од гледна точка на „македонскиот национален идентитет“ и дека затоа треба да продолжат со активностите во Бугарија.
За спречување на процесите по линија на т.н. промакедонски национализам, бугарските служби работеле преку операцијата наречена „Сепаратисти“.
Припадниците на македонското малцинство во Бугарија не се изненадени од соработката на Станишев со тајните служби. Од партијата на ОМО „Илинден – Пирин“, која веќе 15 години чека да биде регистрирана од бугарските власти, велат дека нетрпеливоста на Станишев кон Македонците во Бугарија најдобро се видела за време на посетата на Македонија кога изјави дека ОМО „Илинден - Пирин“ намерно не сака да се регистрира за да ја обвини бугарската држава дека е против правата на малцинствата.
- Станишев јавно призна дека соработувал со тајните служби. Ним им е доделена главната задача да го оневозможуваат регистрирањето на нашата партија, а во тоа големо влијание сигурно има и Станишев – вели Стојан Ѓоргиев, член на раководството на ОМО „Илинден - Пирин“.
Дека е многу веројатно бугарските власти да го контролирале и добивањето бугарски пасоши на македонски граѓани говорат и информациите добиени од активисти на бугарското движење во Македонија, кои велат дека за време на владата на Станишев бил сменет речиси целиот персонал на бугарската амбасада во Скопје.
Најсвеж пример за кој припадниците на ДАНС му се „пофалиле“ на Станишев е блокирањето на материјалите на партијата на Македонците во Грција, Виножито, за изборите за Европскиот парламент. За „успешно“ изведената акција, бугарските служби веднаш ги информирале своите колеги во Грција.

Партијата на Бугарите плод на тајните служби


Партијата на Бугарите, која треба да се формира до крајот на ноември, е дело токму на бугарските тајни служби. Познавачите на политичките случувања во регионот коментираат дека бугарските тајни служби со формирањето партија во Македонија сакаат да го зацврстат своето присуство во земјава и на полесен начин да ги пренесат своите ставови до луѓето. Активистите вклучени во подготовките на собирот велат дека добиле препорака од властите во Софија да анимираат што повеќе луѓе да станат членови на партијата и таа да учествува на следните избори.


Бугарско-грчка оска против Груевски


Бугарија и станува сојузник на Грција во спорот со Македонија за името, пишува грчкиот весник „Катимерини“.
- Во последно време, Софија е во иста позиција како и Атина, исправена пред проблемот на агресивниот македонски иредентизам. По Атина, и Софија го постави прашањето за нарушување на принципите на добрососедството и испрати порака дека ако лидерите во Скопје продолжат да ги нарушуваат, Бугарија ќе го попречи нивниот пат кон ЕУ - пишува весникот.
Грчките медиуми пишуваат дека однесувањето на Скопје не одговара на добрососедските односи кои владеат меѓу земјите-членки на ЕУ и дека токму затоа меѓу Бугарија и Грција почнува да се гради една неформална оска против агресивниот национализам на Никола Груевски и неговите блиски соработници